534呢集炸咗好多新人舊人出嚟,某程度上反映咗呢集有犀利
龔水經過一年高低起伏後終於修成正果,我諗只要係追開呢條線嘅人,無論幾時開始追,都會同樣咁感動
佢兩個明明情路上障礙係開心速遞數一數二少,但係都兜兜轉轉搞咗咁耐,由敵人到破冰到離走到朋友身分回水到曖昧到冷戰然後再曖昧到宜家呢刻一刻終於表白一齊
兜到有時會攰,但係一諗起呢集就覺得苦盡甘來嘅呢一切都係值得
我諗呢條線如果唔係咁兜兜轉轉,我都唔會好似宜家咁激動
其實一齊咗之後先係故事嘅真正開始,以後嘅劇情無論或好或壞,我對呢條線嘅熱情無論或高或低,我諗只要翻睇534,今晚嘅心情同對呢條線嘅感情一定會即刻返晒嚟
真係第一次追劇追到咁瘋癲
但係都係值得
多謝開心速遞劇組上下可以寫到拍到演到呢條咁精彩嘅線,令我可以久遺咁認認真真追一套劇追一條線