[Kickstarter] 香港人設計既藍牙人體工學機械鍵盤

多謝你有興趣，我講下自己經驗先。
咁我係室內設計師，有做過中小型比例嘅住宅項目，負責出圖，跟地盤，跟家私，直到完成嘅經驗。
當然，Product上嘅大量生產係會有一定的難度。由設計、生產、組裝、包裝、到最後物流。只要其中一個步驟出錯，都可能搞到爛尾。
所以時間上我預鬆D，九個月出貨。
我又搵定幾間廠，問好時間價錢，等自己有多幾個後備方案。
最後，我承諾遇到問題嘅時候，會諗辦法解決。

黎梗星期六有試用會，當日仲有特別優惠。
歡迎你黎
TG： https://t.me/joinchat/IJZKVhSOD7A_Kz07UdqMXw

係造型上，ergodox 係平面既，designer keyboard係立體。
例如，直排係曲線，而且有不同的高低，為咗就返手掌。
而且體積細小，方便帶去走圍用。
係Layout上，用左5X4加4粒拇指既細佈局，不旦手細手既人岩用。
仲減少手掌移動，同埋手掌撐開去禁組合鍵所造成嘅痛楚。
主張細Layout＋2-3層Layer。
ergodox好多用家反映佈局太大，有時禁組合鍵會手痛。
功能上，Designer Keyboard係極少數設計有去配合其他Mouse既鍵盤。
配合Pro Stand、3D mouse & trackpad使用，雙手同時做野，每隻手又可以同步控制2個裝置。大大增加工作效率！

就係咁啦，歡迎你星期六有時間黎試用下。
亦歡迎你入谷，https://t.me/joinchat/IJZKVhSOD7A_Kz07UdqMXw

出了Live，大家可以上去重温。
多謝Dave上黎試用，同問左好多好問題。

Part 1: https://live.kickstarter.com/vexc-how-design/live/product-trial-meeting
Part 2 後半段有聲冇畫面，唔好意思: https://d3sjh9ibhi050s.cloudfront.net/45698472/2c38442d-755f-472a-9639-a60bcc4ace28/archive.mp4

簡單D講，就係一個賣2千銀識彎既藍芽Keyboard + 傻閪cherry 軸
仲有無補充?

直接d講，你睇唔到藍牙所引申價值，不論功能上及人體工學上+唔係好明你up乜
仲有冇問題？

講真價錢又唔算好貴
一個造工好嘅keyboard都已經要一千
本身人體工學嘢已經會貴一筆 加上仲要藍芽同設計

只係依個keyboard嘅受眾可能真係好細 只係得designer先啱用
好似追求手感嘅一眾電容軸用家唔係出唔起錢
不過都未必會畀依個project吸引到

見盡太多ks生產有問題 遲出貨 蝕運費等等
樓主好似唔少嘢都仲未firm實 希望你拆得掂啦
難得香港project有心搞 祝你成功

2千頭我唔係做designer既都可能會考慮，或者樓主考慮下點downcost出一隻平d既version等件product唔好咁niche, 成3千蚊真係好難叫普通人買，你要reach一個咁niche既target個ads cost係幾咁貴

人體工學一定受眾少。
因為冇手痛冇需要，又要付出時間心機去熟習就Layout仲有機會用唔慣，又可能太貴買唔到等等。
但我知道有一部分係需要，情況就好似左手專用既滑鼠咁。
我亦相信未來呢種設計會更加普及。

你知道嗎？10年前我係豐澤見到Dyson吸麈機賣梗兩萬。
當時一定冇乜人買。而家呢？ 相對多一D。
呢件事令我知道，革新既產品總需要出左第一代先。

係，而家Shipping係未Firm。
同埋睇你點定firm實左？
舉例說，外殼嘅生產，如果有3000人想要，就會開模大量生產。
如果只有100個人想要，咁就會用復模嘅方法。
如果只有極少人想要，而我又肯出貨，咁就會用3D print。
以上嘅方法，到同廠溝通過，預計左時間同價錢。

正如你所講受眾好少。
我預計唔到會有幾多人想要，所以用呢種彈性嘅生產方法。

冇諗過建基現有Version，出一個平價版。
咩功能都弱小小，就好似突登出一種次貨。

例如我出有線版，訂價即刻可以平好多。
根據墨菲定律，好可能大家最後買晒平價版。
違背我當初既原意。（追求攜帶性）

所以係選擇上，我簡化到只有Keyboard or Keyboard & Stand兩種。

以而家既反應，最適合用復模既方法。
用Prototype去印個模具出來，再小批量生產。
成本低，風險亦少。
放心，唔會用FDM 3D printer。

Polyjet我都可以接受既

我冇咩相關意見， 以下文章睇睇就好

你要念埋開發成本(kickstarter 要有足夠資金才能開始), 人氣(愈多人買愈高人氣， 知名度先提升， 雪球先滾得起)
你有清晰的目標對象， ok
但是唔一定要只賣一種產品比一個對象
你要過到資金個關先

相關知識

你 D 制全部對到齊齊整整, 你叫打開普通 keyboard 既人點打字? 為左用佢重新學過? 不了

另外重有樣野, 一睇就發覺唔就手, trackball 一個方便既用法係用拇指.
咁你放個位置, 要控個 mouse, 隻手要離開原本位置, 或者隻手要變成奇怪既扭曲去就佢. 禁 key 同移動 mouse 要換黎換去既情況, 會幾 fail

多謝你咁有心幫我諗。
首先做呢個Project資源主要用係設計上，一切以設計為主導。
人氣方面，主要有兩種方法。
根據有個台灣人既成功例子，一係用6個月時間開始累積。
當你見到佢有3000個Backes，背後其實有500萬點擊。（需要好多資源）
另一個方法，就係做假，揾自己人扮Backer，一買買10個，做到條數好靚。再訴諸群眾，令多D人買。
而我又唔想做假。
目標資金係而家急又重要既一關，我都努力梗。

冇錯，就係預你用2~3星期重新學過。
如果你有手痛問題，當你學完之後，你既人生將會改變。
卡啦卡啦咁擺位，其實來自打字機既機構結構。
反而直排先就返手指，所以呢個係人體工學既一部分。

另外重有樣野, 一睇就發覺唔就手, trackball 一個方便既用法係用拇指.
- 唔係好明，方便？你指將trackball代取原有Keyboard 4粒制？
咁你放個位置, 要控個 mouse, 隻手要離開原本位置, 或者隻手要變成奇怪既扭曲去就佢.
- 片入面控制trackball時，手掌手腕係呈一直線。隻手就算扭曲，都好難同時控制keyboard & trackball....
禁 key 同移動 mouse 要換黎換去既情況, 會幾 fail
- 呢個所有普通Keyboard & Mouse都面對既問題。
所以我建議加個Stand，配合Trackpad。

支持
期待你嘅prototype可以喺unbox therapy出現

雖然用唔着 但加油

好啊，我有問左自稱unbox therapy條友D野，佢答得好含糊。
亦send去左佢地官方Email確認。
唔知佢係咪揾笨

多謝searchingc 訪問左我，大家可以上去睇下！
https://searchingc.com/collections/designerkeyboard/