有無巴絲傾下舞台劇?

其實我自己覺得係個女殺咗阿媽，見阿女攞住枝鐵fing fing下，我覺得係暗示佢扑死老母，襯佢病攞佢命，加上故事前面鋪排有晒理由令佢咁做。最後阿女坐在搖搖椅上，都比我覺得佢係癲咗，變成另一個Mag

今年我睇過嘅劇最鐘意短暫的婚姻

我冇睇短暫的婚姻，畀林狗嚇走咗
你鍾意莊梅岩，有冇諗住睇留守太平間

林狗簡直係套劇的污點，但又因為佢賣貴晒d飛

留守太平間讀劇咋喎，唔會睇了
話說買咗莊梅岩劇本集都未開始睇

劇讀係風車草
但係好似真係有新劇團做喎http://m.timable.com/event/1880978

係喎，謝謝，諗諗佢

另外覺得部份觀眾好冇品，入到場係咁影個台，要職員叫唔好影相，又唔熄電話，試過演緊戲有訊息聲，可能親親麗南始終有大明星演吸到生客，但佢哋又唔理解下劇場禮儀先入場

其實art fest仲有公售位算係咁

其實呢個班底⋯⋯憑咩

吓
我覺得幾吸引喎

睇左讀加正劇，之前一路都諗唔明。
去到劇尾突然諗通，我覺得係以下咁

女本身係真係有少少精神病，喺倒油之後追出去但都見唔到parto，就ff自己見到，返到去見老母死左都照對住佢吹牛（好似以前對老母咁）話會同parto一齊離開。當然最後就比細佬篤穿左，佢就發現自己係ff。

但其實女係好愛老母，最後電台嘅廣播話係慶祝老母71歲，可能根本一直點唱嘅都係阿女，因為老母好鐘意而不斷咁做，而唔係嗰兩個家姐。

莊梅岩本身有fans
再加埋講homosexual嘅劇本身就會有member去睇

我啲gay friend仲早過我知有呢套嘢

岩岩睇完四川好人，我個人認為都幾值得睇

可能睇風車草睇太多，四川好人嘅邵美君真係令我眼前一亮，估佢咁到咁有power！

個人覺得平平地都可以買飛去睇！

你呢個講法我都有見人講，今日我再諗通少少劇情，sorry for 1999。
阿女=愛爾蘭人=香港人，內憂外患（阿女自身性慾無法宣泄/面對專橫老母+困在一個冇發展的地方咁就一世）比喻愛爾蘭人絕望、無去路、谷到爆，到最後走上以性命相博的絕路

阿媽=英國=中國，專橫極權，但愛爾蘭人想擺脫但某程度上又要倚賴英國，例如語言，明知自身文化被消滅但又不得不學習英國文化以求存活下去

Pato=轉機，但不知是好是壞，以男主變幻莫測的性格去側寫愛爾蘭人的徬徨和不安全感。代入香港，例子就如反逃犯條例，香港人以此求出路但如履薄冰

呢個都係一個幾好嘅見解，尤其劇中咁多講到國家，都唔係冇可能係咁。

可能都係喎，阿媽對住Ray小朋友可以乜都講好fd(雜種一出我笑到拍手掌)，任何極權政權之下只要有班不理世事的人，佢哋可以隻眼開隻眼閉

今年真係算睇左好多舞台表演
以下係覺得正嘅

1. 2019 Art Fest - Hamnet
2. 2019 Art Fest - Home
3. War Horse
4. The Great Tamer
5. 短暫啲婚姻
6. 如夢之夢
7. 尋常心
8. 米線女戰士
9. 親親麗南
10. 四川好人

最後悔入場係 First Date
搵個唔識唱歌嘅做男主角我真係唔知想點，成件事錯哂。

我嗰場都係，而且普遍觀眾笑點低，搞到我都睇得好歡樂凌文龍對住葉德嫻講我同妳個女講dllm全場爆笑，仲有手指餅

我睇過的覺得但願人長久最差，公路死亡事件都幾失望

短暫的婚姻和親親麗南兩套都好出色，好難揀邊套好啲

但願人長久見到係一大堆明星做就一啲興趣都冇，呢啲大堆頭次次都伏嘅！

公路我又覺得都ok，唔算最好，但都睇得下。

短暫有林狗已經衰左，雖然蝦頭好正，但一個人正唔夠。反而親親麗南每個人都做得好，我覺得呢兩套比親親麗南一定好啲。

我鐘意短暫的婚姻寫人性去得好盡，四個主角無個好人，親親麗南寫嘅人物性格就更立體，有好和壞的兩方面。同意親親四個都做得好，但潘燦良今次做得比較收，明顯佢個演繹和作用係用來襯托蘇玉華

我發覺自己幾鐘意呢類暗黑風格的作品，變態

邵美君演得好
但唱就....
搞到我投入唔到

今年最後悔無睇5月35日和色相