[賀年回歸]有冇人想了解多啲日本懸案(轉貼/翻譯)

人生有返啲意義了

好似樓主講解過既案件幾包羅萬有，至少日本既係。

父母謀害女兒的可能性
除了上述描述過的瘀傷外，據報事主身上曾有疑似被香煙燙傷過嘅傷痕。因此日常對女兒施加暴行的很有可能就是她的父母，不過據鄰居目擊，事主與父親經常一起散步玩樂，甚至在父親的facebook照片上也張貼了與女兒嘅合影，實在很難想象關係有幾唔好。

但，關於母親的情報就非常少，鄰居都唔多清楚。某個網站嘅留言處中有自稱鄰居嘅人物表示事主母親患了病。當其他網民想問清楚啲時候，果個人都只係話「我唔可以透露得太多，總之佢呀媽身體唔舒服」
雖然網絡上大多鳩嗡勿認真，只不過事發4日後警方仍未調查到犯人嘅情況實在可疑，亦難怪他人會將矛頭指向事主家人。

有部份言論照上述證言來看，如果事主母親真的有病亦不能多談，很有可能是患上與人格有關嘅精神疾病，其中最有可能係患上「解離性人格障礙」，意思即指一種人無法忍受累積壓力的疾病，為咗擺脫呢種壓力而分離並發展出另一種人格。另一個人格唔知佢有個囡，行兇後再切換返做原本嘅母親，自然就唔知個囡發生左咩事，以為只係跌傷所以報警。警方亦調查過事主母親嘅不在場證據，至少冇辦法證明到佢當時係屋內對自己個囡行兇。

事件一年後—2020年7月30日

事件經一年後，事主奇跡地康復並且如常地返學等過返正常生活，然而犯人至今仍然冇頭緒。採訪團隊一年後返去現場再詢問有關當天發生嘅事，睇吓會唔會有咩新進展。

事主父親表示，當時女兒就係打側咁訓左係呢塊地板上面。係呢個位置上面有個直徑30cm嘅血跡。

夫婦最初並冇諗到事件嘅可能性，對於小朋友嘅傷痕都以為係跌傷造成，後來查問調查人員先知，犯人係用左一件至少3公斤嘅鈍器，對住只有七歲手無寸鐵嘅小朋友至少敲打左5、6下。

警方係一年後嘅今日公開左犯人所著嘅拖鞋種類


拖鞋嘅尺寸係22cm，而呢個家族全屋都冇人著呢個尺寸嘅鞋，而且實際上亦都係現場發現除家人以外嘅拖鞋鞋印。鞋印係由玄關大門一直延伸到屋企，甚至上埋樓入埋房。

2019年11月，事主奇跡地好返之後返到屋企，涉事嘅呢間房亦都冇再用過，本來打算事主醒返之後可以提供對調查有幫助既資訊，但無論再問佢幾多次，佢都係話「唔知」。

事主母親對於一年來網上嘅指控感到既無力又悲憤，因為所謂嘅虐待痕跡係犯人造成，而火傷更是捏造既情報。

事主父親最後希望若犯人仍留有半點人性，應該好好反省並自首，如果事件一直都冇辦法解決，女兒都無法安心長大成人。


＝＝＝＝完＝＝＝＝

樓主終於更新

樓主返黎喇

佢地將間房封存前無出蠱惑嘅話
睇嚟佢地真係唔係兇手

跟住呢單可能會比較長同埋少許複雜大家唔洗mon咁密住

山梨縣7歲女童失蹤事件

在颱風15號吹襲千葉縣嘅兩星期期間，來自千葉縣成田市嘅小倉美咲(7)係2019年9月21日同媽媽姐姐一齊去咗位於山梨縣道志村嘅「樁莊渡假營(椿荘オートキャンプ場)」玩之後下落不明。

事發後，警方、消防、陸上自衛隊及志願者共1700人進行地氈式搜索依然無果，並且係搜索期間，至少三名志願者因此受傷，其中包括跌傷及被熊襲擊等情況。

係呢次事件中，相比起事主美咲，佢嘅母親小倉智子更令人注目。在搜索期間，母親不斷更新IG，其內容以及緊張感與日本人認知嘅擔心仔女嘅母親形象不符，而且後尾仲刪左部份post同留言。

有關事發場地

(場地地圖)
樁莊渡假營基本上就係一個被群山同森林所包圍嘅營地，官網宣傳：「道志村豐富嘅自然環境可以令訪客感受既溫暖又柔和嘅輕鬆情懷，係呢度你可以擁抱青綠之山，清澈見底嘅流水及滿天星空。係營地內仲有一條流經全部地方嘅樁沢(小山澗)」
呢個營地主要有四個森林區，中央森林、西之森、南之森同北之森，可以俾訪客泊露宿車入黎，其中西之森係人氣最高嘅露宿點，各大雜誌都有報導呢個係睇景勝地，亦係樁沢嘅上游部份，係呢度玩水係最舒適。

(西之森)
另外呢個營場夾埋係有兩條瀑布，亦係著名景點之一。

事發當日經過
同年10月1日，事主母親向大眾公佈事件經過。


9月21日 下午1時
媽媽，姐姐同事主一齊跟大隊食lunch，呢日嘅午餐係天婦羅蕎麥麵，然後同團嘅小朋友係搭帳蓬附近嘅南之森玩左陣

同日 下午3時25分
先食完甜品嘅9個小朋友去左比南之森更遠嘅西之森玩水

同日下午3時40分
事主之後都追上去一齊玩


同日 下午3時50分
大人都過黎接返啲小朋友

同日下午4時
大人們發現事主唔係果班小朋友當中，於是開始搜索周邊同埋登山
(P.S. 露營第一日，小倉一家在正午後到達營地，父親因工作關係而翌日先黎到營地，因此第一日露營時只有母親、姐姐和事主)

同日下午5時
大人們搜索無果，只好報警處理

同日晚上8時
警方、消防等當日搜索完結

9月22日 上午1時30分
工作結束後事主父親到達營地，到達後再與母親及友人們進行搜索

9月22日 深夜3時
搜索結束


距離最後目擊事主身影只有20分鐘，咁佢到底去左邊呢?

其他線索:
山梨縣縣警係10月1日朝早係美咲失蹤附近嘅營地旁邊嘅神奈川道志大壩進行湖底探索，呢個大壩距離營地大約有13公里，搜索人員潛到底都發現唔到任何有力嘅線索，搜索唯有終止。


其次營地周邊地區都有「注意熊出沒」嘅防災警報及告示牌，不少參加搜索嘅志願者都曾經遇到過甚至被熊襲擊。

關於事主母親
本次事件中，美咲媽媽智子最為網友所注目。其最大理由係佢係搜索隊出動救援期間不斷更新IG，甚至影低左搜索隊嘅相之後Tag左自家經營嘅寵物美容店IG，被網民轟炸「而家係玩IG嘅時間嗎?」、「你唔洗去搵下個囡嘅咩?」、「如果係我個囡唔見左我一定會痴左線咁周圍去搵佢」類似嘅說話後智子將一部份IG動態刪除左，其中包括請求救援嘅post，但都一樣係tag左自家經營嘅寵物美容店同埋喜愛動物嘅tag，具體tags包括：
#玩具貴婦 #狗狗是天使 #貓貓是天使 #貓美容 #狗美容 #喜歡貓 #喜歡狗 #微泡泡 #草藥套裝 #美容套裝 #寵物酒店 #寵物沙龍 #成田市 等。

其中最為人詬病嘅一篇IG如下:

「收到大量關心嘅留言、電郵及PM真係好多謝大家，
而家我無法查看BLOG、LINE、TWITTER嘅狀態所以冇辦法回應大家。
大家嘅心情，美咲同我都充分接收到。
唔洗擔心我，與飢寒交逼、黑暗中感到不安痛苦嘅美咲相比我完全係小兒科，真係希望早一秒都好可以快啲搵返佢。
美咲好鍾意動物，見到咁多人同動物為左美咲嘅事而奮鬥，一時唔小心就影低左落黎，希望大家都一齊為美咲嘅事而祈禱吧。
#寵物美容Buddy(店名)」

呢隻白馬係志願搜索隊人士帶黎，呢位志願者一直都係進行艱苦搜尋活動嘅人。無論係邊個傳媒嘅鏡頭都會影低佢勤勞嘅身影，相反呢個事主嘅呀媽俾人嘅感覺就好似唔緊唔緊咁。



而且明明話左冇辦法睇到其他社交媒體，但係又得閒post呢張相同status上網到底又係咩一回事?

Cls老母

個老母應該係有古惑啦 完全唔係正常反應

連我都唔知雖然好多原文講左我都補多幾句

時間線如上，06年4月初失蹤、幾日後報警搵，係呢段期間一直有由事主手機send返屋企嘅短信表示：「我沒事/很健康。」然後13年後嘅2019年搵到佢遺體。

事主失蹤時同13年後發現遺體嘅距離

推一推
支持樓主

再度留名支持！

呢單我仍然兇手係美軍後代，而且始終係板仔
利申 非歧視板仔

主因係佢腰包既沙成份係黎自三浦半島海岸，即橫須賀一帶，橫須賀眾所周知係好多駐日美軍長住，好多遊客甚至去睇美軍軍鑑，好多美式文化，包括踩板，腰包既沙亦都同南加州愛德華空軍基地既沙極接近，而兇手血統上又有少少mix外國

仲有三浦半島海風公園係滑板勝地，又仲有腰包既香水牌子係當時街頭style啲後生男仔至愛用，仲有兇手衣着本來就係街頭look，bucket hat, dad shoes同baseball tee，雖然唔係決定性證據，但最少代表佢唔係IT毒撚，中年阿叔等等

而宮澤一家當時係最受班板仔影響，因為間屋最近，事發前都有人見過宮澤同板仔有爭執

平時喺youtube聽開呢類嘢
估唔到連登都有

你有興趣睇返我以前果啲好過新嘅更得慢

你啲po都好耐歴史

加油g持 追左好耐