[長篇]「追尋自由之路」波羅的海+芬蘭11日 [2018]

人去旅行有不同意義，有啲人中意物質享受，有啲人中意陽光與海灘同水上活動。
（可以參考無膽小編嘅舊作: [回帶] 8日關島遊 [2018] - https://lih.kg/971935）
小編係一個重視自由嘅人，所以第一次獨遊就去左一啲社會氣氛同思想比較自由，唔會點壓迫人嘅地方，比自己放鬆下。（喺香港比人權鬥得好嚴重，基本上啲人思想接近威權你唔肯認同佢地就會抹黑，甚至用白色恐怖手段對付）
同時都可以感受下人地國家嘅歷史，體會另一個地方啲人嘅價值觀（好老實，香港以至東亞啲價值觀真係不敢恭惟，完全唔係一個人應有嘅思維）
總而言之，自由萬歲。

喺ig其實post過 (勿相認)，不過instagram啲人比較中意圖片，我覺得唔多人睇字，同埋instagram講野要就住就住，無咩癮。（雖然因為一啲事件，去到後期某幾篇遊記我係借古諷今追住啲仆街嚟打）

講左咁多內心說話之後，貼圖先（我喺Riga跌爛左部相機，所以有啲圖係網上補返，個啲我會quote source）











行程我會最後一次過打晒完整嘅。
上次關島篇係用文字支援圖片，今次係會以文字為主。（因為歷史文化成分比較多，我諗多文字會容易表達我想講嘅野）
老規矩，你問我咩都答，除左身份同人身攻擊（或者我唔想答）。呢排接近final (又無意中透露自己嘅年齡) 同埋我想講多啲野，所以會更新慢啲。
希望5月可以加速寫，我盡量一日一更，大家可以討論多啲。
有咩意見都可以分享。

Day 0 (4/6) HKG -> SIN (SQ 891 12:25-16:20) -> Singapore tour -> SIN -> ARN (00:20 +1 depart)

話說我前一日先喺關島返香港，我喺香港留唔夠24小時又飛過。
我大概9點半去到機場check in，我以為小SQ又飛SIN又飛SFO個counter會好大好多人，原來小SQ得個counter仔，我唔洗排隊就輕鬆check in。
Check in之後我去左搵朋友D，佢屋企去加拿大探親。佢班機都係12點幾飛，所以我地一齊入禁區。

入左閘之後我地行左陣，去左間酒鋪，朋友D話想買返啲酒。
睇完之後我地就分開，因為朋友D個閘口比較遠，大家可以估下佢坐咩機。
咁身為飛機膠我當然去影飛機　（香港真係一個飛機膠friendly嘅機場，其他機場好難無遮擋咁影飛機）

KLM B747

呢架就係今日主角——SQ 891 B777-200，不過佢遲到。


對SQ張boarding pass有啲失望，Y class係全墨水，要J class 以上先有彩色boarding pass.... 排隊上機嘅時候見到好多舊澳洲passport，好多人經小SQ返澳洲，SQ喺英語系國家宣傳幾成功。



話咁快就上機出發。
呢架機相信有一段歷史，因為個mon同埋好花嘅窗。不過我覺得幾好坐，因為張椅夠厚，一坐落去有小小想瞓。legroom以我呢個小矮人比例尺計係ok，不過對於180+嘅人計就有啲迫。





上到機飛到巡航高度派一次酒水同開餐，我預訂左VGML。飲品我叫左Singapore Sling。個VGML係白汁千層麵，以飛機餐計係幾好，尤其係個沙律。

跟住我用左佢套舊IFE玩左陣，最後聽左套講中國成都嘅documentary，之後瞓著左。
架機喺南中國海個陣著晒安全帶燈，不過架B777好定，完全唔覺得佢飄。過多陣就降落了。
（早知早劃位選50排打後，我坐得前淨係影機翼）

小編要溫書，今晚繼續

小乜撚野編 睇到打冷震

唔用小編咁用台長

唔記得左講，SQ891呢條線呢排本來有得坐新機B787-10，不過垃圾RR引擎搞到要坐返B772。


去到新加坡落機大約係16:25，一落機係Gate A21，即刻衝過去Transfer Zone A先!!!
咁急腳過去因為我要報local tour，呢個local tour係由樟宜機場搞，免費嘅。

佢啲local tour有兩種，日間個個係睇古跡，夜晚個個係睇地標同夜景。佢通常要你早一個鐘去到counter報名，所以我一落機狗衝過去。(同埋夜晚tour佢要你8hr+ transit time)

我去到個counter係4:5Xpm。 = Reception, = 我
: Sir, please give me the ticket and passport.
: OK No problem
(抄完一堆野之後，佢見到我本特區護照，我偷睇tour list又係一堆澳洲護照)
: 你識講廣東話？
: 識呀。 你又識嘅?
: 我馬來西亞人嚟。你自己去瑞典玩？
: 係呀。
: 我搞掂啦，你去個邊坐陣，我地一陣就行。
我本來以為我係6:00出發個團，不過一分鐘之後....
: 我地出發啦
: !????
就咁，我同十幾個團員，跟左個reception姐姐去第二個counter。個counter喺室內花園，咁我喺室內花園影下相。



等埋第二批人我地就出發，原來個reception就係導遊。



我地上左旅遊巴出發去克拉碼頭。一路行個導遊一路介紹新加坡。
一開始個導遊講: In Singapore we have three weather, hot, very hot, hottest. Now is hot. So we have planted many trees in our country.
之後佢介紹新加坡人口，講: Have you ever imagine Singapore, in this tiny nation, we have 5M population living here. 我聽到之後，望下7.5M人口嘅香港，我笑而不語，心諗你地太年輕。論人口密集好難比得上香港。
之後，架旅遊巴駛過組屋區。個導遊講: We don't own houses, most of us live in flats owned by the government like these, err like 70%. 我唔想諗香港住屋。
過左一陣佢又講: In Singapore, we have mixed Chinese and Western culture..... and we believe in something called 風水, so we have this statue....... 我心諗: 呢到根本就係多樹版香港，不過轉機tour就唔好咁多要求。

留名G持

多謝！！

我地去到克拉碼頭之後落車。落車之後我地就周圍行同打卡，不過我對對面嘅National Art Gallery多啲興趣。

克拉碼頭附近就係商業區，行過條橋就係魚尾獅。魚尾獅係上身獅子代表財富，下身魚代表魚村，係新加坡嘅象徵。

不過行左一陣我覺得有啲悶，就去左隔離個抗日遺址睇，睇到過鐘比導遊捉返上車....


跟著我地去下一個景點，Garden by the Bay。個日同一個地方李顯龍同其他國家高官喺到開會，所以個到好多保安。個導遊話本來走嘅時候無得睇燈光show， 不過佢爭取到有。

呢到好有阿凡達feel，好有未來科幻感覺。Garden by the Bay其實係花園，佢種左n種植物。

睇完植物之後我地就出返落車個到等車睇燈光show。

臨返去嘅時候個導遊喺到sell星耀樟宜 (喺機場隔離座寶石形建築)，希望我地之後返去新加坡玩。
新加坡好唔好玩我覺得見仁見智，不過我覺得新加坡人好中意新加坡。我同個坡妹同其他人part project，我地吹水講到新加坡，我話我去轉機，佢即刻話: No you should visit Singapore longer. 無可否認新加坡綠化率真係高，致力比人花園城市嘅印象。

今次睇到好亂，打太多對話，讀者好難ff

始終唔係當事人，唔熟你行程

我之後寫得簡潔啲

追緊

Day 1 (5/6) SIN – DME – ARN (SQ362 00:20 – 08:35) -> Uppsala -> Uppsala Museum -> Uppsala Cathedral -> Uppsala Slott -> Linneanum -> ARN – VNO (DY4555 19:15 – 21:30) -> Vilnius Fortuna Hostel

返到機場之後我周圍行左陣，去左網吧上陣網，睇下未來幾日啲溫度，點知一開Uppsala個氣溫預測…… 4度!?? 仲要落雨!??? 我諗住北歐夏天係十幾度….. 好彩之後幾日天氣係十幾度。

我特登拖長作息時間調整生理時鐘。去到差唔多時間，我就去閘口等上機。我由樟宜機場入去嘅時候唔洗安檢，心諗佢地機場咁把炮。原來佢地喺Gate先安檢。

終於都上機出發了。今次係用A350-900飛!!

(SIN唔係個個gate都影到飛機，比住個機頭大家J下先)
呢隻客機大部分airline都係用同一隻椅，張椅頭枕用人體工學設計，有得較高低同頸枕。用我呢個小矮人比例尺係幾闊，不過班機好多俄仔俄妹，我見隔離啲俄妹坐得幾辛苦。（我唔洗挨後都瞓得好）

A350有最新嘅Krisflyer系統，比大家最期侍嘅沙龍空姐睇，個空姐幾濃妝。(條裙叫沙龍，相信大家睇見條裙都會諗起小SQ )

下面係新航飛行安全片:
SQ safety video: https://www.youtube.com/watch?v=25brQSPMORg
大部分airline都係就咁示範，SQ係藉條片宣傳新加坡，我覺得幾好睇。
（當然有其他好睇嘅片，例如Air New Zealand，British Airways）
安頓好架機就起飛。

多謝支持！

因為架A350幾好坐，所以台長我講多陣先落機。 (雖然我中意B777多啲)

上機都係派下酒水派下餐咁，今次我叫左SFML，不過我覺得原本個餐仲好食....

呢個塊魚柳一夾起，散嘅!?? 邊個話叫魚一定安全.....不過個薯角同蝦沙律幾好食。

呢個係魚柳奄列，好老實魚柳唔應該做奄列，散哂嘅魚柳唔會好食，佢地好成功咁毀滅一塊魚柳.....
而塊麵包..... 小SQ 亞洲出發嘅麵包都係垃圾，成塊石咁硬。
我食完之後就瞓，瞓完之後食，A350係幾好瞓，9個鐘機程我瞓左6個鐘，話咁快就到莫斯科。



落地之後我地係要拎張牌，當係transit客咁過安檢。平時聽聞俄羅斯人平日係黑口黑面，今日終於見識到了。過完安檢我就行左陣DME。









過左陣之後又上機，我終於知點解小SQ要經停DME。DME - ARN呢段得約50個乘客上機 （我去左counter偷睇乘客名單），loading percentage係20% 都唔夠。一上機架A350有啲小毛病搞左成個鐘先起飛。平時歐洲短途線係無野食，不過呢程係有個餐盒。

呢個餐終於似樣啲，喺飛機餐計算高水準。
食完之後當然係3連位咁瞓，不過A359啲位唔算闊，我呢個小矮人平瞓都要小小曲腳。不過Y class價錢，J class享受係幾正。

飛左個幾鐘就到瑞典啦！
臨走之前比大家睇下A350 Y同無錢坐嘅J 嘅椅。

更正番呢張係PEY

lm

多謝!!! 宜加更新入正題

Delay一個鐘之後去到瑞典啦!! 記錄返宜家身處位置--北緯59度。

隔離係SAS A330。

一落機就即刻去過海關，個官係個黑人女人，都係問下啲正常問題，去瑞典做咩，留幾日，跟住就扑左個印，走得。

之後就去拎返個行李，拎行李個陣我望下個機場。正所謂機場係城市／國家第一個到步嘅地方，一個有咩特色嘅國家／城市，個機場就會放啲咩入，例如Changi Airport最出名係室內花園，就係想比人花園城市嘅印象。（香港機場咁多商店，好聽叫購物天堂，唔好聽係金錢至上）
Stockholm Arlanda拎行李個到有一堆不同界別名人，當中好多係藝術界，體育界嘅人，政商界係好少，近乎無。可以帶出瑞典係重視文化。

落機之後8分鐘，我帶埋行李踏足出境大堂。咁我就去搵斟水機，原來只要行入間7-11叫個店員幫你斟就得。我順便買埋電話卡，個店員（係個中年阿叔）幫我裝埋，之後我喺7-11隔離坐左陣，塞左個大背包入locker，最後買張巴士飛去Uppsala。

機場買巴士飛係去詢問處買，90 SEK一位。
買完之後就上車出發。


瑞典啲郊外景色係一堆樹，間唔中有啲農舍，令人好放鬆。




話咁快就到Uppsala。

乜撚野小編 家下Facebook page 出post?

之後改返　

至於點解第一站係Uppsala，除左佢比較細（雖然佢係瑞典第4大城市），主要原因係佢距離同Stockholm都係同ARN相距大約40 km。


Uppsala市區地圖係咁。主要景點係瑞典第一座大教堂Uppsala Cathedral，同埋以前皇帝住，見證瑞典成為大國嘅Uppsala Slott。


一開始架巴士停左喺Uppsala C (中央車站)附近，咁我就入去Uppsala C坐陣，同埋研究下點行。


之後我向西北行左一陣，我想行下個城先。雖然得4度，不過有陽光，喺個小城咁行其實幾舒服。呢種生活先似番個人。







途中我見到啲中學生巡遊。因為下一日國慶(6/6)，所以家家戶戶都插支瑞典國旗，同埋中學生坐住架貨車/Tractor/etc... 巡遊周圍同人打招呼。（當然Hi埋我）佢地幾fun。一開始上網查話北歐人唔太慶祝國慶，不過我覺得佢地國慶應該幾有氣氛。　（Between 5/6呢日係丹麥國慶，Plan好啲可以玩晒兩個國慶）

跟住我就繼續行，之後過河。好羨慕呢度啲人，無大城市個種壓力，日日對住呢度生活好舒服。





之後我就過河，遠處已經見到Uppsala地標—Cathedral。






之後我行到一間屋仔，係Uppsala Museum，裡面免費，講下Uppsala建城歷史，由建城講到現代（佢係以教堂為中心）。Uppsala 10世紀已建城，不過佢個位置係Gamla Uppsala。佢喺Stockholm出現之前係貿易中心，所以以前佢係首都。除左歷史之外佢都有啲有趣展覽，例如魔術，棋藝等。




可以見到以前啲人點生活。