樓主加油,2016年同你差唔多情況,老豆都係食道癌第4期,擴散到其他內藏,嗰陣咩偏方都試過曬,老豆都好堅強,咩都肯試,但最後都係走左
記得嗰陣佢要打嗎啡又剩,後期佢個人開始神智不清,每次佢起身見到我都問佢喺邊,甚至試過唔認得我
但老實講,走或者對佢嚟講係一種解脫,你都要接受現實,佢有咩想要都要盡力幫佢,問佢有冇嘢交帶比你,陪佢多啲,呢啲已經係你做到嘅事
千祈唔好令後悔,我嗰陣因為冇盡做仔嘅責任陪佢多啲而後悔到依家,每日見到關於佢嘅嘢都會諗起佢,瞓之前都會諗起佢,然後個心好痛,每日都係咁
所以樓主真係要堅強同埋陪佢盡你最後嘅孝心