係 所以一開始咪講咗如果有限度註冊要實習嘅話絕對確保到質素 但係有限度註冊要實習嘅話佢哋嚟做咩
淨係實習都要一年 有限度註冊得3年 維持而家有限度註冊嚴格監控 然後正式註冊行新加坡嗰套好過啦
有限度註冊係為咗引入高質嘅專才 而唔係為咗解決醫生荒
上面都有提過又唔識睇 就算唔係我講嚟做research咁 佢哋喺醫院做嘅都唔係一般mo 嚟得嘅都係有返咁上下做consultant/professor 但係而家啲人係想加位嚟解決醫生荒 人哋勁嘅嚟申請做咩 反而吸引咗班質素可能冇咁好嘅醫生 你覺得係唔係偏離原意?原意冇話邊個定 只係你用腦諗吓如果係為咗解決醫生荒做返普通mo嘢 點解又要限quota而家又要有FRCP/S 明明香港都唔係個個mo有 要做mo嘅話咪考執業試 係特別被僱用做某類advance嘅工作先申請呢個牌 攞個例子 大學醫學院請外國權威教授嚟示範教學 佢哋喺香港冇牌做醫療程序 唔通要佢哋考執業試?你唔會覺得有限度註冊完全係為佢哋度身訂造嘅執照嚟?如果有限度註冊之後可以經實習同臨床試而升做正式牌嘅咁我會相信係為咗解決醫生荒 但係而家有限度註冊冇得靠其他途徑變正式執照嘅情況嚟睇 似乎就唔係