[賀年回歸]有冇人想了解多啲日本懸案(轉貼/翻譯)

留名

呢輪又開始鬆動啲 話說大家會唔會有興趣睇下世田谷單野一啲新證據同推論？啱啱睇到有啲updates
但以前都講過野火巴寫過，我又唔多想花太多時間講返成單野個過程（google下都大把）所以睇你地想點

Btw為大局著想請善用不推文回覆

同埋照返慣例，大家有啲咩case想知多啲可以留返個case名我去搵黎譯，有排都搵唔到有咩case係未寫過所以荒廢左段時間

有興趣 終於等到

多謝G持等我搵下佢果陣update到邊再由果忽開始更新情報

世田谷一家案件最新考究 ver.2019

係睇呢篇之前,強烈建議花少少時間先重溫野火巴所整合既完整版案件內容(或者上維基睇)https://lihkg.com/thread/274539/
https://zh.wikipedia.org/wiki/世田谷一家殺害事件
因為以下關於案件過程或證物如果同野火巴內容有不必要重覆既話會快速略過

事件概要(維基):
世田谷一家殺害事件是一宗於2000年12月30日，發生在日本東京都世田谷區上祖師谷三丁目23番26號的謀殺案，當時居住於上址一所住宅的宮澤家一家四口慘遭滅門。日本警視廳把此案命名為「上祖師谷三丁目一家4人強盗殺人事件」。該案發生後，兇手曾於案發現場逗留一段長時間（一說是離去後重返），並遺留下大量物證與線索，但日本警方仍未能將本案疑犯緝拿歸案。
本案與歌舞伎町大樓火災事故同為日本平成年代最受矚目的未解決事件之一，也是日本史上懸賞金額最高的案件（2000萬日元）。

疑點懶人包(事件複雜所有懶人包都好長...):

-疑犯所遺下既運動鞋全東京只有10對(當時)，其中一對搵到買家
-犯罪時間長，殺左人全家之後亦有長時間逗留係現場既痕跡(由30號夜晚11點半去到31號朝早10點半)
-遺體上被嚴重遺壞
-犯人係現場一地血加上自己殺完人全身黏滿血既狀態下食雪糕
-犯行順序:丈夫->太太->兩名孩子
-有預謀式犯案，凶器刃物及裝住凶器既腰袋都留左係現場
-被害人屋企現金全部被兇手拿走，但信用卡同存摺都係現場
-被害人工作上用到既文件散亂
-兇手係現場上過網(搜索記錄包括科學技術廳相關及日本四季劇團既相關內容)
-犯人長時間逗留之動機推論(舊資料)
　1.沒有逃走的方法 2.在現場等待某人的指揮，所以不能走 3.訓左
-犯人是外國人理論(野火巴舊資料) 運動鞋尺寸偏大，當時只有韓國或英國能入手
-犯行日期挑在12月30日既理由
-現場留下了一顆特殊的礦石(唔知係被害人家族本身有既野定犯人),可釋出放射能，日本國內無法生產
-當時雪櫃裡有啤酒，麥茶同埋10罐百事，但犯人選擇左飲麥茶
-犯人進入現場既入口疑惑
-犯人曾嘗試破解被害人既信用卡密碼
-基於犯人可能係韓國人，但韓國警方一直唔配合調查
-事發100日後在現場附近出現既謎之地藏菩薩雕像，雕像底下有似「六」字既圖案
-遺體被發現時全都看不到臉，被各種物品所遮住
-樓梯上留下左犯人打橫行既痕跡　(原文叫蟹步)
-事件發生前太太曾接聽到奇怪既電話　(內容詳見野火巴整合)

事件遺留物共12件
1)指紋 2)血液(DNA) 3)毛髮
4)腳印 5)衣物 6)凶器 7)無印既黑色手帕x2 8)止血膠布 9)腰袋(裡面檢測到有粉狀物質) 10)殘虐既殺人方式
11)被盜既現金 12)奇怪既行動

樓主終於上水update了

見到有update好感動
而家睇返我寧願好似日本廢警咁捉唔到人都好過香港黑警亂捉人求其解決

終於返黎喇

近年較新情報

有關入侵路線
基本上無論維基定野火巴既整合都係呢點最令人疑惑，日警一早推斷好犯人係經公園爬過被害人屋企圍欄後由二樓浴室進入同埋離開現場，但係逃走路線同手段一直都係模糊。

日本警方近年再度發表關於事件既3D映像，不過映像裡有部份現實裡存在既野冇影到入去(理由不明)。其中有一條「小道」被忽略，但呢條小路應係犯人侵入或逃走現場既最佳後補路線，因為佢面向住被害人住宅浴室既窗口。

以下係小道入口，目前被路障所封鎖。

仔細一睇路障上寫左「成城警察署」文字，亦即係話呢個路障係事發後警局設置既物品。

以下係小道出口，如照片所示，目前都係封鎖中既狀態。

但係咁樣就有一個非常不自然既問題出現。

假如話上述出入口都係事後被成城警察署所封鎖，咁無論入口定出口都應該係一致地擺放路障以防止閒人內進。
咁樣諗既話，會唔會出口呢部份係事發當時就已經封鎖左？如果係既話又係邊個做既？

其次點解咁多年黎警方都冇積極調查過呢段小路，從公園一側既道路上可以清晰睇到呢段小路，夜晚時公園側既路燈都可以照射到呢段小路。所以有人路過公園就一定會望到裡面有冇可疑既人或事物，正如目擊證言果班友所講既。但係，直到目前為止既證言當中都冇人提到過呢段路。

支持

支持

Push

離一離題，韓國單連環殺人案都終於破解左

我都有睇之前有位韓國懸案整合絲打都寫得好好

邊單？

華城
最近先睇左殺人回憶 高質

原來係呢單, 犯案可能係你身邊人原來真相係慣犯黎

signal 同 tunnel 都好好睇, 有d內容都有以呢單案嘅背景

追返舊post 大家都吹奏港警屌打日警
721後再無支歌仔唱

正到爆

pish

不推文留名

仲出嗎