在線上
翌日,朱古力女孩整天沒有找我,而我趁著午飯的少許空閒時間跑去她的店舖,結果發現店舖關上了門,她並沒有上班。
直到傍晚時份,她終於傳了一則whatsapp給我,同時看著她的連絡人名稱,我的腦海不其然想起了「細佬Feel」這個名詞,於是不停對自己說別再想太多,人家的溫柔和慰問只是母性使然和姐姐上身。
「我訓到而家先起身呀!琴晚真係唔好意思呀!原來Amanda都喺度。」
「你仲有無事呀?」
「起身個人仲好累,跟住畀Daddy話咗兩句。」
「佢都係關心你。」
「佢話過兩日想同我去日本散心過埋聖誕,等我唔好諗咁多。」
「咁你唔開舖啦?」
「我Daddy話叫咗表姨幫手睇舖,再唔係今個月嘅租佢幫我交。」
「霸氣的父親。」
「琴晚真係對唔住!我都唔知自己飲醉咗之後做咗啲咩講咗啲咩,總之記憶好模糊。」
有人說過,酒醉三分醒,但斷片的話可以全無記憶,到了清醒後那些記憶只會零散的浮現,而且還會疑幻疑真。
至少我見過基神斷片後曾經緊緊擁著一位「背多fun」的女孩,即是背面和模糊地看的話加上身材絕對是頂級尤物,然後不停喚著一個從未聽過的名字-子瑜。
雖然我不知道誰是子瑜,但要是讓子瑜知道基神把「背多fun」當作自己的話,肯定暴跳如雷。
當然,這件事我沒有跟他提過,而且他絕對不會相信。