[長篇]「追尋自由之路」波羅的海+芬蘭11日 [2018]

行完Uppsala Museum就過隔離睇大教堂。
我發現教堂附近有好多Kebab流動小販，大約6歐羅一份。




座大教堂係天主教教堂，真係好大，大到我有啲難影到全貌。






其實入面同其他教堂一樣無咩特別，不過呢個教堂比較大，同埋安葬在好多瑞典國王，所以感覺上比較莊嚴。

行完大教堂之後我就去Uppsala Slott，係要行一段山路。







行左一陣去到山頂就係Uppsala Slott。

呢座城堡係16世紀建成，係瑞典國王以前住嘅地方，同埋有重要決定都喺到宣佈，例如瑞典參戰三十年戰爭，可以話係見證瑞典重要時刻。宜家呢度係藝術館。




　
當然，作為皇宮一定有守衛設施，例如城牆，大炮同投石機。呢到個位置係Uppsala制高點，可以望到Uppsala全市。

睇完Uppsala Slott就去埋隔離嘅皇宮花園Linneanum。呢到係平時國王去休息嘅地方。（隔離係Uppsala University）



個花園本身保養得好，加埋藍天真係幾靚。


呢個應該係後庭



水池+皇宮

Uppsala University

得閒幫我推下

大家有野想講可以留言!! 台長想同大家吹下水

睇完之後就差唔多夠鐘搭飛機走啦。
咁我就走去巴士站，沿途都係佈滿國旗。


瑞典買長途巴士飛除左上網之外係可以去便利店買。
Btw行過嘅時候發現好多地方買糖。



買完就返去落車個位等車啦。話說我地排隊諗住由車頭比司機check飛之後上車，不過個司機見多人排隊，就開後門直接比我地上車，唔洗check飛。所以話歐洲人係講求自律，佢地信啲人自律先費事check。



車程40分鐘，話咁快又返到ARN。



我陣間係坐Norwegian，佢喺Stockholm都幾大，ARN T5佢同SAS係最主要嘅operator。咁我就去自助機check in先。
見有時間剩我落左去7-11買肉桂卷，49 SEK 4個。瑞典人放break Fika都係食呢啲。
我以為佢啲肉桂卷係香港空氣麵包size，點知佢好真材實料，我食左兩個已經好飽，最後我都係食晒.....


Singapore + Uppsala篇完

開始下幾篇之前，等我放張地圖，等大家有個依據去睇遊記。

去到夠鐘我就入禁區，神根區只須要安檢唔洗check passport。
入去神根區候機區好似普通商場咁。

呢架就係今日嘅飛機--- Norwegian B737-800。（唔係由天跌落地個架）




挪威航空係一間廉航，主要經營由北歐，英國，西班牙同埋歐洲-亞洲/北美洲嘅航線。佢喺廉航入面算係幾好，佢多平飛，同埋停大機場。不過佢過度擴張蝕好多。
佢啲B738機隊經濟艙seat pitch有34"，應該係地球上其中一間最闊嘅經濟艙。
我係由地面行樓梯上飛機，所以可以影到飛機唔同角度。





可以見到佢本航空雜誌宣傳阿根廷。

我見啲外國人坐得好舒服。因為我超過24個鐘無瞓，所以我一坐低就瞓，瞓醒已經落機。


落機了，我中意行樓梯落，因為可以欣賞架飛機。
Wizz Air A320系列。


去到VNO大約9點半，啱啱好開始日落。

芬蘭想玩ice fishing 有冇邊間local tour介紹

我夏天去，唔太清楚

終於去到立陶宛。
一入到去個機場候機大堂是咁的。


感覺上好有古典氣息。


Vilnius機場唔講真係好似藝術館。



由Vilnius機場出市區有兩個方法，第一個係搭機場隔離嘅巴士(1 EUR)，第二個係行一段路（有指示）去火車站搭火車(0.7 EUR)，不過班次比較疏。兩者都係去中央車站。我係搭火車嘅。





咁我就一直等等到尾班車（22:16開），成車淨係得我同另一個乘客同埋一個女職員（佢會喺車上幫你買飛），得小貓兩三隻。
跟住我去到中央車站，諗住搵路去Hostel。點知張卡上唔到網。
咁無辦法啦，我部機又無咩電，惟有開offline map搵啦。我又唔慣用手機地圖，淨係睇慣實體地圖。個時又入黑，咁我喺火車周圍兜圈，最後望住張租單車嘅地圖先明點行。

去到Hostel之後，搞完一輪張卡都係上唔到網。最後我決定沖涼瞓覺，Day 1完。

Day 2 (6/6) Vilnius Old Town -> Vilnius - Siauliai by train



第二朝，我起身都係搞唔掂張卡，所以我喺hostel大堂攞張地圖，放低大背包就開始行程。咁我就行去舊城區。立陶宛啲建築感覺上比瑞典嘅舊（尤其係古城區出面）。


行過一條街就到黎明之門 (Gate of Dawn)。
Vilnius係世界上政權易手最多次(29次) 嘅首都，可見立陶宛成日打仗，咁黎明之門係以前古城牆嘅城門。佢喺戰火中倖存，係以前16世紀起嘅城牆入面唯一倖存嘅城門。




Vilnius Old Town喺2009年入左UNESCO，係歐洲最大嘅古城區。

波羅的海盛產琥珀，所以立陶宛，拉脫維亞同愛沙尼亞係好多賣琥珀產品嘅鋪頭。咁我就入去一間專賣琥珀嘅鋪頭行左陣。不過我都係無錢買


出來之後我向市政廳嘅方向行。

呢座係東正教堂。

樓豬病病地，休息一陣先

好似唔洗點食野

下篇食lunch

咁我一直行，就行到市政廳廣場。

呢座係土耳其大使館。

呢座係聖凱西米爾教堂，係立陶宛第一座巴洛克教堂。




不過比起Uppsala Cathedral呢座比較細，所以我行完就走。

繼續行市政廳廣場，我行左入去市政廳，平時市長係到辦工，不過我去個時見唔到佢。入面同我認知嘅市政廳差唔多。






行完我肚餓了，所以我求其去左一間餐廳食飯。

病左都要負評

明天繼續!!!

立陶宛人以前務農為生，同埋比較窮，所以佢地食嘅野都係以薯仔同豬肉為主。例如我諗豬耳豬雜除左中國同立陶宛之外無咩地方智食。不過我無睇tripadvisor，所以無咩留意立陶宛菜嘅餐廳。咁我行過呢間餐廳嘅時候，個侍應邀請我入去（應該係見我靚仔），咁我就入左去食。（就係呢間）

佢係食魚嘅，佢望出去個景觀係咁。



歐洲出街食午餐係平過晚餐，不過就算晚餐都係比大家想像中平。（攻略我最後寫）呢間9.9 EUR 有個lunch set，夜晚8-10 EUR一份主餐，小食2 EUR 起，加上佢服務態度真係好，係旅遊區中心加埋個景計其實物有所值。（夜晚當你比13-15 EUR都係 ~120-140 HKD，呢個價去又一城我諗淨係食到一個主食。）

一開始佢問"Do you want water" 我話要之後佢比左支水我。大家記住答唔洗或者"Tap water is ok"，因為支水係要收錢嘅。（第一次去歐洲無為意到，之後識點做）
咁我就叫左lunch set，好似叫catch of the day。
一開始先上個餐湯。

個湯係南瓜湯，佢整到好滑同好香忌廉同南瓜味，幾好味。
跟住就上主餐。

係煎鱸魚(?)下面配中東米 (唔記得啦好似係)，好有地中海飲食嘅感覺。啲中東米配啲紅椒炒得幾好食。塊魚皮煎得脆而且塊魚唔會太乾，同埋塊魚幾新鮮，之後個侍應仲問我好唔好食。總之呢餐係幾好。

去到找數我諗住比張10 EUR之後走人，不過打完張單發現係12.4 EUR，因為支水要2.5 EUR。跟住我比左15 EUR佢找左2 EUR比我，我諗佢零頭當小費掛。

不過點都好，喺外國洗錢開心過喺香港洗錢。地球有大部分地方係價廉物美過香港。（遲啲攻略講）香港省啲洗之後外國用係開心過喺香港消費。我比啲無品味嘅有錢朋友拉左去又一城SXXXXX LXXX食brunch，又係食類似嘅野。不過個間野塊魚皮煎完之後係淋嘅，同埋又唔飽，跟住佢加一收HKD 17X。問心真係食譚仔好過。我個有錢朋友覺得要食貴野先至開心，不過我覺得用錢堆砌嘅生活無咩品味可言，尤其係用貴價食嚴重overrated嘅野。價錢同質素唔一定係正比，我覺得香港人要培養下咩叫品味，因為香港人中意嘅野大部分都唔掂同嚴重overrated，簡單啲講即係中意做水魚。

食完飯之後我周圍行，行左去隔離Radisson Blu。



人地酒店大堂行歐洲古典風，配合返城市特色。（好好彩咁裡面廁所唔洗收錢）

跟住我繼續行，行上去維爾紐斯大學個頭。





之後我行多陣，去左維爾紐斯主教座堂。
呢座係蓋迪米納斯大公紀念雕像。下篇會介紹佢，佢係呢座城嘅重要人物。


呢座就係維爾紐斯主教座堂，佢係波羅的海地區最大嘅天主教堂。立陶宛係天主教國家，所以成個國家比較重宗教氣息。隔離個座係守衛塔兼鐘樓，下半部啲洞係槍口。


進入內部參觀。






呢部機係入錢換紀念幣。

立陶宛好正
想去多次

都係ga