【一讀一驚心】驚慄小說連載之攝魂偽術家

多謝閣下寶貴意見，我會留意劇情鋪排同角色描寫。呢夲小說夲身有兩部分，一部分係女角主觀視角，另一部分係觀眾第三身視角。基於推理關係，隱藏謎底時我會較多用女角主觀角度去描寫，但呢個寫法用在女角以外的人物故事就冇法自由寫出來，唯有有插入章節去補充，但人物方面我選擇用隱藏身份去等讀者去發掘。至於女主角方面，故事後段的重心會去返佢度，到時會多篇幅詳細分折拆解佢心路歷程，再次多謝！😃

第71章 - 黑暗中的對話

「唔該何SIR。依度仲有上個月興展堂的洗錢紀錄。」招卓行遞上USB給鄰座男子後說。


「丁佑男有冇懷疑過你？」男子說。


「放心。我成班中學同學根本冇人知我考過警校，佢地統統以為我炒散做車房仔或者係做代客泊車。話時話，套戲太過言情都唔係幾啱我睇，如果冇事咁我走先，何SIR你走未？」招卓行說。


「個女主角患有心理障礙好慘，我想睇埋個結局先走。」男子像想著甚麼，喝過一口汽水後再對招卓行說：「其實你嚮興展堂個馬欖做咁耐扯皮條，有冇遇過有創傷後遺症的囡囡？」


「何SIR做乜咁問？你見識過咁樣的女仔嗎？」


「認識咗一段時間，但個女仔有創傷後遺症，平時講野間中會代入其他人思想，好似唔係佢本人咁。我想深入了解對方，又怕太過單刀直入會令佢產生抗拒感。」


「咦，何SIR唔係讀心理學的嗎？竟然有女仔你會搞唔掂？我認識過有創傷後遺症的囡囡都係被人老強過，唔知係唔係你朋友個CASE？」


「你係公僕，應該注意下口德，況且個女仔只係遇上一件不幸的事情，佢係律師，唔係你諗個種。」

推一推

「對唔住何SIR，係我口臭。其實你如果想了解佢多點，除咗得閒送花關心佢之外，不妨嚮佢工作方面入手，咁可以順便幫佢忘記以前的不幸遭遇，積極投入工作。」


「我最大毛病係每次都會分析其他人包括朋友的心理狀態，由於我真心想幫佢走出困境，久而久之，當咗佢係病人。」


「唔緊要，最重要係佢冧你，你冧佢，除非連個天都唔幫你就話啫。」


一個星期後，警方在灣仔O記總部約見關武雄。


「我係有組織罪案及三合會調查科的何定邦高級督察。今天邀請關先生前來係希望你能協助警方調查，為你涉嫌替黑社會洗黑錢提供線索。」何SIR說。


「我冇做過，你夠料做乜唔起訴我，邀請即係擺明鋤我唔入啦，我要搵我代表律師。」關武雄說。


「我相信你有權搵律師，但我地亦都同時夠料起訴你，我地唔咁做係想你幫我地忙。」何定邦說。


「你地班差人，最叻點人做鬼頭仔，話你知我一定唔會做契弟。」

「你知唔知最近你大佬搵人查你穿佢櫃桶底單野？如果我地要起訴你可以立即封你名下賬戶，等你冇錢著草，如果我係你就唔會咁蠢封死自己後門，拒絕同警方合作。」


「既然你地都知道晒，好，就等我考慮一下。」


關武雄離開警署後，何定邦對同組的屬下阿賓說：「搵人幫我監視佢。」

新章節已上

第72章 - 人肉刺身

離開警署後，關武雄到銀行欲提取鉅款。


「對唔住關生，你個戶口的資產被凍結，暫時未能提款或轉賬。」


「豈有此理，班差佬今次來真的！」關武雄於話畢後向銀行職員豎起中指，然後致電給親妹：「阿妹，阿哥今次要著草！妳可否借住五球俾我應急呀！」


「喂！.......好衰架你，俾返條底褲人！」電話內的女子向身旁的人喊話。


「屌拿聲，妳隔離係邊個呀？」關武雄在電話旁爆粗。


「係你保鑣堅仔，你千祈咪同龍哥講呀！」女子說。


「今次我地水浸眼眉，妳仲嚮度瘟仔！」

多謝龍馬兄支持！

「我邊有咁多現金放嚮身！俾我一個星期時間多點，我估龍哥仲未知你食夾棍，總之你自己要小心，睇下邊條友係二五仔！」


一個星期後，唐龍在日本料理餐廳設下飯局，宴請關武雄，商量洗黑錢的戶口遭到凍結的問題。唐龍一口氣包下餐廳晚上全場，飯局設在嵐山的地牢貴賓房，關武雄與保鑣堅仔應邀赴約。


宴會中，唐龍與丁佑男與及十多名保鑣現身，唐龍坐在主席位置獨自在喝清酒。一眾人等了良久，關武雄率先問道：「龍哥，叫齊咁多手足來今晚到底食乜野？」


「未咁快食得住，今次我地興展堂俾班差佬起尾注，所有賬戶一下子被凍結，你估我地堂口入面係咪有二五仔？」唐龍反問。


「我唔知係邊條契弟做，如果知，我實第一個幫龍哥隊冧佢！」關武雄回答。


此時待應為所有人送來各式刺身，唐龍才吃了一口，便吐了出來，同時說到：「我地入面有二五仔，搞到我食乜都冇離滋味！」


就在此時，丁佑男在飯局中致電招卓行說：「喂青頭，快點趕來元朗廢車場，我地今晚要做野！」


「做乜野？」招卓行在電話內問。


「過來你就知，要快！」丁佑男說完後隨即收線，並向唐龍打了個眼色。


「個二五仔已經俾我搵到，家陣全部人跟我一齊入元朗！」唐龍說。

第73章 - 恐怖肢解

在元朗廢車場內，招卓行早於唐龍眾人抵埗前一個人到達，並於進入前在附近視察環境，確定沒有埋伏。最後招決定於後門進入位於中央的維修工場，撲鼻而來的是一陣陣生鏽鐵氣味。由於內裡一片漆黑，招即以其手機LED燈代替電筒照明，然而進入後不久，即有三輛七人車載著唐龍眾人浩浩蕩蕩駛達現場。


維修工場正門大閘被人打開，招即時把手機燈關掉。為數十八人一起進入，帶頭的人是丁佑男。此刻位於天花的燈被其他人開啟，就在同一時間內，招卓行即與丁佑男四目交投，但眾人的目光卻落在後排正在吸食雪茄的唐龍身上。


「佑男，你話俾佢地知條蠱惑仔係邊個！今日如果我唔抽佢出來祭旗，我就唔叫唐龍！」唐龍在眾人面前說。


「唔駛問阿貴，頭先食飯冇預你，一定就係依條蠱惑仔！」話畢關武雄取出匕首，走前欲刺向招卓行。

就在此時，隨著「砰！」的一聲，關武雄的後腦勺突然中了背後一記重擊，即時被砸得人仰馬翻，暈倒前的一剎那竟看見丁佑男右手拿著水喉鐵奸笑的樣子。


醒來後，關武雄發現自己的手腳被綑綁，身體並且被人用起重機的鋼鏈懸吊在天花上，全身上下的衣服被扒光。關武雄看到對面牆壁同時還懸吊著另一人，那人是其保鑣堅仔，他跟自己一樣全身赤裸，但其喉嚨已遭人割破，已死去一段時間。


「龍哥救命，快放我下來！」關武雄高聲說。


「你條靚驚死，不過佢已經招認咗係你食我夾棍同私通班差佬，想隊死我。」唐龍吐出一口煙後說。


「龍哥你千祈唔好聽人亂講，我點會做二五仔，一定係丁佑男同佢條靚擺我上神檯！」關武雄以驚慌的語氣繼續說下去。

「如果唔係咁，又點會引到你隻老狐狸上釣？」丁佑男說。


「我出來行咁耐，係人係鬼我一眼就知，話你知我嚮差館有條針，你同邊個講過咩我都知。頭先我專登叫班兄弟用七人車玩飛車，就係方便我甩走負責跟蹤同保護你班差佬。講，你落格的錢統統去咗邊？」唐龍說。


「龍哥你千祈咪郁我，班差人隨時可以跟蹤到依度！」關武雄說，同時身體在不停顫抖。


「啱先搜勻你全身，你同條靚身上一個追蹤器都冇，係咪靠你部電話呀？唔好意思，上車個陣全世界都交晒出來俾龍哥保管，你部電話被我熄咗，張電話咭一早被我拆咗出來。」丁佑男向關武雄展示其SIM CARD。


「龍哥求你放過我啦，錢我收埋咗嚮我同阿妹即係你老婆個瑞士銀行聯名戶口度！遲下我幫你去攞！」


「唔駛啦，錢你留返俾自己做買路錢啦，同我搞掂佢！」唐龍說罷，與眾人一同離開。


話畢，丁佑男猛然拉扯起重機的鋼鏈，關武雄的身體則從天花高處被釋放下來，當他以為心情可稍事平伏之際，丁佑男突然取出牛肉刀，在其背部後肩左右近胳肋底的位置各刺上一刀，刀貫穿其腋下，並從肩頂插出，令他血濺當場，痛極狂叫。


「青頭，你未冧過友，三刀六洞，由你開齋試玩下！」丁佑男遞上牛肉刀向著驚魂甫定的招卓行說。


招卓行取過刀，深呼吸了一下，然後從關武雄的前腹輕輕刺了一下。「呀！呀！呀！」關瞳孔瞬間縮小，同時發出悽厲的叫聲，聲音如同地獄傳來般恐怖。


「青頭，三刀六洞，係要隊穿先算！」丁佑男從招的手上奪回牛肉刀，然後一刀極速插穿關的腹部，鮮血從關的口角及腹部狂湧出來，捱不到十秒，關武雄終於氣絕身亡。


零晨時份，丁佑男和招卓行二人把關武雄及其保鑣懸掛著的屍體從起重機鋼鏈上解下，並著手分屍。丁佑男先行把二人的左右手各一砍了下來，然後和招合力處理屍身其餘部份。


「點解要每人留起一隻手？仲要係左右唔同？」招卓行說話同時，鮮血濺到其面上。


「你咪理，我留來有用。」丁佑男說。

notebook ms word扶乩
正！

多謝橙皮兄支持！

live~
條橋正既！
但又書面語又口語咁，睇到我有少少懷疑人生
有啲係對話先用口語，｢」外既都用哂書面語
但係睇左好耐都唔係好分到要點處理好，呢下有啲令人糾結
btw, 情節同idea都吸引的！

多謝你嘅意見。其實起初寫的時候係用書面語，因為可以直接轉簡體就玩埋閱文的內地投搞，口語的佢、依度、架、乜、撚會解唔通甚至出怪獸碼，但後來冇時間所以放棄內地供搞(因每次都要電話認証上載搞件麻L煩)，後來直接在連登紙言PO寫得快咗同可以用多Ｄ口語）。

對話先用口語，｢」外既都用哂書面語係正確的，因為講野先出現口語，同埋女主角係律師，處理文字稿係唔可以下下口語的，就好似解釋一Ｄ法律的時候。

第74章 - 拼圖式殺人

丁佑男收起了左右兩具人體手臂殘肢，並且吩咐招卓行把屍體的其餘部份棄置荒野。在招收拾屍體離開後，丁把兩具手臂運往廢車場附近一處已荒廢的管理員宿舍。連同廢車場和維修工場在內，該處亦是屬於興展堂負責營運的物業。雙手染血的丁佑男把殘肢收藏在宿舍內一個新購入的冷藏庫內，臨離開前打了個電話給程淑雯，在電話內說道：「搞掂，一個禮拜後妳可以過來收貨。」


一個星期後，程淑雯應丁佑男邀約前來宿舍，期間還帶了一個陌生人前來。


「阿嫂，依個咪係上次泰國佛牌店個位店主，究竟佢係妳邊位？」丁佑男開門後見勢色不對，連忙問道。


「佢係邊個唔關你事，我搵佢來係幫我手，由依家起佢係依度保安員，而且會一直住嚮度。」程淑雯說。


「對唔住阿嫂，係我多事。」丁佑男急於道歉。


「我要的東西呢？」程淑雯問道。


丁佑男在逼於無奈之下，帶了程淑雯及佛牌店的店主進入冷藏庫，期間向他們展示兩具經過防腐處理的手臂殘肢，並且將死者的部份遺物交出。


「依度冇你事。你走先，我地仲要做野。」程淑雯以傲慢的目光看著丁佑男。

眼看丁佑男消失後，佛牌店的店主走回他駕來的車，並且從車尾箱內取出一輛輪椅，然後在車廂內扶起一名面色蒼白、雙目無神兼且身穿骯髒衣服的年青人，把他安置在輪椅上，繼而推入宿舍內。


「賈老鬼，估唔到你個仔賈亦真會搞成咁，大不了搵過另一個宿主，點解要揀去做廢人？」程淑雯問店主。


「其實........我地依班修煉茅山法術的人，元神比起肉身強大，只要有強大法力引領，又或者遇到行衰運的人，隨時都可以轉換宿主，但係亦真佢就偏偏相反，元神破滅，如今佢肉身只剩低部份殘缺不存的魂魄，我還陽後第一時間搵到佢個陣已經就係咁，如果再遲一點睇怕連肉身都保唔住。」店主說話時為年青人整理輪椅上的生理鹽水吊針。


「係咩人做？」程淑雯繼續問。


「唔知。班死差佬冇咁本事可以直接殺死佢元神，我估係姓陸條友。」店主說。


「你地兩父子不斷用接力方式存活人間，一旦其中一個消失，另一個就芨芨可危。你請我來莫非就係想我幫你令佢還陽？嘿嘿.......」程淑雯繼續問。


「只要集齊六個替死鬼的肢體組成一具俑偶，我就能用起死回生大法去令亦真還陽。」


「乜原來要殺六個人，對賈老鬼真係咁難？」


「難就難在組成一具俑偶的替死鬼必須要係對頭人，亦即仇家，又或者係親人先可以。」


「你知我能力最高，兼且非我族類，勢要消滅對頭人，所以你搵我就係想借刀殺人。」


「只要女皇妳肯幫我，我一定會盡力如妳所願。」


「既然你見識過我能力，我就要你幫我嚮人間呼風喚雨，集結所有黑道權力於一身，睇下仲有冇人敢同我作對？」

sor巴打，live左等出新章節時又翻睇，發現有啲對話位真係有少少怪...

例如：
「咁其實... 可以的」
沈碧君小姐似乎係兩登常客

「家姐，妳患上夢遊嗎？知唔知妳昨晚半夜在浴缸頂天花擺出凌空一字馬，僅以雙腳貼牆支撐整個身體？」
❨家姐，你有夢遊嘅咩？知唔知你琴晚半夜喺浴缸上方凌空一字馬，淨係用腳支撑住成個人呀？❩
倩兒既用詞好似係穿越黎現代咁既

如果令到巴打唔開心既話... 對唔字
我會收嗲架 唔好唔出故呀

多謝橙皮兄寶貴意見，我相信成部小說以接近十萬字來講真係需要認真修訂先會統一前後用字的風格的。我會等完成全夲小說然後再一次過翻執，同埋我唔知點去修改連登之前的po, 因好似係改唔到的，所以一些小修改我放咗落紙言

「我樂意為女皇效勞，但係女皇可否先幫我剷除何定邦依個眼中釘先？就係佢粒子彈令我死唔眼閉。」


「嘿嘿......真係睇唔出原來你咁弱，一個死差佬都搞唔掂。」


「我見過佢本人，全身上下充滿剛陽之氣，煞氣又重，我同亦真當時都冇法直接對付佢，只可以假手於人。」


「佢身邊有咩人可以埋手？」


「就係做律師個條沈碧君，條女上次被我捉過，結果被條差佬救走，佢兩個近來行得好埋。」


「沈碧君？乜你唔係話姓陸條友上咗佢身？只怕我地未必夠佢打........」


「我啱啱知道姓陸條友走咗，依個係好時機。」


「簡單。等我命令痴迷先搵姓沈條女上身，然後再指使佢殺條差佬。」


「痴迷依家嚮邊度？」


「佢寄生咗嚮一個酒店女公關的身體內，等睇戲啦。」


「痴迷有份參與的表演應該幾啱我睇，等我買定紅酒細心欣賞。」


「條女同條差佬都會一齊死！到時你可以嚮佢地條屍隨便割一部份出來，哈哈哈哈！」