有冇巴絲醫好咗「扯鼻鼾」？

唔開口訓覺呼吸唔到

磨牙有冇得搞

好有用，多謝仙豆巴

好啦

其實冇人想

其實佢做咁多都算盡晒力，冇得怪佢，分房訓都係解決方法

所以入黎請教吓有冇巴絲成功醫好

其實用耳塞訓好唔舒服，自己問題想從根源解決

我完全了解你心情

所以我都無怪佢
做得佢都做左
好彩我都算爛訓
最多嘈醒時
夾住佢個鼻
或者滋下佢
佢一轉身就會靜一陣
要襯個段時間即刻訓

想知咩成因會有鼻鼾應該睇咩科既醫生先得?
聽講做割扁桃腺既手術都會無鼻鼾 因為扁桃腺過大會阻到呼吸

完全冇認識，呢啲機自己坊間買會唔會唔啱自己身體，要唔要經醫生推薦用邊款？

不如講吓做手術幾多錢，政府排期得唔得，風險高唔高，用呼吸機都唔係一勞永逸，最好梗係從根本上解決啦

講堅架
巴打好波

朋友減左唔得

其實係咪要排專科先有得做

一樣 鼻敏感底 好易塞 側訓會易啲有
睇你係鼻發出聲定喉嚨
都係食氣管藥
真係困擾就睇醫生

利 超瘦底 underweight 個d

非專業人士，做過相關行業9up下

好多巴絲發現自己/身邊既人有鼻鼾，擔心係唔係有睡眠窒息症呢
扯鼻鼾係睡眠窒息症其中一個常見病徵，亦係呼吸道有阻塞跡象，但僅僅有鼻鼾唔可以斷定有睡眠窒息症
首先要了解下點解人會有鼻鼾，簡單而言，訓教時上呼吸道塞左，肺部用力將空氣扯入去時令呼吸道組織震動，咁就會有鼻鼾
可能有啲1999，睇下呢條片應該會明
https://www.youtube.com/watch?v=inmop4Kv8PI

咁點解上呼吸道會有阻塞呢？又淨係訓教時有呢？
人係訓教時肌肉會比清醒時放鬆，呼吸道附近既組織都唔例外
係訓底既情況下，軟組織放鬆後會壓住上呼吸道
所以就會出現阻塞

阻塞原因可以分先天後天，舉幾個例子
先天：下巴短、鼻中隔偏差、仲有上面巴打提過既扁桃腺肥大等等
後天：身型較肥胖、飲酒、疲倦

講返大家擔心既睡眠窒息症
重點值得再提一次，有鼻鼾唔代表一定有睡眠窒息症

有鼻鼾代表上呼吸道有阻塞，如果阻塞程度去到肺部唔夠力推開呼吸道，就會出現窒息
窒息時個腦會sense到唔夠氧氣/肺部氣壓異常，所以個人就會醒一醒，呼吸道附近肌肉會收縮返，同樣情況可以一晚loop過百次

咁點樣先知自己有睡眠窒息症？如果你有以下徵狀，就好大機會中
-扯鼻鼾，甚至有時會停止呼吸十幾秒至一分鐘 (徵狀係本身有鼻鼾聲，突然靜一輪，再出現鼻鼾聲)
-睡眠時間足夠但訓醒仲係好累，hub眼訓
-注意力不足，反應遲鈍
-多夜尿

有睡眠窒息症唔止會影響枕邊人，睡眠窒息症長期令訓教時身體唔夠氧氣，唔單止訓得唔好，對心臟負荷都會好大
如果懷疑自己有睡眠窒息症，建議盡快睇專科醫生睇下到底咩原因造成睡眠窒息症
呼吸科或者耳鼻喉科醫生都會睇睡眠窒息症，一般會安排一個sleep test去睇下係咪真係有，同埋情況有幾嚴重

最後可以點樣解決呢？
首先要睇下點解上呼吸道會有阻塞，
先天因素絕大部份要治本就要做手術，
後天因素多數要靠改善生活習慣，做多啲運動同減肥，呼吸道附近肌肉結實啲都會有幫助，所以上面巴打提過既舌頭操都有用

做手術要時間復原，做運動又無咩時間，所以會有好多治標既方法
咁鼻貼、牙膠、呼吸機之類有無用呢？
個人認為只有牙膠同呼吸機有用
先講牙膠，
牙膠係一個度身訂造牙套比病人訓教時咬住，佢可以將下顎向前推幾mm，從而令呼吸道闊返少少，缺點係只適用於情況輕微病人
呼吸機全名係正氣壓呼吸機，
聽落有啲恐怖，但佢其實唔係幫病人呼吸，只係不斷將空氣吹入呼吸道去推開附近既組織，好處係一定有效，壞處係要時間適應同價錢唔平

希望幫到巴絲們，都係果句如果有懷疑建議去睇醫生，做個sleep test清楚好多，祝各位身體健康

(題外話，以上講既睡眠窒息症都係「阻塞性睡眠窒息症」，簡稱OSA
有另一種睡眠窒息症叫「中樞性睡眠窒息症」，簡稱CSA，基本上無鼻鼾無阻塞，係個腦唔識比signal個肺去呼吸，如果有上面講睡眠窒息症徵狀，但又無鼻鼾，就有可能係CSA)

會唔會真係塞息架