「神神秘秘咁，想講咩啊你？」
他轉過身來，面向我，微微上揚的嘴角，清澈的眼眸裡有着我。
「莊芯言，生日快樂。」
我有一點驚訝，其實早就忘了他欠我一句生日快樂，還以為要說些甚麼呢。想着想着，我不禁大笑起來。
「笑咩啊你，莫名其妙...」
「哈哈，你先莫名其妙！」
「咩啊，你今日生日嘛，咪講生日快樂。」
「咁做咩琴晚唔喺sms講？今日見面又唔講？」
「我唔sure可唔可以做到第一個同你講生日快樂嘛，咪做最後一個。」
「就係因為咁，你今日死都唔肯講？」
「係嘅...」
我笑得更開懷，他有點生氣，摸摸我的頭，冷不防捏了我的臉頰一下。
「喂啊，痛啊...」
「笑得咁大聲吖嗱？」
「咁你係好笑嘛，好似小朋友咁要爭第一，吖唔係，爭最尾先啱，哈哈！」
「係啊係啊，對住你比你感染咗啊，小朋友。」
「你唔比仲有人遲過你㗎？」
他拿出電話，螢幕的光照亮了我們的小空間，他把鎖屏遞給我看，時間顯示着23:53。
「呢7分鐘入面我瘋狂同你講生日快樂好未？」
「痴線，傻佬嚟㗎你！」
寧靜的夜裡，風浪聲都蓋不過我們的笑聲。
「話時話，你電話個解鎖圖案係咩？」我搶去他的電話，胡亂試了兩次，當然是錯誤的。
「講咗比你知就唔係密碼啦。」
「喂啊，你畫一次啦。」
「唔制。」
「咁我畫到佢鎖機為止，哈哈。」
連續錯了五次，要等待半分鐘才能再次解鎖。他無可奈何，只好先解鎖一次正確的。
「我畫一次㗎咋，睇唔切就算。」
9-8-7-4-5-6-3-2-1
「車，咁簡單原來，我撞多幾次應該中。」
「馬後炮啦你。」
「咁係吖嘛，哈哈。」
「好喇，夜喇，送你返去。」
「死喇，唔知呢個時間仲有冇車呢？」
「應該有嘅，放心啦，安全送到你返去。」
23:59。
「最後一句，生日快樂。」
「多謝你。」
我想挽着他的手臂，電話卻不識趣地響起來。我叫卓行拿出電話，並沒有任何來電。
「傻仔，係你電話響啊。」他白我一眼，我笑嘻嘻的看着他。
「哈哈，係喎，唔知邊個咁夜打嚟呢？」
「緊係你阿媽啦，快啲聽啦，同佢講返緊去唔好要佢擔心。」
「你都啱，收到！」
我沒有多看來電顯示便接下電話。
然後，沒有然後。
我坐在客廳的地板上，眼前有幾條充電線，還有我的iPhone電話。我反應不來，環顧四周，都是熟悉不過的家居擺設，電腦開啟了，停在選擇使用者的頁面。
這是我原來的家吧？
腦海中閃過今天的片段，那首歌，那夕陽，那星空，那美味的快餐，那一句生日快樂——
淚水溢出，不受控制地掉落在冰冷的地板上。
我怎麼就回來了？
好彩都唔係好夜
唔知佢地會點相認呢
講起呢幕我個心都痛咗一下
等左咁耐唔差在多幾日
