社區藥劑師，健康/藥物問題 你問我答 (2)

各位巴打/ 絲打大家好
我地係一班年輕嘅香港藥劑師，我地知道係香港得到好&經濟嘅醫療服務其實係好難 (講真，係香港如果想問專業人士一啲健康問題其實個Barrier & Cost都好高)
我地希望可以靠推廣藥劑師平民諮詢服務去幫到大家解決你 (or你關心嘅人) 嘅健康問題，而同一時間可以令多啲香港人知道藥劑師嘅功能，提升大家對我地嘅認知

小弟&另一位幫手嘅巴打 勿慌眠 都係社區藥劑師，歡迎大家繼續問任何問題
無論係健康問題，藥物問題，定關於藥劑嘅問題都OK架
而且最好講得詳細啲，例如你嘅病史，詳細嘅症狀，嘗試過嘅藥物/治療方案
(因為藥劑師都要問症先可以幫到你架，如果怕醜可以直接Inbox我地個FB Page )

另外歡迎大家比個like我地個FB Page支持下我地 ，我地會不定時發放下健康資訊咁
https://www.facebook.com/pharmacistsconnect/

由於我地覆呢個Post 都係要用收工 or 放假時間覆，希望大家比啲時間我地，可能會覆得比較慢 (&有啲問題我地都需要啲時間去啲medical references 到幫你搵資料 )
我地一星期大概會上來Check 1-3 次，你打低問題我地盡量會覆曬，如果個問題真係好急就直接Inbox我地個FB Page啦

Post 1: 毒L 藥劑師，你問我答
https://lihkg.com/thread/849180/page/1

Post 2: 社區藥劑師，健康/藥物問題 你問我答
https://lihkg.com/thread/951129/page/1

輕輕一推

留名學嘢
其實藥名巴打們係咪都係藥劑師

鞋/ 襪會唔會刮到？如果有要避

hydrocortisone係類固醇來，你用左幾耐？冇用係講緊止唔好紅/ 痕 定好唔返？有機會可以用隻強d 嘅，但for acute phase only，平時都係要做好保濕

Urea 係潤膚&軟化皮膚，你一日搽幾多次？搽左幾耐？呢隻要搽得密先會有改善，講緊一日最好4567 次，而且要有耐心，要幾個星期先會有改善

另外就係可以加強保濕，沖涼後用浴油/ 夜晚用wet wrap，有興趣試再講

最後再問多少少
你有冇長期病？
大概咩年紀？
濕疹係細細個就已經有？
會唔會乾 or 做完運動出完汗再嚴重啲？
用緊咩沖涼/ cleanser？

唔記得用左幾耐呀
正常用量咁用哂成支囉
好唔返
Urea用左一半左右啦

冇長期病
29
細個冇 腳係上年先開始有
呢幾年係一熱就有少少痕 但凍返就冇野
唔做運動 天氣熱會痕
腳呢撻上年到而家冇好過
沖涼用dove

沖涼而家轉左隻無SLS既用
Urea呢幾日都keep住有搽都係咁
如果配返hydrocortisone黎搽 一日搽兩次 有無咩問題？
呢幾日濕度高 發到個摺位好撚痛
又book唔到政府門診睇 日日都話full哂
私家普通科又鳩流流 專科皮膚科又好貴

正想講唔好用Dove 可以轉隻清啲嘅Cleanser
Urea 要再搽密啲，OR轉油啲嘅潤膚膏
沖涼後加浴油 (搽上患處後過少少水，再用毛巾印乾)
可以試下用Wet Wrap 搽潤膚膏，用繃帶 OR Tubigrip
(專業BB仔示範: https://www.youtube.com/watch?v=8GZCCTTZAlo)
如果熱 & 流汗會引發，要注意不停抹汗保持乾爽

請問藥師
靜脈曲張,有無藥膏介紹

巴打你好，你係台灣人?
我地香港一般叫藥劑師

靜脈曲張要視乎你嚴重程度去到邊，輕微至嚴重case 都可以用壓力襪
嚴重case 其實都可以做手術，宜家靜脈曲張啲手術都好方便
但藥膏基本上就冇咩用 啲Medical Guideline (歐美，甚至中國)都冇話邊隻係真係有用，你見廣告賣個啲 喜X妥 其實都係得個講字，冇大型臨床研究話過佢靜脈曲張係真係有用

所以一般情況下我地藥劑師都係建議用醫療級壓力襪，日間著，其實幾個星期已經會有改善 (不過要keep 住著)
有興趣再講多d

想問有關美容嘅野 唔知關唔關事
最近塊面兩頰不斷keep住生油脂粒
用過有benzoyl peroxide嘅暗瘡膏
隔日會好少少 但係一冇用又繼續生大粒啲
有試過bha 但可能只係用過四五次
所以未見有效果
想問點可以清走啲暗粒？
另外仲想問用咩會減少紅印？

有冇膿？生左好耐? 紅唔紅?
你確定係油脂粒嘛? 定粉刺?
你google 下 毛囊角化（keratosis-pilaris），睇下啲症狀似唔似

如果真係油脂粒的話，benzoyl peroxide未必會好有用
因為佢係針對暗瘡 (殺菌/ 消炎)，但油脂粒係關油脂分泌 & 毛囊事
如果係油脂粒你可以考慮以下：
1. 做好保濕工作；可以考慮使用含有尿素 (Urea)的潤膚膏，濃度越高功效越好但都會越油膩；尿素可以軟化角化皮膚，亦可以改善乾燥的情況；
有少部分病人用含有果酸嘅潤膚產品也會有改善，但要注意果酸可能會引致皮膚過敏嘅情況
市面上面個啲 x粒消 其實都係Urea 呢個成分來

2. 可以考慮係沐浴個陣使用一些海綿去輕輕的搓洗毛囊角化的地方，但注意不要過量搓洗，否則可能會刺激啲皮膚 (尤其係面未必好，如果係身就可以考慮下)

3. 避免刺激患處，唔好成日用手去觸碰OR抓癢；如果留左個疤痕OR令皮膚色素因刺激而加深，會好難消除患處嘅痕跡

如果真係似毛囊角化（keratosis-pilaris）就仲有藥膏可以考慮用的

間唔中有D腫瘡可以點做 冇濃出

膿瘡理論上都係預防勝於治療
如果真係有，視乎大小同嚴重程度，好有可能要睇醫生拎抗生素 (搽 OR 口服 OR Both)

頭痛可以點做

絲打要講多少少details 先幫到你
例如痛左幾耐，邊邊痛? 痛嘅frequency & duration
有冇其他症狀？
有冇試過食咩藥? 本身有冇長期病 & 食緊長期藥

一般如果係普通頭痛其實食藥都係舒緩症狀
都係要解決源頭 (唔夠休息，壓力，酒精/咖啡因)

腳指好痕，皮抓出血，變白，皮變厚
睇醫生都開隻regocin-f cr 藥膏，唔想次次咁貴睇症
出面有冇得買

同成份嘅藥周街都係

巴打如果你係香港腳 (最好有圖比我地望望)
其實Regocin-F 正係適合前期搽，因為佢入面除左抗真菌藥外，仲有好強嘅類固醇去幫你止痕

咁其實如果你唔痕後，其實應該轉返隻冇類固醇嘅抗真菌藥膏 (Clotrimazole，which is Regocin-F入面隻抗真菌藥)，搽患處同附近位置
係好返後，Clotrimazole 可以搽多7日去預防復發

平時保持腳部乾爽，著純棉襪，每日可以換多次

巴打
我條氣間唔中會有d緊
照過個肺無花，吹氣測試pass
醫生話我有氣管敏感

我食actifed compound syrup之後感覺條氣就唔緊

請問長期食有無咩大影響. 我而加食15ml一次 一日三次.

Actifed Co 入面最主要止咳係codeine
即係可待因
如非久咳嚴重咳我都唔建議用
雖則本身actifed 自己都唔多副作用，但係無謂再多幾樣

本身氣管真係敏感都未必係出actifed co
但係好處就係可以買嘅咳水入面佢最勁
如果可以試我會寧願你下次
1. 如果似敏感，試返actifed/佢成份先 (troprolidine + pseudoephedrine) /試其他antihistamine，例如黃丸仔/試

2. 食鬆氣管藥，如diphylline/theophylline
但係副作用/禁忌多少少

唔得就繼續

而且長期食Codeine 都怕你會上癮 & 越食越冇效
(同埋可能會搞慢條腸 > 變便祕 )

& 理論上定期做帶氧運動可以改善氣管敏感問題
每星期4 - 5 次，每次30分鐘

你會唔會行好多路 OR 對鞋唔夠舒適？
聽上去似不停刺激啲皮生緊個個位，搞到好唔返
巴打應該冇咩長期病？例如糖尿個啲？
呢個情況維持左幾耐到？有冇見血 or 有膿？

理論上避免刺激 (唔好行太多路，跑太多步)
唔好up 住 (儘量著透氣鞋)，唔好mit 啲皮
如果鞋底唔夠舒適，可以加鞋墊

搽藥膏就未必幫到太多，最多都係殺下菌咁 (不過如果係腳底有時搽cream 反而會up 住搞到好唔返)
唯一有機會搽就係Urea (如果啲皮真係好乾好硬咁)，不過都唔係幫助傷口癒合

如果你唔介意可以影張相比我地望望

一個月前開始行斜路隻腳就勁攰 有時行下要抖下 心跳加快 容易咗喘氣 ，個人變到好垃圾 以前冇可能會攰嘅路又行唔到 拎嘢又係. 通常會係咩事

想覆反上一個post #998
一年前到 本身醫生開黎for訓同anxiety 都有效

對於香港藥劑將來發展同埋行內自己人打自己人點睇?

食唔食好
琴晚食左半粒

我係上個post甲亢嗰位絲打啊，唔知記唔記得我呢

想包膠下先
我覆左診啦而家所有指數都好靚仔，勁感動啊
仲要唔洗飲碘水，暫時keep住早晚二次PTU+propranolol
加一粒selenium 200mcg（醫生都係好強烈建議我食selenium，話近年啲研究報告話佢好好）


但而家唔知係咪因爲長期食藥關係，真係成日都口腫面腫，唔知有冇方法解救下呢
雖然而家覺得健康就好，但都唔想咁樣樣衰衰

出風瀨可以點搞？
輕輕一刮都會出抓痕
沖熱水涼之後又係成身痕又紅

巴打 想問下有幾嚴重下嘅keratosis pilaris做咩先relieve到/keep到好啲嘅skin condition？
之前試過搽20% urea 搽咗個幾月冇好過
跟住而家又搽緊隻有aha同lactic acid嘅lotion個幾月但係都冇乜好轉
就嚟夏天好驚著短袖衫褲

你可以試下係生水泡個腳趾到加個Pad：


可能Dr. Kxxx /藥房會有賣 可以幫你預防再有水泡

另外想問多兩句，會唔會痕？ 有冇紅？有冇味？
巴打會唔會多腳汗？返工要著皮鞋個啲？
怕你同一時間有少少香港腳，係因為真菌搞到你甩皮，如果有就要用抗真菌藥膏

巴打大概幾歲？有冇咩長期病食緊咩長期藥？
家族有冇咩常見病？你有冇做開運動？
最近會唔會休息少左？

因為其實如果係好 general 咁出現攰嘅情況，唔抽血檢查都好難講係咩事
因為好多好多病都係會攰 (可以係心肺問題/ Malignancy/ Hormone 野/ Muscle 問題 or 純粹你唔夠休息...)

你如果擔心最好去檢查下啦 (唔係的話個種憂慮嘅情緒壓力都可能會影響你)

對於香港藥劑將來發展
希望唔好繼續故步自封啦，小弟好希望可以係有生之年可以見到藥劑發揚光大嘅一日
前輩吳化寫嘅呢篇文都總結得幾好：
給年青藥劑師：深耕細作 物換星移！
http://www.3phk.com/v5article.asp?id=3493

行內自己人打自己人
呢個真係我地呢行一個好大嘅問題，其實好多野推唔到都係因為行內自己人阻止
其實我地真係要學下醫生，佢地關埋門可能打到七國咁亂，但一對外就好團結

利申：個人意見，以上言論並不代表本會立場