[長篇]「追尋自由之路」波羅的海+芬蘭11日 [2018]

Day 5 (9/6) Tallinn Ferry -> Helsinki -> Helsinki Town

呢日我由Tallinn坐船去Helsinki。




而呢條線係用郵輪營運，上面有餐廳，酒吧，觀景台etc，我記得仲有live band show。



Bye Bye Tallinn!! 我有機會會再返去玩!!


Tallinn篇完

[波羅的海篇後記]

唔知道大家有無諗過自己嘅核心價值係咩？

一個人無自由，比唔同野壓迫，同奴隸無咩分別。大部份波羅的海國家民眾係以獨立自由為核心價值。佢地內心嘅信念，令佢地成功逃離強權嘅魔爪。

打完一戰之後，立陶宛，拉脫維亞同愛沙尼亞分別喺俄羅斯帝國中獨立。不過俄羅斯一直想控制波羅的海地區，所以佢地係1940年捲入大國衝突，1944年比蘇聯吞併左，因為美英將東歐國家賣豬仔咁推入火坑。

蘇聯大力打壓異見份子，派KGB監控人民，製造白色恐怖。佢禁止左宗教，而天主教係立陶宛嘅精神支柱。同埋佢禁止左自己語言，迫佢地講俄文。佢地向波羅的海地區大量輸入俄裔人口，意圖"團結"當地人民。

不過波羅的海國民當然反抗。佢地二戰之後成立游擊隊反抗俄羅斯。佢地私底下講自己語言，同埋唱歌跳舞，保留民族意識。(唔係今天我個種)

去到1980年代，蘇聯比阿富汗同列根玩殘，經濟開始崩潰。東歐各國開始爭取脫離俄狗魔爪。波羅的海三國人民係1989年組成人縺，由維爾紐斯到塔林，呢個係舉世聞名嘅波羅的海之路，令世界各國關注佢地。去到1990年佢地各自宣佈獨立，據說佢地揾左瑞典做後援。最後佢地成功復國，加入西方享受佢地嘅自由。而俄羅斯就嘔返晒佢侵佔嘅土地。

可見獨立自由，免受壓迫係波羅的海國民，以至正常人嘅核心價值。反觀東亞人，鼓吹權力至上，大部分人渴望更多權力控制他人。所謂孝道儒家，長幼有序根本係長輩壓迫晚輩嘅藉口。中學大學要埋堆，小圈子圍威喂風氣盛行。佢地往往權鬥啲異見份子，建立威信，保護自己權力。去到社會某啲國家財閥壓搾人民，有啲國家長輩，上司打橫嚟要下屬道歉，呢啲係反人類社會。呢啲垃圾國家同地區留一日都嫌多。

btw 樓主去檳城度假, 返香港之後繼續寫芬蘭篇

推下先

台長幾時渡完假

23號

輕輕一推
台長度完假了

全程用左幾錢

~10000

Tallinn去Helsinki係用郵輪。 我見好多鬼佬上甲板吹海風。



搭船可以望波羅的海。




不過我太眼瞓，返船艙瞓左陣，一陣就到Helsinki。本來我諗住係碼頭瞓陣先去check in，不過我坐左陣，就比個海關趕。

我16年都去咗波羅的海三國+芬蘭 再加波蘭 20日
好掛住當時日子 可惜嘅係我當時冇乜同人交流
如果我再有機會一定會同多啲人傾計(不過已經唔會再有機會)

btw仲記得波蘭host同埋riga個host好靚女

又有新讀者!!
btw 波蘭自己都玩到10日以上, 20日會唔會好趕

郵輪幾錢啊？

單程27 EUR (早買平小小)

去到Helsinki第一時間係去Hostel check in，咁我間hostel係7號電車沿線，所以碼頭一程車過就到。



佢地啲電車要自己開門

去到hostel未夠鐘check in，於是我就行下超市。芬蘭物價同香港差唔多，係食（平至中價）貴香港小小。市區交通都貴，不過咁樣鼓勵佢地踩單車。


呢啲老虎機芬蘭好常見。

樓主芬蘭仲去左咩地方？

Lahti, Tampere, Turku,

樓主文筆唔錯
不過聽聞係一個好矮既男仔？

身高180又話比你知咩

見你座經濟倉都咁舒服就
btw我上次去赫爾辛基中左海鷗d屎

唔好將我腳短嘅事實講出嚟
Helsinki Cathedral 好多人喂海鷗

*餵

我住呢間hostel叫Cheap Sleep Helsinki，24 EUR一晚。雖然同市中心有一段距離，不過隔離係電車站所以位置都ok。呢間野除左有一般hostel有嘅服務，佢仲有搞唔同活動，例如派對同去行郊外行山睇湖，比住客認識新朋友同體驗下芬蘭人平時生活。

我去到hostel check in之後就瞓一陣，之後就出去行。




咁啱我行過一個主題樂園Linnamaki，裡面有全球最長過山車。





入場係唔洗比錢，不過玩機動遊戲好似係39 EUR全包。

我今個月早少少都有去Helsinki，但好似唔係呢間hostel，我嗰陣主要係要睇有得late check in嘅，因為我下下都深夜先到，其中一晚住hostel diana park，另一晚住eurohostel helsinki。

我嗰陣無喺helsinki停留，有時間都即刻過tallinn啦，helsinki咁悶