咁我去Tampere嘅重點係呢個-----間諜博物館。
(相機壞左wiki借張圖先)
呢個係Spy Museum,係全球第一個以間諜做主題嘅博物館。喺國際關係上面,情報往往好緊要。所以間諜係自古已有嘅作戰單位,用嚟刺探敵軍軍情。用得好仲可以直接參與作戰,好似昨日銅鑼灣咁。
遠古嘅間諜手法好原始,有飛鴿傳書,仲試過剪頭髮,之後將情報寫上去個頭到,等頭髮生返再送情報返去。不過呢個方法每人用到一次。
去到後期,情報手法越加先進,同埋多元化。例如裡面有芬蘭啲電報機,同埋講整假文件由納粹
香港德國著草。
呢個係英軍二戰嘅情報站 (偷影
)
裡面都好多野睇,隨左一般情報手段之外,仲有講下不同情報人員歷史,特種兵(SAS) 裝備,KGB審問工具等。仲有啲小遊戲例如解密碼,墨水筆等。間諜除左參與作戰,有時仲可以改良武器。話說芬蘭步兵二戰前研發左M1931 Suomi衝鋒槍,不過蘇芬戰爭之前幾日張圖紙唔見左。
過幾年蘇聯出左把結構部分相似嘅槍,叫做波波沙 (PPsh-41)。呢把槍可以大量生產,令蘇聯有足夠連射火力對抗德國。
所以話間諜可以改變戰爭進程。
呢個館入場費要8 EUR,不過係幾值得睇。