第一次搞年宵有感

是咁的，今年第一次搞年宵
其實都係因為廢青返工搵唔到意義，想自己搵d野搞，發揮吓創意，做啲自己想做嘅事咁啫

由上年五月開始籌備，一路兼職搞年宵，自己團隊有人要返正職，有人要返學，但都一直堅持，自己一手一腳設計、搵廠生產、做marketing，搞到一月頭，產品終於由設計意念變成實物，亦得到一啲傳媒嘅青睞，嗰吓係有咁啲成就感（好似係）

但直到噚日，我哋團隊開始感到失望、沮喪...

年宵開咗兩日，買我哋啲貨嘅人真係寥寥無幾；相反，拎住侵權產品、淘寶貨周圍行嘅人就多到好似精蟲咁

冇錯，可能我哋嘅產品係比淘寶貨貴，但我哋真係好用心去做，亦好用心去sell

賣得貴啲唔係我哋想食水深，而係自家設計加小批量生產真係成本高好多，加上我哋用靚料，亦做好成個package ，令到我哋平唔過侵權佬同淘寶佬

問心，我哋設計一定全場獨家，亦極具本土特色，我咁講，呢個年宵以外真係唔會搵到

但頭兩日，我哋事實上真係賣唔出貨...亦有好多拎住侵權/淘寶貨嘅人對我哋投以不屑嘅目光... 的確，我哋好失落... 唉

在商言商，或者我哋今次真係太傻仔... 下次有機會再搞可能唔會自己設計了...

今次上嚟打咁多唔係要宣傳，亦唔係要大家可憐，只係想表達吓對香港呢個市場嘅失望... 同埋，港豬們，唔好成日問點解香港冇本土特色、冇創意，因為香港好多人其實唔識去欣賞

P.S. 衷心感謝呢兩日識欣賞我哋嘅香港人，雖然唔多，但為咗你哋，我哋會繼續努力

完！

支持 請問係咩product

圖都冇張
點評論

証明你marketing 做得差囉

對自己設計有信心係好事, 但係迎口唔到市場口味, 就唔好怪搵地唔識欣賞啦

証明你marketing 做得差囉

講左成篇野都未知賣乜撚

輸打贏要
衰左咪諗下點改善囉
做左咁多年人都知年宵要同淘寶老翻鬥喇
d淘寶老翻都成舊水件喇賣到
做product前咩都無考慮過就屌鳩個客 連個客想要咩都唔知
利申：鳩up 支持本土 唔行年宵

支持 請問係咩product

多謝先
只要巴打唔好買侵權貨同淘寶貨
同埋多d留意返本土設計產品就夠了
本土設計一家親
不用分那麼細

一樣野好唔好賣 同人地識唔識欣賞係兩回事
同埋好多野影響到
經濟 潮流 etc

賣咩呀，我過幫襯你啦

圖都冇張
點評論

廢事搞到好似想做宣傳咁
唔出圖啦
留意返多啲本土products就係最大嘅支持

今年買左樣本地產品

翻版好賣又真
上年搞年宵係廣州入埋d通街都係既公仔
年三十果夜提早收爐
反而隔離diy果d蝕到爬係度

証明你marketing 做得差囉

媒體好多曝光，只係叫好不叫座
行年宵嘅人好多都只係得個望字，最終買嘅都係老番/陳腔濫調嘅嘢

加油

環保袋定巴士牌呀

對自己設計有信心係好事, 但係迎口唔到市場口味, 就唔好怪搵地唔識欣賞啦

呢個絕對明白
的確香港市場並唔係我想像中咁...

圖都冇張
點評論

廢事搞到好似想做宣傳咁
唔出圖啦
留意返多啲本土products就係最大嘅支持

唔好講到人地唔識欣賞咁啦
講到自己懷才不遇咁


有成績係要靠實力既
你做唔到你想要既結果係你實力未夠

你賣幾貴先
比得起錢買既都唔會行年宵啦
有錢既唔行
冇錢既唔買
你幾舊水咁賣
賣身都冇人幫襯啦屌

証明你marketing 做得差囉

講左成篇野都未知賣乜撚

唔想搞到為宣傳
我其實只係想講吓感受

有冇諗過係咪自視過高
一味話人唔支持 唔夠人平
事實係你件貨 可能真係唔岩買家口味
買家唔會因為你本土 就出錢買件唔想要既野

樓主諗下本身香港人為乜行年宵，特登行下圈去買你件on9創意貨？

有冇諗過係咪自視過高
一味話人唔支持 唔夠人平
事實係你件貨 可能真係唔岩買家口味
買家唔會因為你本土 就出錢買件唔想要既野

中肯