I fell ship with ptbf (2)
柴郡貓貓
575 回覆
223 Like
6 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁
Lm
Lm
lm
New post lm
留名！
lm
Lm
lm
新po留明
Lm
祝 樓主幸福
樓主幸福Lau Ming
lm
lm
Live 左，加油樓主，由1追到2
Live咗
不過喺我應承咗出2月14號之後，細路又約咗我嚟緊嘅星期日出街先。
細路message我話星期日灣仔會展有個寵物展，到時佢會帶埋佢隻狗仔一齊去，問我有冇興趣去，我懶係扮曬蟹咁未一口應承住，喺網上search吓cap埋圖問佢係咪呢個。細路肯定咗之後，我先扮曬淡然咁應佢話，好呀。
好呀。
天知道我花咗幾大嘅力氣先㩒得住自己嘅語氣唔好太興奮，重錄咗幾次先錄到把聲正常少少，喺錄音入面聽上去唔會太開心咁樣。
呢次並唔係我第一次同男仔嘅約會，但係今次算係我同細路講開咗我哋關係之後嘅第一次約會，仲要唔係擺到明為咗搞嘢嘅而約嘅見面，而係可以好似平時嗰啲普通情侶咁嘅平常約會，對我嚟講係有啲意義嘅。因為就好似前面咁講，呢一次嘅約會有少少代表住我哋步入正常情侶關係咁，所以我翹首待盼，日盼夜盼住星期日嘅嚟臨。
喺嗰晚之後，我哋每日都有keep住短訊交流，雖然有時我同佢都會遲覆大家，但係每日基本上都係你幾句接住我幾句冇停過咁。然後終於到咗星期日我哋約好咗嘅一點半，我都準時到咗會展門口，企係嗰度等細路嚟。電話響起咗「叮」一聲，我低頭㩒開tg聽聽個錄音：
細路：「我而家先出門口⋯⋯」
我忍唔住反咗個白眼。細路嘅壞毛病我唔係唔知，只不過冇諗過今次都係啫⋯⋯我又冇嬲嘅，只係歎歎氣，努力掃走自己嘅情緒，用平時嘅語氣回返佢：「唔緊要啦，我到咗慢慢行住先，你到咗再話我知啦。」
結果呢一等，就差唔多等咗個幾鐘。呢次係我等細路等得最耐嘅一次，我已經由一樓大廳行上二樓嘅寵物展門口到三樓嘅動漫展兜咗好幾圈，都仲未見細路同佢隻狗仔嘅身影。為咗唔想因間再耽誤太耐，我甚至連我哋兩個人嘅門票都買埋。喺買嘅時候，我雖然諗過呢次係第一次約會，俾細路買返係咪會好啲呢——俾佢喺金錢上面付出返少少，而唔係只有我喺到付出，咁先似係拍拖㗎嘛？
算啦，嗰少少錢計嚟做咩呢。同埋我㨂得細路，就要去接受細路嘅各種不成熟同缺點，所以我都冇太在意呢啲嘢。
電話上面時間嘅數字不停變動，到我真係收到細路喺會展門口等緊寵物接載巴士嘅訊息嗰陣，已經喺快要接近三點嘅時候啦。我本身嘅脾氣都已經因為等得太耐而開始消磨殆盡，就好似似乎我喺細路面前都冇咩脾氣咁。
「快啲過嚟啦，㗎巴士就到啦！」
我一邊聽住細路一個又一個錄音，一邊急步行返落去會展門口。行到落去大廳，穿過川流不息嘅人群，我就見到細路抱住佢隻狗仔，一人一寵幾乎係同一表情咁企喺站頭四處張望住我嘅身影。
⋯⋯傻仔。
我忍唔住勾起唇角，快步行前去到佢哋嘅面前。見到我之後，細路一如佢嘅風格，反客為主咁反而向我半帶抱怨咁講：「咁耐㗎你⋯⋯好在仲趕得切㗎車未嚟，我本身仲諗住讓後面啲人先上，等你嚟㖭。哎，幫我抱住隻狗先呀。」
俾佢一輪嘴咁發炮過嚟，我都唔知好氣定好笑咁先睥咗佢一下，都未嚟得切話返佢就被細路硬塞咗隻狗嚟：「咩呀明明係你遲到在先⋯⋯做咩？」見到遞到嚟面前嘅狗狗，我惟有有理冇理都抱住先。細路養嘅呢隻狗係約瑟爹利，隻狗毛茸茸咁，毛色漂亮毛髮蓬鬆，又小又可愛。狗仔仲要喺我抱住佢嗰陣怕生咁係咁震，搞到我心疼咁係咁摸摸佢啲毛，安撫咁拍下拍下佢希望佢冇咁驚。
養貓養狗呢啲寵物真係識囡溝囡嘅神器，如果真係要比較嘅話，我覺得活潑或者乖巧嘅狗比高竇嘅貓更加好用，大家唔見一出街嗰啲被人拖住嘅大狗多數都好受歡迎，啲鐘意小動物嘅囡囡基本上都會好主動咁上前想摸摸隻狗，然後就可以講返兩句，話隻狗叫咩名幾歲咁，就可以打開到話題。
「呢度好熱囉，我想除咗件衫先。」細路將佢隻狗隊完俾我之後，就除咗件外套落嚟：「太郎乖呀，我哋好快就有得去玩啦。」單手拎住外套，細路彎低身湊近我，另一隻大手摸摸狗仔嗰頭。
「太郎？」被主人拍拍之後似乎好咗啲冇咁震騰騰，狗狗乖乖咁趴返喺我胸前，我抱住佢問細路：「呢個係佢個名？佢今年幾歲？」
「係呀，佢四歲啦。」細路攬住我，我攬住太郎，我哋嘅目光一齊落喺我懷抱嘅狗仔嗰到。嗰一個剎那，我心入面甜絲絲咁覺得，我哋咁樣好似真係一家人咁⋯⋯
細路message我話星期日灣仔會展有個寵物展，到時佢會帶埋佢隻狗仔一齊去，問我有冇興趣去，我懶係扮曬蟹咁未一口應承住，喺網上search吓cap埋圖問佢係咪呢個。細路肯定咗之後，我先扮曬淡然咁應佢話，好呀。
好呀。
天知道我花咗幾大嘅力氣先㩒得住自己嘅語氣唔好太興奮，重錄咗幾次先錄到把聲正常少少，喺錄音入面聽上去唔會太開心咁樣。
呢次並唔係我第一次同男仔嘅約會，但係今次算係我同細路講開咗我哋關係之後嘅第一次約會，仲要唔係擺到明為咗搞嘢嘅而約嘅見面，而係可以好似平時嗰啲普通情侶咁嘅平常約會，對我嚟講係有啲意義嘅。因為就好似前面咁講，呢一次嘅約會有少少代表住我哋步入正常情侶關係咁，所以我翹首待盼，日盼夜盼住星期日嘅嚟臨。
喺嗰晚之後，我哋每日都有keep住短訊交流，雖然有時我同佢都會遲覆大家，但係每日基本上都係你幾句接住我幾句冇停過咁。然後終於到咗星期日我哋約好咗嘅一點半，我都準時到咗會展門口，企係嗰度等細路嚟。電話響起咗「叮」一聲，我低頭㩒開tg聽聽個錄音：
細路：「我而家先出門口⋯⋯」
我忍唔住反咗個白眼。細路嘅壞毛病我唔係唔知，只不過冇諗過今次都係啫⋯⋯我又冇嬲嘅，只係歎歎氣，努力掃走自己嘅情緒，用平時嘅語氣回返佢：「唔緊要啦，我到咗慢慢行住先，你到咗再話我知啦。」
結果呢一等，就差唔多等咗個幾鐘。呢次係我等細路等得最耐嘅一次，我已經由一樓大廳行上二樓嘅寵物展門口到三樓嘅動漫展兜咗好幾圈，都仲未見細路同佢隻狗仔嘅身影。為咗唔想因間再耽誤太耐，我甚至連我哋兩個人嘅門票都買埋。喺買嘅時候，我雖然諗過呢次係第一次約會，俾細路買返係咪會好啲呢——俾佢喺金錢上面付出返少少，而唔係只有我喺到付出，咁先似係拍拖㗎嘛？
算啦，嗰少少錢計嚟做咩呢。同埋我㨂得細路，就要去接受細路嘅各種不成熟同缺點，所以我都冇太在意呢啲嘢。
電話上面時間嘅數字不停變動，到我真係收到細路喺會展門口等緊寵物接載巴士嘅訊息嗰陣，已經喺快要接近三點嘅時候啦。我本身嘅脾氣都已經因為等得太耐而開始消磨殆盡，就好似似乎我喺細路面前都冇咩脾氣咁。
「快啲過嚟啦，㗎巴士就到啦！」
我一邊聽住細路一個又一個錄音，一邊急步行返落去會展門口。行到落去大廳，穿過川流不息嘅人群，我就見到細路抱住佢隻狗仔，一人一寵幾乎係同一表情咁企喺站頭四處張望住我嘅身影。
⋯⋯傻仔。
我忍唔住勾起唇角，快步行前去到佢哋嘅面前。見到我之後，細路一如佢嘅風格，反客為主咁反而向我半帶抱怨咁講：「咁耐㗎你⋯⋯好在仲趕得切㗎車未嚟，我本身仲諗住讓後面啲人先上，等你嚟㖭。哎，幫我抱住隻狗先呀。」
俾佢一輪嘴咁發炮過嚟，我都唔知好氣定好笑咁先睥咗佢一下，都未嚟得切話返佢就被細路硬塞咗隻狗嚟：「咩呀明明係你遲到在先⋯⋯做咩？」見到遞到嚟面前嘅狗狗，我惟有有理冇理都抱住先。細路養嘅呢隻狗係約瑟爹利，隻狗毛茸茸咁，毛色漂亮毛髮蓬鬆，又小又可愛。狗仔仲要喺我抱住佢嗰陣怕生咁係咁震，搞到我心疼咁係咁摸摸佢啲毛，安撫咁拍下拍下佢希望佢冇咁驚。
養貓養狗呢啲寵物真係識囡溝囡嘅神器，如果真係要比較嘅話，我覺得活潑或者乖巧嘅狗比高竇嘅貓更加好用，大家唔見一出街嗰啲被人拖住嘅大狗多數都好受歡迎，啲鐘意小動物嘅囡囡基本上都會好主動咁上前想摸摸隻狗，然後就可以講返兩句，話隻狗叫咩名幾歲咁，就可以打開到話題。
「呢度好熱囉，我想除咗件衫先。」細路將佢隻狗隊完俾我之後，就除咗件外套落嚟：「太郎乖呀，我哋好快就有得去玩啦。」單手拎住外套，細路彎低身湊近我，另一隻大手摸摸狗仔嗰頭。
「太郎？」被主人拍拍之後似乎好咗啲冇咁震騰騰，狗狗乖乖咁趴返喺我胸前，我抱住佢問細路：「呢個係佢個名？佢今年幾歲？」
「係呀，佢四歲啦。」細路攬住我，我攬住太郎，我哋嘅目光一齊落喺我懷抱嘅狗仔嗰到。嗰一個剎那，我心入面甜絲絲咁覺得，我哋咁樣好似真係一家人咁⋯⋯
情人節出文
