【練膽大法】我每日迫自己搵一位陌生人傾偈

lm

支持巴打 一邊睇一邊諗 如果有陌生人同我傾下計都幾新鮮

我有時都會同陌生人傾計，不過多數係機緣巧合，有啲契機先傾到 但我做主動無乜嘢心理障礙，但如果有人無啦啦埋嚟搵我傾偈我會驚，唔知點解
有時傾完除咗有得着都有失落，因為又變番自己一個

btw 希望會遇到樓主

巴打幾時會搵到我黎傾計

利申：油塘人

留名
高汁

我都要搵m記妹妹傾計

加油

idea好好
但係d內容好似次次都係你問一句佢答一句咁，變左你問佢答
有冇諗下傾下一d諗法時交流下自己既睇法
你呢個問人問題既模式，如果俾我遇到會覺得驚
心諗你問咁多做咩，係咪想起我底

我都覺得愈嚟愈似我問你答, 之後會試下發表多啲自己嘅諗法, 真正同人討論下

其實有時我都有講自己嘢, 但冇打出嚟
例如點解我要傾陌樂偈, 我做咩職業等等
因為之前已經講過, 所以唔再重覆
有時我講咗啲私人嘢, 都唔會打出嚟
不過主要都係我問問題多

但我發現人類真係好鍾意講關於自己嘅嘢, 多過聽人講人哋嘅嘢, 大部分人都會一直答我問題, 不停講自己嘅過去, 只有少部分人會問返關於我嘅嘢

幾有趣，留明

Thank You!

極高質
感動香港仲有你呢類人

誇奬了
多謝你

我都要搵m記妹妹傾計

加油

啱啱打完一篇, 晏啲有得睇

當作文睇就還可以
現實生活不是這樣的
但也值得試試 當練膽量

不如傾下計
從未講過呢句

《陌樂偈》第11天－快樂的獨居婆婆
　
經常在巴士上尋找目標，今天決定提早一步，在巴士站出擊
一位成年男士排在我後面，一直看着電話
機會來了～陌生人！
已經傾了一個多星期麥樂偈，而且今天有100點勇氣值
我真的充滿信心！
　
但在這個陌生的戰鬥場地，我還是猶豫了
猶豫得愈久，就愈難開始
掙扎了5分鐘，我決定轉換目標
一位滿頭白髮的老婆婆站在我前面，還是老人家比較易下手
又說得自己像騙徒一樣......
　
「婆婆，你係咪搭XX(巴士號碼)㗎？」
「係呀」
「我都係呀，你今日去邊呀？」
「去個女度，佢屋企有工人，我去睇下佢做嘢」
「你有幾多個仔女？」
「一仔一女」
「咁好呀～你幾多歲呀？」
「80歲」
她看起來十分健康，而且行動自如
　
「你啲仔女都有自己嘅仔女喇呵？」
「有幾個孫，讀緊小學」
「佢地乖唔乖呀？依家啲小朋友點呀？」
「佢地好乖呀，成日都學好多嘢，彈琴、游水、畫畫、跳舞」
我這個大人聽到也覺得辛苦
　
「咁多嘢學，佢哋辛唔辛苦呀？」
「佢哋慣咗囉」
「係咪媽咪幫佢哋報名？」
「係囉」
「佢哋自己鍾唔鍾學㗎？」
「鍾意，佢哋自己鍾意學，好開心」
希望是他們真心想學吧
　
我問婆婆平日有甚麼活動，她說喜歡做運動
主要的運動是「去公園行下」
她「做運動」時通常也會跟陌生人傾偈
主要的對象是其他婆婆，大家坐坐下就識
　
「咁平時喺街有冇後生仔同你傾偈㗎？」
「冇乜，而家好少後生仔鍾意同人傾偈」
其實年輕人也喜歡在街上和別人傾偈，不過是在互聯網
不懂用智能電話的老人家，才懂得跟現實世界的人傾偈
　
「你覺得自己開唔開心呀？」
「開心」
「點解開心呀？」
「身體健康咪開心囉，仔女返工返學咪開心囉
是但啦～過得一日得日」
　
巴士來了，我們一起上車
下層還有座位，婆婆竟然行樓梯走上上層！
「嘩！婆婆你真係好健康喎！」
她坐在車頭的位置，我坐在她旁邊那一排
「你鍾意坐車頭？」
「係囉，有嘢睇」
　
「婆婆你以前後生嗰陣有冇做嘢呀？」
「有呀，喺廠做織布」
「辛唔辛苦呀？」
「緊係辛苦啦？」
「咁難唔難學呀？」
「開頭好難㗎，學識咗就唔難」
　
「你哋織咩布畀人呀？」
「牛仔布」
「用嚟整牛仔褲嗰啲呀？」
「係呀係呀」
「做織布開唔開心呀？」
「開心，最緊要個個身體健康，一日過一日囉」
　
後來織布廠都搬上大陸了，上去做十分麻煩，所以她沒有再做
婆婆說她一生只是做過一份工，認為一份工做到老十分幸福
我問她怎樣看現在的年青比較喜歡轉工，嘗試做不同的工作
她說：「冇所謂啦，有得做就得啦，最緊要自己鍾意」
　
之後到她反攻了，問我屋企有多少人，結婚未等等
這段對話的內容，我當然不會全部打出來
只分享一條比較深刻的問題，她問我：「你阿媽幾多歲？」
我回答她大約60左右，她說：「好後生！」我笑了
　
突然想起，在網上看過一句類似這樣的說話：
「一位80歲的婆婆，後悔自己60歲時沒有開始學小提琴
否則，現在已經學了20年」
　
「你知唔知你啲仔女返咩工？」
「文員」
「係咪成日要對住電腦？」
「係囉」
「咁你知唔知電腦係咩嚟㗎？」
「我唔知，我唔識用」
　
「你而家用緊咩手提電話？」
她從手袋拿出一部古老的摺機電話
「你啲仔女，有冇話買部新嘅電話畀你用呀？」
「有，送畀我都唔要，我唔識用」
　
我問她生活上有沒有困難，夠不夠錢用
她說打工賺的錢，退休時已經用完
仔女每個月有家用給她，政府有$1000生果金
她覺得十分夠用
　
在香港，其實很多人退休時也儲不到多少積蓄
沒有子女的人，只靠$1000生果金，不知怎樣過活呢？
　
接下來又是代讀者問問題的環節
「你咁耐以嚟最開心嘅係咩事？」
「娶新抱最開心，個女嫁最開心，睇住孫仔出生最開心」
「你啲仔女結婚嗰陣你有咩心情呀？」
「好開心，開心到喊囉真係」
　
「你啲仔女而家係咪搬走晒？」
「係呀，冇得一齊住㗎喇，冇咁多地方，又窄」
「咁而家你屋企有邊個呀？」
「我自己一個」
「嗰陣你啲仔女搬走咗，你有咩感覺？」
「靜啲囉，悶啲囉」說完後她靜了下來
或許這位表面樂觀的婆婆，其實內心十分寂寞
　
婆婆一把年紀，我不忍心問她遇過最傷心的事
傾偈的過程中，她一直沒有提及過自己的丈夫
很想問一下關於她丈夫的事，但還是不忍心
　
「你平時自己喺屋企有咩活動呀？」
「落樓下咪活動囉，是但啦，一日過一日」
「你啲仔女有冇返嚟陪你呀？」
「有，一個禮拜一次」
「咁佢哋都幾乖仔喎」
「係呀，陪我食飯、飲茶，我就好開心」
老人家需要的，其實十分簡單
　
我到站了，站起來跟她道別
「婆婆，我落車喇，祝你身體健康」
「乖仔，要孝順爸爸媽媽」
「知道喇，Bye Bye」
「Bye Bye」
　
我們互相微笑，不知道對方名字，就此分別
我們都是陌路人，就這樣傾了一場「陌樂偈」
2017-01-09

支持巴打 一邊睇一邊諗 如果有陌生人同我傾下計都幾新鮮

多謝支持～ 巴打都可以試下搵人傾陌樂偈

啲老人家好多都幾好傾

我有時都會同陌生人傾計，不過多數係機緣巧合，有啲契機先傾到 但我做主動無乜嘢心理障礙，但如果有人無啦啦埋嚟搵我傾偈我會驚，唔知點解
有時傾完除咗有得着都有失落，因為又變番自己一個

btw 希望會遇到樓主

香港好少有好似你咁嘅人，希望你繼續同多啲香港人傾偈
有特別嘅經歷可以Send畀我，唔介意嘅我Post喺陌樂偈FB

平時要主動同陌生人講嘢我都唔係好怕
但要搵人同自己傾偈，真係比我想像中要更大勇氣
（大家可以自己試下 ）

我一直都思考緊一個問題：
「點解人與人傾偈／做朋友一定要有契機？」

例如同班同學，同事就自自然然會一齊傾偈，再成為朋友
但無啦啦同人傾偈，或者想同人做朋友，就會覺得好唔自在
契機真係咁重要？點解我哋唔可以自己製契機呢？

明明每個朋友原本都係陌生人，但我哋就好怕陌生人
人類嘅心理真係好奇妙

巴打幾時會搵到我黎傾計

利申：油塘人

有緣嘅時候
到時巴打記得話我知你係 痛定思痛

留名
高汁

多謝支持～

我同fd都係街比人聊過 佢都係迫自己每日同一個人傾計

咁我諗佢好大機會係我其中一篇文章嘅主角

巴打識到唔少朋友？

當作文睇就還可以
現實生活不是這樣的
但也值得試試 當練膽量

每一篇都係真人真事，雖然有時真係好戲劇性

不如傾下計
從未講過呢句

我開始傾陌樂偈之前，都未講過

啲老人家好多都幾好傾

係，可能就係因為寂寞

同老人家傾計都幾多野傾
下次搵下老人家開始入手先

如果將陌生人分唔同Lv，老人家真係算Lv1

巴打識到唔少朋友？

全部冇交換電話，所以唔算識到朋友

我唔反對大家搵人傾陌樂偈之後交換電話

只係我自己覺得，兩個人都冇利益、冇目的咁傾偈，傾完就消失

大家先可以將自己心入面嘅說話講出嚟