【練膽大法】我每日迫自己搵一位陌生人傾偈

會唔會有日同妓女傾計，之後悟出人生大道理

唔同身分嘅人我都希望遇到，或者有一日會遇到妓女都唔定
其實每日傾完，我都會領悟到少少人生道理

又live咗
巴打繼續加油呀

可以一字不漏打低，記憶力好驚人

可以一字不漏打低，記憶力好驚人

我每日傾完, 都會即刻mark低重點先

但都有好多無謂嘢, 冇打出嚟㗎

https://www.facebook.com/ChatToStranger



《陌樂偈》第13天－來自中國的香港人

今天，在巴士上三番四次比陌生人拒絕後
勇氣值餘下15點時
終於遇上了一位友善的中年女人
「小姐你好，我可唔可以同你傾吓偈？」
「好丫！」她臉帶微笑，用不純正的廣東話回答我

「你啱啱收工？」
「係丫」
「你做邊行㗎？」
「我做護理員」

「喺邊度做？」
「慈善護養院」
「哦，慈善嘅？」
「叫慈氏護養院，我講廣東話唔係好正」
「唔緊要呀，都聽得明呀」

「你係...喺大陸嚟嘅？」
「係丫」
「嚟咗香港幾耐？」
「回歸嗰年落嚟」
「97年，你以前住邊度？」
「我喺江西長大嘅」

「你本身唔識廣東話？」
「本身唔識，落到嚟再學」
「會唔會好難學？」
「喺大陸嗰陣有睇電視學，識聽唔識講，嚟到再慢慢學」

「做護理員，係唔係要讀過啲咩先做得？」
「要上1-2個月堂，要面試」
「做咗幾耐？」
「做咗六年，一開始喺醫院度做」
「咁一定好忙，好辛苦喇！」
「係呀，太辛苦喇，頂唔順，所以轉咗去呢度做」

「而家嗰間護養院，主要係照顧咩人？」
「老人家多」
「算係護老院？」
「除咗老人家，重有行動不便嘅人，後生嘅都有
我哋個病房，有個女仔之前自殺，搞到得返幾歲智商」
「知唔知道佢點解自殺？」
「為情」

「佢屋企人有冇嚟探佢？」
「佢阿媽對佢好好，日日嚟呀！」
「嘩，佢一定好心痛」

「差唔多十一點就嚟，餵佢食中午飯
所以後生仔，真係唔好做錯事...
佢咁樣死又死唔去，好似成個BB仔咁
咁樣真係好錯囉，搞到阿媽咁傷心
唉...做阿媽嘅真係，咁辛苦養到你咁大」
聽得出她也是一位母親

「你會唔會覺得佢過咗身重好？唔洗佢阿媽照顧」
「咁我哋香港嘅醫療又好好嘅，藥物呀，技術都好好
又有我哋服侍，如果喺大陸，少少事都醫唔好
好似我阿爸阿媽咁，少少毛病就過咗身」

「點解你嗰陣會嚟香港？」
「落嚟同我老公結婚」
她丈夫是香港人，朋友介紹他們在深圳跟認識
然後相愛，然後來香港結婚

到站了，我們同一個站下車
我跟她一邊下車，一邊繼續傾偈

「你覺得香港好啲，定大陸好啲？」
「香港好好多，醫療、環境都好好多
大陸就冇咁忙囉，如果我退休嗰陣可能會返大陸」
「你怕唔怕大陸啲食物有問題？」
「食物唔怕，可以自己種嘅」
最有信心保證的食物，還是自己親手種出來的

「你覺得自己係香港人，定係中國人？」
「我又係香港人，又係中國人」

「你知唔知有啲香港人，唔想認自己係中國人」
「我知，我明白嘅，因為共產黨貪污，所以啲人唔鍾意
但我覺得自己始終係中國人，冇得唔認嘅」

「其實唔單止貪污嘅，重有好多問題
道德、法治、自由、文化、治安、公德心嘅問題
中國政府會做好多嘢，去遮蓋自己嘅問題
喺大陸為咗公義出聲，可能會原告變被告」

「咁又係，大陸政府為咗要起嘢，會拆晒人哋屋企趕人走」
「其實呢啲事香港都發生緊，愈嚟愈多問題傳緊落嚟香港
所以好多香港人都好擔心，而家重有好多黑心食物出現」

「我好細個嗰陣經歷過文革，詳細情況唔係好記得
我覺得因為文革嗰陣，啲人拆晒所有關於宗教嘅嘢
唔畀人信宗教，所以搞到啲人冇咗善心」

說到宗教，原來她是一位佛教徒，現在準備去讀經
她拿出了一本經書，向我介紹了一下她的信仰
傾到這裡，我們已經一起行到了一個港鐵站的閘口
由於她要轉搭港鐵，而我不用，所以我們停了在閘口繼續傾偈

我問她怎樣看其他宗教，例如基督教
她說：「基督教都好，但上天堂唔係永遠
對我哋嚟講，上到去一段時間就要落返嚟，之前再積過福」
「你哋都信有天堂？你哋叫嗰度做極樂世界？」
「係，我覺得唔好成日諗住天堂，其實而家喺呢度都好好」

「你有冇仔女？」
「一個仔，一個女」
「佢哋有冇同你傾偈？」
「佢哋好少同我溝通」

「你講廣東話唔正，會唔會有香港人歧視你？」
「啲同事有時會笑我講嘢唔正，但係我唔介意，我都覺得好笑」
「哈哈，你自己都覺得好笑？」
「係呀，會同佢哋一齊笑」
「我以前返工有位阿姐，幫我哋叫外賣嗰陣，講咗咖喱傻仔炆雞
啲同事笑佢講傻仔炆雞，於是佢以後每次都專登講咖喱傻仔炆雞」
「哈哈哈，我都試過講傻仔雞翼」

「除咗同事呢，其他陌生人有冇歧視你？」
「冇人對我唔好，但有聽過身邊啲人傾偈，話啲新移民
我冇唔開心，但係唔係個個新移民都係咁」
其實她97年來港，至今已經10年了，怎樣計也不是「新移民」

「你識唔識繁體字？」
「我識繁體，但有啲太難嘅字就唔識」
「而家香港愈嚟愈多簡體字，你怕唔怕繁體字會畀簡體字取代？」
「簡體係方便，但繁體字好有意思，好有文化，係應該保留」

「廣東話呢？而家香港嘅小學生返學要被迫講普通話
中國政府好想取消粵語，廣州已經冇乜人講，怕唔怕香港都係咁？」
「廣東話係方言，係香港嘅文化，唔應該冇咗
人哋本身講乜話，就由得人哋講啦，點解要取代佢？」

「你怕唔怕有一日，香港會同中國一樣？」
「我希望中國會進步，然後變到同香港一樣」
我不敢奢望她的理想會實現，只希望香港不會一直退步
不想廣東話消失，繁體字消失，然後變得跟中國一樣

最後，我跟她說：「你好尊重香港文化，好努力學廣東話、繁體字
又好努力工作，幫到好多有需要嘅人，雖然有啲人會覺得你係新移民
或者笑你講廣東話唔正，但係我覺得，你係一個香港人」
「多謝你」

衝量一個人是不是本地人，從不是看這個人，是否在這個地方出生
看過《龍珠》的讀者，也不會反對「孫悟空」是地球人吧？

「我走喇，你係咪要去讀經喇？」
「我遲到㗎喇」
「唔好意思呀，搞到你遲到」
「唔緊要啦，有緣先同你傾到偈」
「好啦～咁我哋有緣再見啦！祝你生活愉快～」
「Bye Bye」

其實，我也遲到了
兩位陌生人，在街上漫無目的地傾偈，結果一起遲到
我們互相點頭，不知道對方名字，就此告別
我們都是陌路人，就這樣傾了一場「陌樂偈」
2017-01-11

加油，，日日keep住睇

希望有日遇到你搵我傾計

加油，，日日keep住睇

多謝你，我會keep住打

希望有日遇到你搵我傾計

我都希望會遇到你

我上年都真係定咗同一個目標
去到第二個星期已經輸咗比冷漠嘅香港人
巴打你加油

點解九七年到而家係10年

點解九七年到而家係10年

加油，，日日keep住睇

多謝支持！

希望有日遇到你搵我傾計

大家咁話～

我上年都真係定咗同一個目標
去到第二個星期已經輸咗比冷漠嘅香港人
巴打你加油

係咩目標？可唔可以講嚟聽下？
香港人係好冷漠，但有決心一定可以打破嘅，加油～

如果你撞到我 我應該會講超多野
努力呀巴打!

多謝你～

點解九七年到而家係10年

有兩個可能性

一、呢篇文其實係十年前打，但我而家先貼出嚟



二、我計錯數

樓主加油

樓主加油 有冇話呢個實驗去到幾時？

新主題留名