社區藥劑師，健康/藥物問題 你問我答 (2)

Norvasc 最常見嘅副作用係會有周邊水腫（即係淨係手腳）
特別常見於女性、高劑量嘅時候
本身呢個情況唔算危險，所以可以唔洗一發現就即刻自己停藥。建議如果有水腫先睇醫生，先決定停唔停藥
另外就係會有啲血管擴張（為咗降血壓）嘅副作用，包括面紅、低血壓等等，不過唔常見，都係食一排會適應嘅副作用。
Lipitor 嘅安全考慮多啲。由於肝整膽固醇嘅過程同整肝同肌肉組織有部分重疊，用高強度嘅藥嘅時候就有機會引致肝酵素上升或者肌肉溶解。所以理論上開始同服用過程都要抽血驗，如果數據有偏差就要開始留意。就算無抽，自己都要留意有無黃疸、易攰等嘅肝受損徵狀，或者肌肉劇痛、小便深啡色等等。

理論上呢兩隻藥會互相影響藥物水平，通常都唔會擺埋一齊。但係既然已經食咗一段時間又達到治療效果嘅話，咁就無轉嘅必要。如果有其他情況再食其他藥嘅話，應該先問藥劑師同醫生。

我自己都有一樣問題
不過係今年戴口罩多咗先發現
因為我無睇過你宜家嘅情況，所以唔能夠直接話你宜家=我=你兩三年前嘅問題
但係hydrocortisone cream 作為一種類固醇藥膏，本身相比起抗生素同其他類固醇係比較安全嘅藥。
先假設情況完全一樣嘅話，原理就似冬天特別易發濕疹咁，一乾就開咗敏感個頭
所以呢種問題首要都係保濕，其次先用藥理去舒緩敏感。理論上你搽任何cream都有水，但係最治本就係搵返隻啱你嘅潤膚膏先。
雖然 hydrocortisone算安全，但係長遠不停搽嚟講（eg 以年計），都會有皮膚變薄或者吸收入血之後嘅副作用。短期搽其他對舒緩敏感係好有效，而依賴嘅機會都唔高。
雖然衞生署教濕疹先保濕後搽藥，不過係鼻嘅敏感我覺得分別唔大
Hydrocortisone cream 1%係任何有藥劑師嘅藥房都有得賣。信心保證就跟公立醫院用歐化Hydroderma，但係藥膏理論上只要係香港註冊得到都有差唔多效用。

巴打唔出post 啦??

Fb搵巴打啦