近看這位女生,真不知道眼鏡、笑容和美貌背後掩藏著多少深沉的過去,還有多苦痛的無奈。
看著歐子瑜,總會不其然想起基神。
有時候,真想不到她是改變基神人生觀的人。
「我.....喺度Free hug啫,你呢?咁夜嘅?」
迴避問題的最佳方法,就是扯開話題和反問。
她支支吾吾了一會,接著苦笑說道,
「夜晚喺條街遊蕩嘅人一係寂寞一係有心事架啦。」
沒錯,看來今晚有兩位寂寞人在夜裡遇見。
「咁你係邊種呀?」
「why not both!師傅,你Free hug包唔包埋Free Chat?」
大概,她有些心事想對一位陌生人傾訴,可是她偏偏猜不到這位陌生人其實算不上陌生。
「Sure!」
「問你一條問題呀,如果畀個機會你重生開始你嘅人生,你會遠走高飛定追求自己嘅夢想?」
「我?會遠走高飛,緊係去一個無人認識自己嘅地方啦。」
「咁係咪一種逃避嘅心態?」
「逃避雖可恥但有用呀!小姐。」
怎料,她一臉認真的答道,
「只要有一次諗過逃避,你永遠都會選擇逃避。」
這個人真不愧是基神另類的師傅,一句說話總能惹起我的討厭。