【練膽大法】我每日迫自己搵一位陌生人傾偈

前幾日先喺fb見有外國人做同一樣嘢 估唔到有香港人都會一樣敢去試 幾欣賞你嘅勇氣 如果我無啦啦俾人問大概都會嚇怕

不過睇完覺得 或者咁樣同個萍水相逢嘅陌生人傾傾人生 傾下自己 都唔錯 我哋隔住個mon唔會怕同陌生人講嘢 仲會telegram做人樹窿搵樹窿 去到現實就唔敢甚至抗拒 大概真係由細到大俾父母灌輸太多「陌生人好危險」嘅道理 幾值得反思

期待更多文

巴打識到唔少朋友？

全部冇交換電話，所以唔算識到朋友

我唔反對大家搵人傾陌樂偈之後交換電話

只係我自己覺得，兩個人都冇利益、冇目的咁傾偈，傾完就消失

大家先可以將自己心入面嘅說話講出嚟

同意 慢慢相識相知 會有更多顧慮
有時呢種大家都知來了又走嘅關係 反而會更有安全感令你安心傾訴 因為大家都唔識大家 唔需要諗太多

如果樓主有一日無出街咁咪唔可以連住每日搵陌生人傾計囉

巴打第三天張圖點解會係結衣bb

婆婆呢段睇得好開心

巴打第三天張圖點解會係結衣bb

雞，全部都係雞

好好睇
我去旅行果陣有時係路邊等睇show之類既野果陣都會聊下人傾計，有香港人有外國人。但香港人好多都聊唔起，講一兩句就停左 都幾灰鳩

之前搭mtr果時玩扭計骰..有個外國女人望到我實一實，之後扭完仲撩我傾計,讚我扭得好
呢次係我第一次比人撩傾計既經歷.好想有多呢d機會

仲未出

前幾日先喺fb見有外國人做同一樣嘢 估唔到有香港人都會一樣敢去試 幾欣賞你嘅勇氣 如果我無啦啦俾人問大概都會嚇怕

不過睇完覺得 或者咁樣同個萍水相逢嘅陌生人傾傾人生 傾下自己 都唔錯 我哋隔住個mon唔會怕同陌生人講嘢 仲會telegram做人樹窿搵樹窿 去到現實就唔敢甚至抗拒 大概真係由細到大俾父母灌輸太多「陌生人好危險」嘅道理 幾值得反思

期待更多文

多謝巴打嘅讚賞同支持！
嗰條片我早兩日都睇到，估唔到外國已經有人做緊呢樣嘢
不過佢目的係同人影相＋識朋友，而我只係想單純咁同人傾偈

呢一代嘅人慣咗活喺網絡世界，愈嚟愈怕現實世界嘅陌生人
呢個現像其實好恐怖，希望多啲人可以同我做一樣嘅事
巴打都可以試下搵人傾陌樂偈

巴打識到唔少朋友？

全部冇交換電話，所以唔算識到朋友

我唔反對大家搵人傾陌樂偈之後交換電話

只係我自己覺得，兩個人都冇利益、冇目的咁傾偈，傾完就消失

大家先可以將自己心入面嘅說話講出嚟

同意 慢慢相識相知 會有更多顧慮
有時呢種大家都知來了又走嘅關係 反而會更有安全感令你安心傾訴 因為大家都唔識大家 唔需要諗太多

係，我哋有好多嘢唔想講畀親人朋友知
所以陌生人其實係一個好好嘅傾訴對象

如果樓主有一日無出街咁咪唔可以連住每日搵陌生人傾計囉

其實有時都幾困擾
明明全日唔洗出街，都要專登落一落樓下搵人傾偈

巴打第三天張圖點解會係結衣bb

結衣bb你聽我解釋
暫時全部圖片都係來自Google
當然會搵張好睇啲嘅嚟用啦

婆婆呢段睇得好開心

個婆婆真係又健康好開心！
本來嗰日有啲嘢擔心緊，同佢傾完偈成個人都放鬆晒

好好睇
我去旅行果陣有時係路邊等睇show之類既野果陣都會聊下人傾計，有香港人有外國人。但香港人好多都聊唔起，講一兩句就停左 都幾灰鳩

香港人係比較內向嘅生物

之前搭mtr果時玩扭計骰..有個外國女人望到我實一實，之後扭完仲撩我傾計,讚我扭得好
呢次係我第一次比人撩傾計既經歷.好想有多呢d機會

多謝你嘅分享
你嘅經歷，令我更加有動力搵人傾偈

仲未出

畀多少少時間我，晏啲有

仲未出

畀多少少時間我，晏啲有

等你

留明

會唔會有日同妓女傾計，之後悟出人生大道理

https://www.facebook.com/ChatToStranger



《陌樂偈》第12天－有人情味的無牌小販
回家途中，遇到一位在街邊擺檔賣糕點的嬸嬸
我之前幫襯她買過一次砵仔糕，之後就沒有再買
因為她的砵仔糕，不好吃的，而且不只我一個這樣說
雖然間中也在附近看到她，但從來沒有跟她傾過偈
今晚，就好好的跟她傾一場陌樂偈吧！
　
最簡單的做法，是幫她買一些糕點，然後跟她傾偈
但我不會這樣做，否則我便會成為了她的客人
藉這個機會，說一下我為自己訂立的陌樂偈規條
　
各位想進行陌樂偈的話，可以自行制定適合自己的規則
以下《陌樂偈》規條只適用於我自己：
　
1.一對一
一對一傾偈，才最容易把自己的心底話說出來
一段只屬於兩個人的對話，雙方才會用心聆聽
　
2.雙方是對等關係，對方有選擇的權利
例如跟髮型師傾偈，對我來說不算陌樂偈
因為我是他的客人，我跟他說話，他必須回應我
我要找一位不一定要回應我，也願意和我傾偈的人
（當然，我也十分鼓勵大家跟髮型師傾偈
是一個嘗試跟陌生人傾偈、練膽量的好方法）
　
3. 不問對方名字，不交換聯絡方法
人有很多祕密，不想被身邊的人知道
對著一位傾完便會消失的陌生人，就說甚麼都不用怕
（除非是特別的情況吧，例如上次那位騎馬的伯伯
我真的很想再遇到他，四萬多一個月的工作機會啊！）
　
根據規條二，我不能幫她買糕點，要直接跟她傾偈
可是她的生意很好，有五、六位客人在排隊
我只好等她做完生意，才能跟她傾偈
人生中第一次，搵人傾偈也要排隊
　
等了幾分鐘，終於暫時沒有客人
機會來了，運吉的陌生人！
　
「姐姐，你好好生意喎！」
「一時時㗎咋，有啲熟客仔丫麻」
「你成日喺度擺檔？」
「有時啦～我周圍擺，呢度唔擺得㗎！」
「哦～咁邊度擺得呀？」
「度度都走鬼嘅，做呢行就遇咗走鬼」
　
沒有地方可以擺檔，因為她是無牌小販
對話途中，陸續有不少客人來找她買糕點
還真的有很多熟客，畀錢時會跟她傾兩句
每當她有生意時，我只好靜靜的站在一旁
等她有空了，再跟她繼續傾偈
　
「有冇試過俾人捉到呀？」
「俾人拉過幾次啦！啲人投訴就會有人嚟捉」
「點解啲人要投訴你？」
「我點知呀？啲人心地唔好咪投訴囉！」
「佢哋夜晚都開工㗎？」
「而家24小時工作丫麻，我通常七點左右落嚟，賣晒就走」
　
「俾人拉到會點？」
「罰錢囉，充公囉，要上法庭」
「每次罰幾多錢？」
「次次唔同，法官話事」
「吓？法官話事？」
「梗係法官話事啦，唔通我話事呀？」
「捉到淨係罰錢咋呵？」
「充公囉！重唔夠呀？賣一個月都搵唔返呀！」
　
「俾人充公咗啲嘢，會唔會畀返你？」
「唔會，車仔都冇埋㗎喇，炒栗子嗰啲有牌就唔會充公」
原來街邊賣炒粟子、鵪鶉蛋的檔口，多數是有牌小販
「啊～原來而家重有有牌嘅小販」
「舊時喇！冇得攞好多年啦，我做嗰陣已經冇得攞」
「你做咗幾多年？」
「十幾年」
　
「你點識整呢啲糕點嘅？」
「家婆教嘅」
很久沒有聽過家婆這個稱呼
「家婆即係你⋯⋯」
「奶奶」我們異口同聲地說出來
她繼續說：「以前啲人唔買嘢食㗎，想食就自己整」
　
這時，有一名小男孩跑過來說要吃大菜糕
嬸嬸告訴他：「大菜糕賣晒，食砵仔糕啦好唔好？」
小男孩不停說：「我要食大菜糕！我要食大菜糕！」
男孩的父母走過來，告訴他今天沒有大菜糕了
　
小男孩還是不放棄，扭著計說：「我要食大菜糕！我要食大菜糕！」
他圍著檔口轉來轉去，嘗試找出大菜糕
一邊找一邊繼續說：「我要食大菜糕！我要食大菜糕！」
幾經辛苦，男孩的媽媽才成功把這位扁著嘴的大菜糕愛好者帶走
　
這一家三口離開後，我笑著跟嬸嬸說：「小朋友聽唔明人哋講咩」
她細細聲地說：「佢唔食得呀...」
「吓？」
「氣管炎...唔食得凍嘢...」
她把一個膠箱打開，裏面還有很多大菜糕
　
原來這個小男孩，每次見到嬸嬸，也會走過去買大菜糕
嬸嬸知道小男孩有氣管炎，不能吃大菜糕
所以每次也跟男孩的媽媽，上演一場「大菜糕賣晒」的戲
　
「你後生嗰陣有冇做過其他嘢？」
「冇，負責照顧仔女」
原來她曾經是一位家庭主婦
「咁點解你當初會開始擺檔嘅？」
「仔女搬晒出去住，覺得悶」
　
然後，我問了今晚最想問的問題
「你啲客有冇讚你啲嘢好食？」
「哈哈，啲人返嚟話好食㗎」
「邊樣嘢最好賣？」
「砵仔糕」
最後，我還是幫她買了兩件砵仔糕
傾完陌樂偈才成為她的客人，就不算犯規條二了吧
　
回家路上，咬了一口，果然是不好吃的
但傾偈的途中，她的生意真的不錯
也許她賣的，是一份人情味
我們都是陌路人，就這樣傾了一場陌樂偈
2017-01-10

好想睇下地鐵陌樂偈

Day6係地鐵

仲未出

畀多少少時間我，晏啲有

等你

多謝等待，出了～