［新手/穿越］執房嗰時搵返部Sony Ericsson推蓋手機（2）
人生的旋轉木馬
992 回覆
93 Like
10 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁
輕輕一推
好sweet
但啲故通常越sweet 後面越...
但啲故通常越sweet 後面越...
隔咗排先再黎追故
好好睇
好好睇
大力一推
唔知㗎 結局係一個謎
好耐無見喇三家姐
呢排出得慢咗
呢排出得慢咗我都好驚愈後愈...
新讀者留名
好好睇啊
好好睇啊
一定要再見 
意味深長嘅一句話
意味深長嘅一句話
唔知呢 仲寫緊 點都會寫個最好嘅結局比所有人
多謝支持 鍾意睇就好
你估下點深長法
儲下文 一次過睇曬佢先
儲下啦
巴打睇到邊
巴打睇到邊肥仔好想再見到未來嘅芯言而唔係冇穿越到嗰個
啱啊 所以佢希望芯言唔好走
我會等你架
再甜啲
我預備好啦
我預備好啦
從沒風浪 從沒鋒芒 期望我能共你手牽手直到天荒
文呢
92.
晚飯後我攤在床上，母親亦沒有多說甚麼，畢竟是考試後的一刻放肆，電腦播放着周杰倫的《不能說的秘密》，熟悉的前奏響起，海浪聲和鋼琴聲交織出一段淒美的愛情故事。這樣想來，又是一個關於穿越的故事。回來後我才明白，捨棄原來的生活﹑時間和記憶有多沉重。湘倫放棄了現在，回到小雨還在的年代，一切重新開始。小雨回眸一笑，他眼框含着淚臉帶笑容，所謂值得，是再次看到那個讓你魂縈夢繫的人。*
周杰倫獨有的聲線和咬字，帶我進入了他的故事。
來自資逸：1個新訊息
得唔得閒？ 21:15
可唔可以落嚟啊？ 21:17
係啊 方唔方便落一落嚟haha 21:19
不知從何時開始，窗外下起微微細雨，想起他，竟然有點心痛。時間只是九點多，只好編個藉口出門，跟他見一面。
「媽咪，我同學嚟搵我食糖水，落一落街。」
「咁突然嘅，唔好咁夜喎。」
「得喇，食完就返。」
我穿了一件厚外套，穿上拖鞋便馬上下樓。這時我才覺得奇怪，為甚麼他會直接來找我，他知道我住哪裡嗎？
踏出升降機，我就看到他的身影，站在大門外的簷蓬下。
「你，點解嚟搵我嘅？」
他看着我，明亮的雙眼似是要把我攝進他的身體裡。我感覺到他有很多想要說的話，卻又不知從何說起。
「有嘢想講？」
很多事他可以跟你侃侃而談，唯獨喜歡把心事藏在我觸碰不到的深處，他讓我猜，而我永遠猜不中，然後在吵鬧中結束對話。
「你記唔記得，每次送你返屋企，我哋都好鍾意企喺呢到傾計，成日都唔捨得走。」
「我...唔係好明你講咩。」
「點解你要返嚟，就係點都唔比個機會我？」
「你...唔通！」
「我成日都會翻睇我哋send過嘅訊息，有一晚，我用一個無訊號嘅舊手機，照樣send訊息比你，然後，我竟然返咗嚟中二嗰年。」
「所以，所以當年你喺Facebook搵我嘅開場白都改變咗...」
「我覺得係我唔想失去你嘅執念令我返到嚟，為咗重新同你一齊。」
「其實...」
「其實，我真係好努力。同你相遇嘅每一個瞬間我都好珍惜，我以為我哋嘅將來可以續寫。分咗手之後我真係明白咗好多嘢，我無用你需要嘅愛去愛你，我無聽到你每次鬧交後心累心碎嘅聲音，我仲未嚟得切改變，差少少，我哋嘅故事會改寫。」
「其實，我哋互不相欠。」
他沉默不語。
「喺感情入面，我哋無負對方。只不過係我哋無用最好嘅自己去遇見對方，點解仲要執着過去？」
「我哋都快樂過，中學呢段時間，曾經係我哋最幸福嘅日子。其實無嘢需要改變。」
「每段感情都有佢存在嘅原因，我哋一齊過，愛過痛過，總有啲嘢帶得走。點解一定要修成正果先係意義，唔通三年感情都係白走？唔會㗎，你明明知道，咁係最完滿嘅結局。」
「所以，你已經唔想再試一次喇，係咪？」
「我哋唔係需要再試，只可以重新遇見，你明唔明？」
「嗯，就好似依家咁。」
回到過去再遇見，其實我們都明白，答案早已寫好，只是我們不忍揭曉。
穿越不是我們能控制的因素，我們天真的以為上天想我們改變，卻偏偏留住了回憶，原來不是每一個故事都能改寫，或者應該說，我們的故事不需重寫。
「至少，我哋都無忘記原來嘅過去。」
「我諗我返嚟，只係一個意外，但我慶幸有呢個意外。」
我一臉疑惑，他輕輕一笑，看着雨點灑落。
「我賺咗一齣戲。」
「你...係咪早過我嚟到呢一年？」
「早你一個秋天嘅時間。」
雨水沒有停下來的打算，或許我們都需要一場雨。他別過頭，我沒能看清他的臉容。
「一個只係屬於我嘅秋天。」
一個苦笑，一行淚水，秋天早已遠去，寒風在訴說冬天的故事。
*電影《不能說的秘密》
晚飯後我攤在床上，母親亦沒有多說甚麼，畢竟是考試後的一刻放肆，電腦播放着周杰倫的《不能說的秘密》，熟悉的前奏響起，海浪聲和鋼琴聲交織出一段淒美的愛情故事。這樣想來，又是一個關於穿越的故事。回來後我才明白，捨棄原來的生活﹑時間和記憶有多沉重。湘倫放棄了現在，回到小雨還在的年代，一切重新開始。小雨回眸一笑，他眼框含着淚臉帶笑容，所謂值得，是再次看到那個讓你魂縈夢繫的人。*
周杰倫獨有的聲線和咬字，帶我進入了他的故事。
來自資逸：1個新訊息
我忍住的情緒在很後面
得唔得閒？ 21:15
ok啊依家 做咩haha 21:16
拼命想挽回的從前
可唔可以落嚟啊？ 21:17
你講我屋企樓下
？ 21:19
係啊 方唔方便落一落嚟haha 21:19
不知從何時開始，窗外下起微微細雨，想起他，竟然有點心痛。時間只是九點多，只好編個藉口出門，跟他見一面。
「媽咪，我同學嚟搵我食糖水，落一落街。」
「咁突然嘅，唔好咁夜喎。」
「得喇，食完就返。」
我穿了一件厚外套，穿上拖鞋便馬上下樓。這時我才覺得奇怪，為甚麼他會直接來找我，他知道我住哪裡嗎？
是曾與你躲過雨的屋簷
踏出升降機，我就看到他的身影，站在大門外的簷蓬下。
「你，點解嚟搵我嘅？」
他看着我，明亮的雙眼似是要把我攝進他的身體裡。我感覺到他有很多想要說的話，卻又不知從何說起。
「有嘢想講？」
很多事他可以跟你侃侃而談，唯獨喜歡把心事藏在我觸碰不到的深處，他讓我猜，而我永遠猜不中，然後在吵鬧中結束對話。
「你記唔記得，每次送你返屋企，我哋都好鍾意企喺呢到傾計，成日都唔捨得走。」
「我...唔係好明你講咩。」
「點解你要返嚟，就係點都唔比個機會我？」
「你...唔通！」
回憶的畫面 在盪着鞦韆
「我成日都會翻睇我哋send過嘅訊息，有一晚，我用一個無訊號嘅舊手機，照樣send訊息比你，然後，我竟然返咗嚟中二嗰年。」
「所以，所以當年你喺Facebook搵我嘅開場白都改變咗...」
「我覺得係我唔想失去你嘅執念令我返到嚟，為咗重新同你一齊。」
「其實...」
「其實，我真係好努力。同你相遇嘅每一個瞬間我都好珍惜，我以為我哋嘅將來可以續寫。分咗手之後我真係明白咗好多嘢，我無用你需要嘅愛去愛你，我無聽到你每次鬧交後心累心碎嘅聲音，我仲未嚟得切改變，差少少，我哋嘅故事會改寫。」
「其實，我哋互不相欠。」
你說把愛漸漸放下會走更遠
他沉默不語。
「喺感情入面，我哋無負對方。只不過係我哋無用最好嘅自己去遇見對方，點解仲要執着過去？」
又何必去改變已錯過的時間
「我哋都快樂過，中學呢段時間，曾經係我哋最幸福嘅日子。其實無嘢需要改變。」
或許命運的籤只讓我們遇見
「每段感情都有佢存在嘅原因，我哋一齊過，愛過痛過，總有啲嘢帶得走。點解一定要修成正果先係意義，唔通三年感情都係白走？唔會㗎，你明明知道，咁係最完滿嘅結局。」
「所以，你已經唔想再試一次喇，係咪？」
「我哋唔係需要再試，只可以重新遇見，你明唔明？」
「嗯，就好似依家咁。」
回到過去再遇見，其實我們都明白，答案早已寫好，只是我們不忍揭曉。
穿越不是我們能控制的因素，我們天真的以為上天想我們改變，卻偏偏留住了回憶，原來不是每一個故事都能改寫，或者應該說，我們的故事不需重寫。
只讓我們相戀 這一季的秋天
「至少，我哋都無忘記原來嘅過去。」
「我諗我返嚟，只係一個意外，但我慶幸有呢個意外。」
我一臉疑惑，他輕輕一笑，看着雨點灑落。
「我賺咗一齣戲。」
「你...係咪早過我嚟到呢一年？」
「早你一個秋天嘅時間。」
雨水沒有停下來的打算，或許我們都需要一場雨。他別過頭，我沒能看清他的臉容。
「一個只係屬於我嘅秋天。」
一個苦笑，一行淚水，秋天早已遠去，寒風在訴說冬天的故事。
*電影《不能說的秘密》
係卓行嘅願望