[開心速遞] 熊若水龔燁 供水線集中區 (27)

微博
我估今晚都會update埋ig啩
中環外景拍到點幾鐘應該好多福利相

有得on the list都算進展嘅

係，12:05出
睇完淆咗

跌到低谷
我當係講返463
就算今晚一齊唔到都無可能差過463喎

啱啱翻睇咗燁來越愛你

有時候我反而覺得水水更需要搞清楚自己嘅真實感覺，否則，水水性格比較硬頸，又要面子同怕瘀，就算阿龔唔作死，佢都未必會踏前一步。
睇嚟有可能真係靠陳師奶出口嘞！

463係深淵
低谷高過深淵

我深信低谷已經過去總監要努力係谷底爬番上黎 保你大

大家平常心
其實我就由頭到尾都冇expect過龔燁表白咗會即時收到水回應
畢竟自殺龔之前no1 那集玩到人家咁勁
我都係個句
好大機會係龔燁表咗白
但水未有表態

請編劇不要再停滯不前啦，呢集未正式一齊到至少比到啲進度比觀眾睇下先啦

如果差過463，我諗我真係忍唔住會上嚟放負，到時候請大家原諒，多多包涵

好驚

睇完上面絲分享嘅報道
佢個標題話龔燁水水戀情有重大障礙
難道就係龔燁心中那心理關口: 因講咗句你不是我心中no 1?
睇蘋果路透，那我相信那心理關口會有突破佢嘅一日
我所concern嘅係，突破佢自己嘅心理關口所發生嘅時間點係邊？係咪就係今晚個集？
好想知好想知

我覺得又唔洗咁驚嘅
宜家龔水關係停喺友達以上其實好難搞，所以係需要啲衝擊打破呢個僵局先可以有突破
正面嘅衝擊令某方即刻表白再一齊固然係好，但係喺463表明咗阿龔唔會主動表白同阿水又未意識到自己鍾意佢嘅情況下要寫正面衝擊會寫得好牽強，到時又嚟一次群屌編劇
負面衝擊喺短期內可能會令關係倒退下，但係有危就有機，之前都講過，有時後退係為咗向前行一大步呀嘛
只要合情合理，534點處理我都會接受，畀啲時間龔水，等感情再發酵到合適時機再一齊啦
加上宜家添食到720，就更加唔需要急，可以慢慢修正鋪靚條線啦
唔好好似463咁多bug同牽強就ok

其實都好少可會係播前出新聞，點都好啦大家定啲黎啦我見到有幾位絲已經開始世界末日，好擔心大家今晚會暴動

其實我覺得下個月路透嘅劇照已經會出街
所以我就覺得ok

結果就有冇劇透都知會一齊嘅
所以我覺得過程更加重要
希望到表白之前嘅劇情係寫得精彩同順暢
寫得好嘅話虐嘅劇情都可以寫得好好睇
最緊要係合理同唔好為甜而甜，為趕進度一齊就一齊

如果今晚係原地踏步/倒退 1個月內好難追到路透嘅進度喎 同埋3.14應該唔會虐嘅

睇完你講嘅嘢，唔知點解會諗起「分開方知你好」呢句，或者龔水之間有返啲距離都係好嘅，等佢哋認清對方响自己心裡面嘅地位到底有幾重要，咁阿龔就可能跨過嗰個關口，水水就可能冇咁傲嬌

兩個人成日聚埋一齊，可能真係會因為太習慣、太熟悉而唔知道彼此嘅感情有幾深，好啦，我準備好心情睇534了

從來都唔會慶祝

講得啱，其實真係唔介意今晚未一齊
驚都只係驚會有好似463咁不合理嘅虐
如果係合理嘅負面衝擊，可以令龔水正視自己，呢小小嘅虐我承受得起

其實今晚大家都可以俾定心理準備，
虐既機率一定好高。

同埋畢竟得廿分鐘，又要睇餅又要睇演唱會又要講數；做埋告白情節既話時間方面應該唔多夠用。
所以個虐位好大機會係水水又再一次拒絕左阿龔，之後就end
但係我相信佢地好快會谷底反彈。
所以今次衰左希望巴絲們唔好太唔開心住先，我相信今晚就算係虐都好，但肯定只係為兩人未來既關係鋪路。
靜觀其變啦咁多位～

連打三枝預防針，其實啲編劇係咪好想ig一路死落去

死啦，比各位講講吓，真係好擔心今晚唔知又爆Ｄ咩意想不到出嚟。我以為自己經過463洗禮後咩都頂得住，但到咗呢刻，原來我唔係啊！我好驚今晚又瞓唔著。