[不定期]傻仔樓豬唔識日文,一個去日本工作假期,生活日常

詐屍！！！！

報告下近況先！
樓豬仲未翻香港，大家係咪好失望

黎左一個月啦，得番6萬円
但係搵到工啦，7月2號翻工，酒店執房

講下事發經過啦
是咁的，本身樓豬念住第一份工係去做すき家既。用心準備左差唔多兩星期，四日前打電話過去應募。

一開始都好地地都算聽得明佢講咩，咁我就話想應徵邊間鋪既アルバイト啦，咁就叫我留名同電話。留完之後，竟然問左我條問題。

好，第一次聽唔清楚，但都淆淆地嫁啦，唯有叫佢講多次，結果都係聽唔明！唯有好尷尬咁用佢問既差唔多音問係咩意思，結果都係聽唔明⋯

擾讓左一輪，佢終於講左句我明明地既野！就係 我地呢份工需要有正常既日文溝通能力！ 場面一度十分尷尬無奈之下唯有打出gg！同佢講左句明白了，唔好意思，今日多謝晒，失禮了，就收左線！

係呢個時候 樓豬心情十分傷心，因為明明準備左好耐，結果聽唔明（甚至係聽唔清楚，又唔記得錄音），連面試既機會都無（我覺得應該係問d好簡單既野，但係經過電話聽，佢講野又快又無咩起伏，真係好鬼難聽）

係傷心之下 唯有死死氣上facebook華人group 搵野做，廢事餓死啦

咁就有三份好似有d意思，最後呢份酒店請左我

Yeah!

交晒租嫁啦
追post唔認真😤

下星期翻完工話比大家知伏唔伏，到時出糧再話比大家知到底收唔收到錢

你洗錢都洗得幾快下

未死

加油~ 係呢 樓主你係大約咩位置~

終於上水

京都中京區

D錢好唔㩒洗

我都岩岩到左埗，不過係東京

第一日返工點呀？

打算之後點?

點解可以咁快洗剩6萬円

樓豬帶左幾多錢去？

好似都有二三十萬yen

樓豬FIRST DAY點

樓主點呀？
可唔可以分享下呢排做過咩得番6萬

係咪去左飛田打工

做酒店幾錢個鐘?

樓主加油呀，等你睇分享

樓主有咩揾工網 租屋網介紹？

利申 黎緊都就出發日本WH

話說 琴日就係樓主第一日翻工！

上班時間係朝早9半到下午 睇下幾點做完

咁我就九點左右去到酒店附近 大約九點十分就入去前台報到。

前台係兩個日本小姐姐，好彩準備左幾句備用，咁就講左我係今日翻工既執房新同事。 不過我自我介紹講左全名，原來公司幫我留左英文名比佢地，差d搞左個大烏龍！

搞完一輪 ，小姐姐比左兩套制服我同堆表格，順便幫我搞埋指紋打卡登記。

換完衫因為仲未夠鐘，同事未翻齊就叫我等陣、有一個日本叔叔四五十歲左右，原來都係我同事黎，打完招呼之後，佢問左我幾個簡單既問題傾下計咁，雖然有d唔係好明，但表面上佢都係好nice


等左陣同事翻齊啦，計埋我有五個執房既 另外三個都係台灣人，歲數同我差唔多（睇落），兩男一女。今日由小哥哥帶我（黎緊幾日都係）。

工作詳細內容唔講啦，執房都係咁上下，想知詳細有人問再講。直接講感想！

呢份工係我第一次用普通話面試既工，基本上全程翻工我都係講普通話😂😂😂，中間休息時間，會五個人一齊食下野傾下計咁，就可以用日文啦！雖然我都係唔識🙈

教我既小哥哥，都算有耐性，但係好似唔係好識教人😂😂😂不過我都大概get到既 但好多detail位佢成日唔記得/唔識講（唔係特登，因為有次抹窗比人捉到唔合格佢自己走左去抹完，事後再抹窗先提我要注意😂🙈仲有其他）另外佢都唔識日文🙈

日本叔叔 真係幾nice休息果陣係咁問我有無事，要小心腰丫 ，腳丫之類，又唔介意我日文唔好 有時見我唔明 又會用d簡單d既，同慢d講多次。

工作結束第一感想係超熱，房入面 勁焗，又要係咁蹲》企〉蹲》企，熱死人！ 攰就唔係好攰，不過樓豬小運動，稍微有小小肌肉痠痛 唔嚴重訓一晚就好咁。

上個post比人騎劫左 ，好多巴打分享呢個方面既資料 可以去睇翻

我絕對唔會話比大家聽我買左部airpod同課左張10000円AppStore

20萬