屋企人癌症第四期，醫生話可能呢幾日就會走

樓主加油！
我阿哥都血癌走左成十年,因為佢對老豆老母好差所以佢病個陣都成日頂佢嘴,到走左先黎後悔,最緊要係令佢冇遺憾走得安落d。
今日到我做手術切組織去化驗,我都好驚係cancer,我仲有好多野想做,特別係唔想老豆老母再白頭人送黑頭人...

呢個真，我成日覺得他朝一定可以再相見

好明白你感受
我爸爸都係9月中個陣走左
肝功能衰退真係好快就會走
呢幾日盡可能長期陪住佢 同佢傾計 就算佢無反應都會聽到你講野
諗返起個日佢彌留既情況
我媽同家姐同我24小時陪住佢咁濟
佢個陣已經無咩反應 但聽到我地講野 極其量可以up少少頭 差唔多8點個陣 我媽好似想佢訓覺話我地出一出去先 因為我媽唔想相信佢就黎要走
佢激動到舉起左隻手想我地唔好走
我地即刻喊哂話我地唔走
然後就一齊坐左係床邊講下我地一家既往事
講下講下 差唔多12點個陣佢就走了
爸爸 我好掛住你

過來人
好多巴絲都講過晒
想講樓主你先要自己堅強 再要令其他屋企人都冇憾
多d令屋企人睇開同有咩就講同做
再應承病者你會好好睇住屋企人 令佢要走都走得安慰

有d野 人大左 你先會明 係時間沖唔淡
最緊要及時 唔好令自己後悔

加油

老竇幾年前cancer過身，而家輪到老母有胃癌，目前等緊做化療
有咗第一次經驗而家識得點照顧佢，但係睇住佢日嘔夜嘔，冇營養吸收到落身體度，連行路都唔係好行到，都仲係好心痛，喺佢面前我扮到好正面好積極，但係其實我都好驚呢個post講嘅嘢會發生喺佢身上
呢個post幫到我好多，至少見到一班同我老母差唔多處境嘅人喺度奮鬥緊，會令我有返多啲意志力去陪我老母面對跟住落嚟嘅路

其實我都好辛苦好攰，生理上要照顧晒老母所有嘅生活需求，心理上要日日睇住佢咁辛苦又幫唔到手，又冇人可以同我分擔，仲要成日覺得自己做得唔夠好所以更加去迫自己，我都好驚有一日會迫到自己崩潰

如果你係照顧緊癌症病人嘅家人，我想講癌症係長期戰爭嚟，所以你一定要搵地方發洩你平時發洩唔到嘅壓力，多啲同朋友傾偈，多啲出街行吓散心，唔係嘅話一定會癲

我諗我老豆算係奇蹟既一個。
佢當年被確診淋巴cancer第四期。點樣發現過程唔喺度描述。

好記得當日醫生都同我講，佢餘下日子唔會耐。
佢入院無耐做完化療就要入ICU，我老豆仲以為要入去就代表好快會好返，仲話有個伙記都係入去無耐都好返。其實佢自己唔知
當日醫院一直無通知佢最新情況。到左探病時間，一班親友等住去探佢。我同家人係首批入去，一見到佢我當堂呆左。。。佢嗰刻係昏迷用緊呼吸機，身插住六條喉。醫生仲話打左兩次強心針，估計佢捱唔到好耐。。我有炮轟醫院話點解佢昏迷左，情況噤差點解一個電話通知都無？
轉黎一個回覆係太忙，唔記得通知。好可笑！
事後係發生好多野。。。

點解會話我老豆係奇蹟？件事發生喺十二年前，我老豆好感恩今日仲健在！個腫瘤無再大，反而細左少少，依家係叫做共存。

樓主，唔好灰心。加油！

我呀爸都係上個月因為癌症走左...
好明白你嘅感受 照顧者同病人都係好大壓力
除左你爸爸 你同你屋企人都辛苦啦... 但點都要撐落去
宜家呢個階段 只能夠多啲陪佢 果時我都成日唔出街去探佢 但宜家諗番 覺得啲時間點都唔夠 覺得點解自己果時唔留耐啲 佢走果日我中午探過佢一次 佢都有意識講到野 我地夜晚再去睇佢 佢就昏迷左 再過左幾個鐘就已經過左身 成件事好快好突然 佢過身後 我成日諗如果我果日下午留耐啲 我地就可以聽到佢講最後一番說話 宜家我諗番都好後悔一諗就覺得好心up 真係永遠唔知幾時最後 所以佢宜家仲係度 一定要陪多啲佢 至於搶救果度 之前舒緩科都問過我呀爸如果冇心跳冇呼吸 仲搶唔搶救 佢話唔搶救 好似係要簽紙的 雖然我地聽到佢呢個意願都好難過 但病人意願最緊要 就算佢想搶定唔搶 佢都希望你地支持佢

加油～

我老豆最近都係因為咁樣走左
我真心建議樓主請一個月無薪假好好地陪佢行埋最黎一程
我老豆又係冇插喉，因為我阿爺果時又係有第四期
而佢望住阿爺插住喉個人又痴痴呆呆咁
半死不活果種情況，令佢自己同醫生簽紙唔搶救，唔吊鹽水，唔插喉
果時我由佢仲食到流質食物到連水都飲唔到只係幾日既事
所以樓主真係好好陪下佢
因為我老豆最尾因為癌痛而一直插住止痛針
記得多D係佢耳邊講D感激佢地說話，等佢冇牽掛咁安心小小行
另外樓主千萬唔好比壓力自己
因為我都差D因為諗埋一邊而搞壞自己個身體
如果心理上有咩唔舒服記得搵人傾訴下

其實都係近依一星期既事

工可以再搵
可以相處既時間搵唔返

我媽都差唔多情況 又係本身龍精虎猛 老虎打死幾隻個種
係年頭走左
其實見到佢咁辛苦 真係寧願佢地早啲走
雖然係好唔捨得 但見住佢咁辛苦 個心仲痛
可能走 對佢地來講先係真正既解脫

真係好多同路人
共勉之

原來係送奶個位巴打
睇你打字我都係咁流眼淚
你要好好加油呀

一見到呢啲post
就諗起神愛世人

當日發生既事情件件都刻骨銘心
不過路都係要繼續行
呀媽呢排報左整麵包班 等佢日日都整下包無咁悶

相信你心中一定非常痛苦，才會如此寫下你的心聲！雖然，我並未完全了解你，但我明白置身痛苦中是怎樣一回事。有些人在困苦之中，會選擇放棄自己，不知道你是否也有這自殺的念頭？



無論你是否想過放棄自己，我也希望你不要將困擾藏在心裡。因為人就好像氣球一樣，若積存的鬱結和壓力太多，便會有爆發的一天。你不如停一停，到我們的網站www.help4suicide.com.hk。 那裡有一些勵志故事、有趣短片，也有與自殺有關的人與事，你可以隨心看看。您更可以進入網站內的『Chat窿』（星期一至五：上午六時至凌晨一時；星期六、日及公眾假期：下午８時至凌晨１時），即時與我們的義工在網上交談，或致電我們24小時電話熱線2389-2222，與我們的義工傾訴。



我們願意聆聽你的心聲，伴你一起走過這段艱難的時候！只因『晴天雨天要樂天，難關難過總會過』！



《自殺．自療．互助舍》

比佢走得有尊嚴一點

樓主你要支持住呀！
同爸爸講一聲你好愛佢 好好陪住佢
唔好比自己第時會後悔！

利申 過來人
以前爸爸入咗醫院後
同我地講過最大願望 就係希望可以係中秋節前番屋企
一家人開開心心 團團圓圓食個飯
可惜最後都捱唔到過中秋節
依家每次諗番起 都係心裹面最大既遺憾
所以樓主好好陪住爸爸過最後呢段日子
即使係一段好辛苦 好難過既時期
盡力滿足佢想做既事
比爸爸無牽無掛咁離開 可能對佢係最好嘅方法
加油！

入院差不6日，而家已經完全靠瑪啡去止痛先訓到，可能因為咁已經聽唔到人叫佢，好就好在我早幾晚同佢講晒想講既野...知道大家有幾愛大家...
而家發緊高燒，手腳都有d水腫，每次望一眼個心都痛一下，但幾辛苦都好都要同屋企人陪住佢

撐住，辛苦你了

唔好覆個低能仔啦，自以為好幽默

都經歷過.辛苦啲都陪住佢啦

最緊要屋企人係齊到
佢知道你地都好愛佢就好
佢可能聽到但俾唔到反應 都可以繼續同佢傾下計