[賀年回歸]有冇人想了解多啲日本懸案(轉貼/翻譯)

話左不日更新架嘛

有關證言
被害妻子在同日凌晨0時40分左右撥打110報警並不斷重覆「好痛，好痛」嘅內容，大約進行左一分鐘通話後斷線。

係二樓別室兩兄妹訓嘅碌架床枱上面有床嘅類型，疑犯當時叫醒左兩兄妹同埋叫上層嘅妹妹「落黎。」之後長男就被犯人係雙腿膝頭附近位置切左好幾下同埋用不知名噴劑令次女雙手受傷。

(樓豬估可能係咁上下款既床)

而受重傷既長男表示當晚睇唔清楚對方容貌，只知道佢係戴帽同埋戴住口罩，腰間附近有個黑色小腰袋，佢認為施襲者應該係只有一個人，之後屋內傳來警報器響聲，長男聽到對方講左句：「不妙了。」就逃離現場。

係浴室窗口附近發現到有人入侵痕跡，事發時窗口冇上鎖，縣警認為犯人由此窗入屋行兇後再由同一窗口逃離嘅機率非常高。此外有證言指，屋內當時有亮燈的情況，推斷係犯人開燈。

呢單長女好鬼

一樓入侵但直接上二樓殺老豆老母
仲要係斬咁多刀
（呢種情況一係個犯有精神病，一係就好憎受害人，個犯咁醒咁有目標唔似精神病）
無搜掠痕跡（作案目的並非為錢）

長女毫髮無損

賊作案時有亮燈
但警察到場時無亮燈？
（除咗長女每人都有死傷，最有可能熄燈係長女）

仲有咁熟格局
一係熟人做
一係有人提供路線圖
一係就踩過線

咁偏僻嘅地方
兩頭個可能性大d

始終長女無受傷係最可疑

食lunch拎黎餸飯先

等咗好耐了

防盜攝影機影低嘅疑犯

圖中人物特徵:
-白長袖衫長褲
-頂帽完全遮蓋眼睛
-帽子之上有類似毛巾之類嘅野卷住（可能就係黃色果部份掛，其實樓豬都睇唔明佢張相黃左一忽係打格仔定係咩黎）
日本網友評: 呢條友個樣好似EVA裡面嘅使徒

呢部防盜攝影機係設置係現場附近一帶馬路旁邊，據持有者所講呢條片係舊年11月深夜1-2時左右影低，當時有不少農具相繼被盜，連放係農地裡面嘅水管都俾人偷走咗，疑犯係踩單車進入村內而且已經有好幾星期係呢度附近兜黎兜去，現場有一部防盜攝影機同埋一部感應器，感應到有異常人物出現就會即刻響起警笛，當時被拍下嘅可疑人物亦都係聽到警笛響就走左。
此外，係防盜攝影機拍下此疑犯既時間，正係茨城縣另一市發生左「茨城縣八千代夫婦殺人事件」，該事件中被目擊嘅疑犯身穿全身白色，與本次事件中長男所目擊嘅全黑疑犯完全唔同。

據搜查人員表示，此人已經在本次事件發生前因強盜事件而被捕，因此不可能是小林宅殺人事件的兇手。

長女嘅嫌疑
作為唯一存活而且毫髮無傷嘅長女理所當然係全世界都懷疑嘅對象，長女就讀大學三年級，在當地高中畢業後升讀縣外大學，每天需要轉乘數次車及電車才可到達大學及回家，據街坊所講長女係個比較乖嘅女仔，最近識左男朋友，都有唔少街坊識佢男朋友。此外街坊表示被害人妻子身體唔多好，經常要出入醫院，但為左夠錢供個女讀大學而扣起左自己睇醫生嘅費用。

長女並非犯人嘅三個根據
1) 只有佢一個訓係一樓嘅房內，萬一唔好彩俾犯人捉到一定走唔甩亦都冇人幫到手
2) 在小林宅中確實發現有除了家庭成員以外嘅腳印
3) 受傷及被殺害的家人身上都有血跡，假如長女是犯人身上亦有被反濺的血痕，但經調查後什麼都沒有，也沒有她使用武器的痕跡

假如長女係犯人，殺左父母就冇人供佢讀書，亦都冇親戚可以依靠，而為左細佬妹分分鐘就要退學出黎返工養佢地，考慮到搶奪遺產嘅可能性，但鄰居們都表示聽過事主們話家計都係勉強夠食飯，儲蓄唔係好多，所以夫婦兩人都要好勤勞咁返工，放假都幾乎冇得抖，實在唔似係有咩遺產可以俾啲仔女用，總結黎講如果長女係犯人既話，殺害父母對佢基本上係百害而無一利。

事件中仍不可解之謎團及其他線索：
1) 事發現場一帶幾乎完全沒有光線照到，要入屋行兇非常困難
2) 小林家南側入口有養狗，只要有可疑人物接近就會吠叫，但當晚沒有人聽見狗吠聲
3) 只有2樓嘅人受襲，在1樓嘅長女毫髮無傷
4) 受害人妻子在打110時不斷呼喊「救救我」，而有五次叫喊著「好痛」，接線生當時詢問「你需要救護車嗎?」之後，一開始對方說：「不需要。」但之後又說：「果然還是需要。」呢則通話係來自發現遺體現場嘅2樓主人房內電話子機
5)事件後調查發現小林宅廚房內刀具全部齊全，犯人有可能是自備兇器而來
6)事發後同日下午係小林宅外發現一對拖鞋，拖鞋上有明顯血痕殘留

7)長男和次女都表示「犯人在襲擊我們之後不見了，也沒冇聽到爭執嘅聲」
8)認識事主妻子嘅鄰居話，今年佢係自宅附近一條小道入口處設置了路障，也講過類似「如果有奇怪既人入左黎就麻煩」嘅說話
9) 針對本次事發地點附近境町一帶其實治安一直都唔係幾好，據居民所言早係事發兩三年前都有過可疑嘅縱火事件及上述提到過既強盜事件


＝＝＝＝完＝＝＝＝

如果長女因為拍拖而同父母有爭執
動咗殺機叫個男朋友嚟殺老豆老母都有可能
間唔時都有呢d case

戀愛大過天

但如果係長女男友
冇理由長女冇話俾佢知附近有警笛

我估警笛係有人誤觸先嚇走咗個兇手

如果唔係兇手入屋前已經觸動咗警笛

無狗吠聲代表個兇手識避埋隻狗/ 隻狗唔吠佢

你啱，我諗漏咗狗狗

其實最多排除左係兇手既可能
長女依然可能係幫兇

不過我又諗到個point
既然長女殺咗父母基本上冇得益（起碼要湊細佬妹）
咁又唔殺埋細佬妹？
如果唔忍心，咁又直情唔需要令佢哋都受傷？

愛知縣小2女孩重体（じゅうたい）事件(或稱戶田心海殺人未遂事件)


2019年7月25日下午12時15分左右，愛知縣警接報「孩子從椅子上掉下來受傷了！」的求救電話後瞬速派出救護隊前往美浜町奥田石畑的一所住宅，發現側倒在二樓房間嘅戶田心海(7)，打出求救電話嘅係佢嘅媽媽(48)。現場椅子被打翻，室內並無被盜竊嘅跡象，玄關大門並無上鎖。
母親向縣警表示：「早上我出門買東西了，到正午才回來，期間把女兒獨留在家中。」

經初步調查，縣警在(26) 判斷為殺人未遂事件，其原因是心海有蛛網膜下腔出血情況＊，頭部骨折，有撲打及擦傷痕跡，很有可能是被某人暴行致傷。

重体（じゅうたい）：危殆、有生命危險的情況
維基：蛛網膜下腔出血（英文：Subarachnoid hemorrhage, SAH），是蛛網膜下腔（蛛網膜和腦軟膜之間的空間）中出血的現象。最常見的表現為突發劇烈頭痛、嘔吐、發燒、神智不清或癲癇。頸部僵硬和劇痛也極為常見。常見的病因是腦動脈畸形、動脈瘤、血液疾病等。它可以是自發生性的，通常來自破裂的腦動脈瘤，或可以由頭部損傷引起。

可能就係條仔殺得性起
長女想阻佢
先搵方法整響個警報？

樓主, 聰美果單判左了

https://www.youtube.com/watch?v=9H9wT-zoMuA&t=203s

睇到中段先醒起係邊單 張畫真係畫到勁似本人
真係難得有日警咁上心拎去上報先發現

我都係google 單野先見你3年前PO過

得閒捧場，盡量一日出一兩篇，長篇嘅都會一日一更新