I fell ship with ptbf (2)

...個故好真實

擺明
咁易溝到手 點會想負責任

哈哈哈
我完全經歷過一模一樣既野

push

同細過自己好多既男仔拍拖就係咁，成日若即若離既感受，但自己係大姐姐又怕發脾氣比對方覺得我幼稚，成日要扮無所謂唔係嬲。

利申:幾個男友都係咁既感覺

其實樓主都柒 明明係自己話唔想影響人地dse
之後又屌9返細路成日唔見無msg
Jm9
（不過細路都唔認真架啦 你2個都係算啦）

一開始覺得樓主好撚慘 但事實係抵死
你又唔有個句講個句 懶係成熟偉大咁樣樣野都話為細路著數 所以唔出聲 人地又唔係你條蟲點知你諗咩姐
你又要收收埋埋 但又咁多內心戲 谷埋谷埋啲情緒又控制唔到發洩左落細路到 覺得佢唔成熟唔了解你苦心 細路好無辜sosad

睇咗咁耐
只能夠講主角真係未拍過拖 無經驗
再加上我哋旁觀者清就理智啫
主角處理起上嚟就比較差
細路就係個細路
唔嗲唔吊咁 又好似唔太上心咁
根本都唔知女仔需要啲咩
最後就變到咁嘅局面
Sorry for 1999

其實上一篇已經係我哋關係嘅完結，跟住落嚟嘅都係我自己嘅獨腳戲。
之後過咗幾日，細路突然喺tg講咗句heyhey，但我為咗避免重蹈覆轍，我同佢講，我唔想心軟啦，公司會派我去外地做嘢一年，然後，佢再冇上過線。

雖然我講話會刪咗只係會同佢用嘅tg，但係就好似之前咁，每一次唔想被佢擾亂我心神嗰陣我都會del咗個app，用呢一種掩耳盜鈴嘅辦法嚟逼自己唔好成日心掛掛，但係之後又會忍唔住再download返——我每次都會因為細路囈我或者諗起細路對我嘅好而心軟讓步退後，只係呢次我選擇對大家心狠。

我哋從此就冇再聯絡，而我同細路嘅故事亦都告一段落。可能幾個月後、幾年後、幾十年後我哋會再見面，又或者我哋呢一生都唔會再有機會再見，但呢啲都係以後嘅事啦。

如果問我之後點，我曾經有段時間好難捱。同細路講再見之後，我即時或者一星期後其實冇乜嘢。因為我一直想要一個答案，而家有啦，對我嚟講係一種解脫。雖然只係嗰心會空蕩蕩，但總比日日夜夜胡思亂想，揣測細路嘅心意更加好。

但係一個月之後，我發現我自己錯咗。嗰陣時電視啱啱好播緊黎諾懿同夏文汐嘅姐弟戀，我睇住睇住，除咗羡慕之外，突然之間覺得好驚。

我好驚以後見唔到細路，我好驚我呢世就咁就過去咗，然後永永遠遠唔會再見到細路一面。呢一種恐慌旁人睇嚟或者而家睇返其實係好無厘頭，但係我嗰時真係好慌好慌。我差少少，差少少就忍唔住揾返細路同佢講返嘢，就好似佢講過之前嘅ex咁，放棄自尊同堅持求返佢喺返埋一齊。

我唔知呢一種感覺人哋會唔會有或者明唔明白，好在呢一種絕望嘅感覺隨住時間嘅流逝而慢慢褪色。我久唔久會係旺角嘅地鐵站出神，諗緊下一秒我會唔會喺某一個角落就會見到細路，就好似陳奕迅嗰首《十面埋伏》咁。亦都好彩嘅係，呢種諗法都愈嚟愈少出現。

講完我自己，再講吓細路點啦。細路之後點，我其實只係知道少少。我search到佢另外一個ig ac，見到佢喺同我講heyhey之後嘅一日就同咗個女仔一齊。個女仔同佢差唔多年紀，佢哋之後仲好似一齊去大陸度下假去旅行幾開心咁。

就好似我起呢個故嘅標題咁，雖然有人吐嘈起得好差，其實我用英文係想表達一種模糊嘅意思，fell with可以解我同細路一齊喺呢段關係沉咗，亦都可以解係我自己一個沉咗，因為我本身唔確定沉咗嘅係一個人定兩個人。

其實寫呢個故嘅中途，我已經放低咗，我已經唔再介懷一啲嘢。我相信細路係有鐘意過我，只不過呢種鐘意太過淺薄，唔係我想要嘅程度啫。繼續寫到完結不過係見大家咁鐘意呢個故，我先想俾返大家一個交代。好多謝大家為呢個故留低嘅留言，雖然一直冇回應到，但係真心每一個我都有睇到㗎。當我懶好當我咩都好，我諗嚟到最後我都係唔逐個應大家啦。但係我希望你哋知道，冇你哋，呢個故就唔會有完結嘅一日。

預祝大家復活節快樂，有緣再見。

如果一直冇人留言我諗我篇文早就棄咗，所以作為第一個喺我篇文留言嘅讀者福利我會答巴打你一個問題

***自爆問題基本唔答

樓主 祝您幸福快樂 放低咗就好啦

最緊要你幸福

樓主而家受唔受溝

樓主，希望你之後拍拖唔好將所有嘢都收收埋埋，要人估你諗咩真係好辛苦

說來慚愧
正如我之前講, 一開始我係本住睇甜故既心態入黎(正正係俾個故既名吸引)
但係越睇越沉重(我都沉左), 見到最尾你話已經放低左我都有種釋懷既感覺
真心希望你可以遇到一個懂你愛你既人
問題就唔問喇, 留番啲神秘感

好sad
樓豬下個一定會更好

樓豬同細路冇結果好正常
成日暗示唔講清楚
細路擺明鍾意你
係你自己放棄
唔怪得細路

我一開始都係當甜故咁睇
可能因為我同細路年紀好近
好有代入感
仲要係同姐姐
不過去到後段真係睇到好灰

多謝樓主堅持 呢幾個月一直都有追post
勾起好耐之前自己嘅回憶
有時候回想都會覺得一段當時黯然嘅回憶真係幫我睇清楚好多野
（例如呢幾嘅我寧願直接講我想點，因為以前真係會唔敢講然後又好介意，最後俾人話要經常要估我想法壓力好大）
希望你下一段感情幸福
如果有機會再寫故我實支持

完結嘅時侯反而無難過嘅感覺， 可能一開始知道唔會係開心嘅結果，所以無難過仲多咗個鬆一口氣嘅感覺
多謝樓主 希望樓主之後會搵到個更好嘅人

希望樓主會得到幸福