I fell ship with ptbf (2)

柴郡貓貓 2019-02-10 17:51:17

I fell ship with ptbf (1) 傳送門：
https://lihkg.com/thread/822920/

喺細路心口趴咗好一陣間，嗰段時間好似好長又好短咁，佢先終於肯放開我。我赤祼住身體起身嗰一下，先覺得終於有一種解脫嘅感覺。雖然覺得有少少散架，但係我急不及待想沖個涼，去除身上面嗰種笠黏黏。

喺我紥起頭髮綁成馬尾、入去廁所沖涼嘅時候，一直躺喺床上面懶洋洋嘅細路終於都挑走條懶筋起嚟，走埋入嚟同我一齊沖。我遲疑咗一下，但又好快冇咗呢種尷尬嘅抗拒。其實而家連最後嗰一步都做咗，仲有啲咩好怕醜呢？

「咁快就入咗嚟嘅。」細路一入嚟就攬住我，我將個花灑射埋佢嗰邊，等佢都淋埋熱水，然後再笑住答佢：「你唔覺得黏笠笠唔舒服咩⋯⋯同埋出面嗰冷氣凍喎。」

「凍咩？我覺得少少啦⋯⋯幫我搽埋番梘啦。」細路見我開始擠啲酒店俾嘅沐浴露嗰啲，又開始犯起懶唔願郁，想我幫佢做埋佢嗰份。我冇好氣咁翻咗個白眼，但係都係照做咗。之前講過，我對細路其實真係算好包容，直至到佢踩到我底線之前，我對佢嘅所有嘢都係抱持住好高嘅容忍度——所以喺呢啲小事上面我通常都冇咩所謂咁照做。

因為已經食飽咗，所以我幫細路搽番梘嗰陣完全係處於一個心無旁騖嘅狀態，嗰心態係真係好似有少少大人幫小朋友嘅沖涼嘅感覺咁。但係細路可能同我有啲唔同，我捽多兩捽嗰陣，佢隻手都開始唔守規矩咁亂摸起嚟：「我都幫你搽啲番梘啦⋯⋯」

「唔使啦，我頭先搽咗沖咗少少⋯唔好摸啦做咩吖⋯⋯」我幫自己搽咗少少沖咗少少先幫細路搽，所以佢呢個藉口嚟得莫名其妙，尤其細路愈嚟愈亂摸，左揑右摸，我都未搞清楚發生咩事嗰陣，細路又錫咗落嚟，然後攬住我跌跌撞撞咁推我出去，將我壓返落床提起我兩隻腳又想插入嚟。

——係呀冇錯，喺咁短時間，細路又有性致起嚟起到機想扑嘢啦。我完全係一臉懵然，喺佢壓上嚟嗰時仲好遲鈍咁諗，吓⋯⋯又搞？

我對男仔嘅慾望並唔係太瞭解。或者係因為細路後生，所以先咁快又有性致？我唔太明，個腦仲係一片混亂。床舖同被都被我哋身上面嘅水滴所整濕，我捉住細路撐喺我身邊嘅手臂，仲居然將側邊張被冚喺細路背上——我諗返起嗰時嘅我都覺得有啲痴痴地線，我係咪痴撚咗線，先會喺被人屌緊嗰陣擔心屌我嗰個人會唔會凍親？

我都真係唔知自己諗咩。

第二個回合我哋冇玩好耐就結束咗，主要係因為可能我冇咩前戲唔太濕所以冇咩癮，然後細路就草草射埋了事，我哋再一次去返沖涼就訓咗喺床上面玩住電話傾吓計咁。兩個人唔知點解有少少老夫老妻嘅感覺，一齊喺度攤抖，㩒住電話有一下冇一下咁講吓啲無聊嘢。

「咩呀，我知你叫陳允行吖嘛。」傾傾吓唔記得點解又講返起名嘅問題，我笑住㩒住電話漫不經心咁應返佢。聽到我講中咗佢嘅中文全名，細路瞪大隻眼望返住我：「吓，點解你知嘅？」

「你嗰一次自己話俾我知㗎，上次你俾我睇嗰份功課有你個名⋯⋯」
又嚟啦。細路成日有時講太多又唔自知，所以我自忖我對細路嘅認識同了解可能比佢想像嘅仲要再多。知道得多啲細路嘅嘢，同時又冇俾佢知太多我自己嘅嘢，對我嚟講唔知點解係有一種優越同自信感⋯⋯其實我諗返，呢種了解嘅唔平等應該算係我自己自我保護嘅一種行為，咁樣俾我有一種錯覺，令我覺得自己喺呢段關係有優勢，似係個主導者咁。呢種心情好微妙，我都無法解釋，明明只係兩個人之間嘅鐘意問題，但我哋好似成日都係要計較吓邊個鐘意得多邊個鐘意得少，硬係要喺入邊計較輸贏咁。

只係今晚嘅我唔想計較咁多。今晚嘅我，都想俾佢贏返次。

「咁你叫咩名？」細路反問返我，而呢一次我冇再好似之前咁迴避問題：「我呀？我個中文名叫⋯⋯王一心吖。」我仲順手喺google到打咗我個名俾埋佢睇：「但係喺google出嚟嘅搜尋結果都冇一個係我囉。」

就係咁樣，喺我地識咗三、四個月之後我哋先真係交換咗自己嘅中文名。唔知喺邊度睇到一句說話，講咩女人俾得你進入佢嘅陰道就等於俾得你進入佢嘅心，雖然呢句話有啲矯情同唔一定啱，但係我諗喺我呢度可能有少少啱，因為我覺得自己好似越嚟越放低曬防備⋯⋯

咁其實係應該都可以啦？因為佢係鐘意我架嘛？我都唔應該成日抱住一個唔敢放感情落去嘅防備，再咁樣推人於千里之外。接受細路嘅過程，可以由增加對彼此嘅認識開始。我對細路其實都應該要有多返啲信心，相信佢唔會傷害我嘅感受係咪？

就係咁樣吹多陣水，凌晨三點幾四點我哋先退房走人，落街仲食咗個麥記醫醫肚先返去。走嗰陣我照樣叫咗架uber搭車走，細路照舊好乖咁送埋我上車先離開，我上車之後冇幾耐就已經收到佢message。

細路：「頭先揸uber嗰個阿叔個樣好猥瑣囉」
我差唔多落車先睇到佢訊息，忍唔住笑咗出嚟。
我：「你咁樣話人勁衰囉⋯⋯我頭先訓著咗🙈」
細路：「你仲訓著咗，因住個怪叔叔溶咗你都未知吖」
我：「唔會囉，又唔係啲咩靚女，你當我憨居居嘅咩」
細路：「你就係憨居囉」

其實我就係好鐘意細路緊張我擔心我呢個樣。人哋話識詐傻扮懵，俾男朋友可以有機會扮英雄嘅女仔先得人鐘意，所以我喺呢到講嘢都耍咗小小心機，氹佢講啲我想聽嘅說話。俾我知道你有幾著緊我，可以嗎？

我有時都想知道，你有幾鐘意我。

再吹多幾句水之後，細路突然問我。
細路：「by the way 下下個星期三你得唔得閒？」

我個心忽然猛烈跳咗幾下。
我㩒開手機嗰月曆，確認返自己有冇數錯。

今日係2月3號⋯⋯
下下個星期三咪就係2月14號囉？

花旗參 2019-02-10 17:54:56

love you 貓貓有新po

TED 2019-02-10 17:56:44

新post留名