【一讀一驚心】驚慄小說連載之攝魂偽術家

「妳如果唔想講，我地係唔會逼妳，其實妳地成班護士平日係咪好好感情架？」我曲線問道。


「係........所以我係唔會由佢地死得不明不白，我要講出成件事真相。」陳小姐說。


「妳認識咗林醫生幾耐？點知佢有迷姦護士？」定邦接力問道。


「林醫生佢之前係好正經同好好人，但自從瞓嚮羈留病房姓賈的病人過身後，怪事就不斷咁接二連三發生。」

「係咪叫賈惺惺的疑犯？如果醫院裡面平日有病人過身係正常情況的話，點解妳會對佢有特別印象？」我問道。


「我仲記得姓賈的病人過身前一刻，曾經心跳加速，血壓急劇上升。當日我負責巡視病房，所以就去咗搵當值醫生，亦即係林醫生去為佢做詳細檢查。點知就.........」


「跟住係點？」我立即再追問。


「當林醫生為姓賈的病人檢查緊個陣，病人唔知點解突然醒返，仲坐咗起身，佢捉住林醫生雙手，然後起勢高聲狂叫，跟住唔知點解突然成個人軟晒咁跌返落床，最後證實暴斃。」


「咁林醫生當時有咩反應？」定邦問。


「當病人狂叫個陣，林醫生嚇到當場暈咗，佢嚮休息室醒返之後就好似變咗做另一個人咁，我本來負責照顧緊佢，但佢突然用一種好陰邪的眼神望住我，我當時好驚但反抗唔到，之後我就冇咗意識，嚮休息室醒返後我發現自己衣衫不整........」陳小姐邊說邊哭，對自己接下來的遭遇更隻字不提。


「妳有嘗試報警舉報佢嗎？」將心比己，我為陳小姐的遭遇感到難過。


「我本來諗住先同我班姊妹私底下講，但點知我第二日去到護士房個陣，我聽到呻呤聲，發現平時好正經個兩位姊妹同緊林醫生一齊，三個人全身一絲不掛咁玩緊三人性派對，唔知點解我兩個姊妹當時好似被人洗咗腦咁。我好驚咁走咗，但原來個次係我最後一次見佢地，如果我能夠即時制止的話，佢地或者唔會自殺.......」

第114章 - 第三人的自白

當沈碧君聽完陳小姐對事件的陳述後，整個人變得惶恐不安，好像意識到相同的厄運即將降臨到自己身上，有種大限將至的感覺。


「妳唔駛怕，正所謂邪不能勝正，況且依個世界並冇鬼上身依樣野，一切都係源於心理因素作祟。」離開陳小姐住所後，我立即試圖安撫她。


「咁你點解釋陸無窮依個人同我夢境入面的遭遇？」


「我同妳提過，所謂分身的出現只係由於妄想症導致人格分裂所做成的結果。等所有事件平息之後，妳就唔會有依種幻覺。」


翌日，我回到警署後嘉惠前來找我。


「何SIR，已向入境署查核過，負責羈留病房當值的林醫生已證實離開咗香港，去咗台灣。」

林醫生遠走高飛這消息對我而言簡直如芒在背。


「何SIR，你冇事嘛？係咪邊度唔舒服？」


「我冇事，想一個人靜下咁........」


我看著手機內儲存起來那些與沈碧君的合照，照片中的她試穿婚紗，展露著幸福的笑容，期待迎接成為人妻的生活，我的內心頓時顯得忐忑不定，對於自己為掩飾而說的大話感到愧疚。我說世界上並沒有鬼上身這回事，但我卻十分肯定林醫生就是賈亦真本人。


回想起當日發生在元朗興展堂員工宿舍的墊屍底恐怖殺人事件，真正棋差一著的應是我，只因賈似道那『起死回生法事』已取得近乎完滿成功。歸根究底，為了法事所必須殺的六個人並非只局限於仇家，親人亦可以。最後死的一人，亦即是父親賈似道本人，完成了儀式任務促成賈亦真還陽。想不到他竟為了完成一具俑偶而作出了自我犧牲。看來為求沈碧君得到安全，除了全天候貼身保護之外，別無他法。此外，我的保密工夫亦一樣要做足。


我獨自走進辦公室內，看著何定邦這幾年來憑藉無間斷付出的努力而獲得的嘉許獎狀，心中不禁一陣唏噓。我的學習能力使我能吸收宿主的經驗和知識，以至日常的生活習慣，所以模仿托眼鏡這些小動作一般來說是難不到我的。雖然此刻我能與我喜歡的人生活在一起，但偽裝何定邦的我竟連一丁點的快樂也感受不到，我倒希望真正的何定邦能有朝一日甦醒過來，以履行他身為別人丈夫應盡的責任。


（全文完）

我係陸無窮？

正是。。。。。。。
結局估你唔到?

[/quote]我係陸無窮？[/quote]正是。。。。。。。
結局估你唔到?[/quote]
估到賈上咗醫生身
估唔到定邦

其實定邦結局個設定留有伏筆