《我還是救護員的日子》(2) [假人真事+你問我答]
三十男
1001 回覆
210 Like
4 Dislike
係咪轉私家醫院咋
入唔到消防但考救護，咁樣好痛苦，諗清楚未
跳多啲繩增高好過，btw你咩年紀架
跳多啲繩增高好過，btw你咩年紀架
呢啲虛榮嘢唔好諗太多，拎咗唔代表咩，最佳學員出到黎都係硬砌，之後又唔會因爲拎咗個盾而易升職啲。
都係嗰句，做十件威水事都無用，只要柒一次就永不翻身，但求第時做嘢唔好錯咁多好過。
都係嗰句，做十件威水事都無用，只要柒一次就永不翻身，但求第時做嘢唔好錯咁多好過。
同意呀師兄。拎左唔代表咩，出黎做野最緊要係夠醒目，唔好人做你又做，到時真係死左都唔知咩事
呢行太多怪頭鳩，太醒 同 唔夠醒 都有人唔鍾意
聽朝先出
好多時醫生都跟埋車 我就成日同d醫生係送院個時r水吹 抄左一兩個ho 牌
有冇下文呀
係咪男救護員 同 男醫生
有無聽過身體健康，無財務問題，無刑事都過唔到vetting嘅原因
你無刑事 會唔會係自己父母有而你又唔知
救護唔係查自身咩
02 Lock In
「特別服務，懷疑有人被困，生命有危險…秋名山去456號救護車...」
懷疑有人被困，呢類案件一般被稱作 Lock in。
通常係當事人被反鎖於屋內，無人應門，於是門外既人報警。或者係平安鐘啲姑娘聯絡唔到單位內既公公婆婆，擔心佢地出咗事，於是報警求助。而好多時公公婆婆回應唔到平安鐘姑娘，係因為佢地落咗街買嘢，又或者本身佢地係撞聾，於是聽唔到電話中姑娘對佢地既叫喚。
只要係特別服務，消防員就會一同出動。做呢類型既call，佢地通常係負責爆門。
爆門入去之後，可能會發現一具死咗好多日既屍體；又可能係根本無人喺度，屋主只係落咗街；又可能係事主心臟病，入到去發現對方訓咗喺地，救護員需要立即進行搶救。
每次接到 Lock in，我都係抱住「最好乜都唔使做」既心態去車，因為無嘢做即係無人有事。
試過有一次，係一個小朋友將自己反鎖咗喺屋企個廁所裡面，出唔到黎。家長感到手足無措於是報警，勞動哂警察消防救護，總共十幾廿人。
去到事發單位，消防員三兩下手勢就打開返廁所道門，小朋友出返黎，似乎有啲受驚，但無任何受傷，無乜大礙。
報警既人係一位婆婆，當時屋內只有呢位婆婆同個小朋友，而小朋友係婆婆個孫仔。
小朋友被反鎖於廁所裡面，自己又唔識處理，又諗唔到原來可以搵鄰居幫手，於是報警求助。雖然動用咗好多人力物力，但老人家唔識嘢，無得好怪。
「孫仔出返黎喇，但搞到好大陣象啊，好多人上咗黎屋企啊…」婆婆同電話中既人講，電話既另一邊應該係小朋友既父母：「又警察，又消防員，又看更，仲有啲著住白色衫既唔知咩人…」
真係悲涼，萬一你個孫仔有啲咩捐手爛腳，幫佢既人會係我地，你竟然話我地係著住白色衫既唔知咩人…
估唔到市民對救護員既認知程度仲低過看更。
不過都唔緊要，畢竟係老人家，唔認識救護員都正常既。
小朋友相安無事，各單位陸續收隊。由於對方無任何損傷，所以唔需要送院，最後由婆婆簽張紙，我地就可以離開。
「特別服務，懷疑有人被困，生命有危險…秋名山去456號救護車...」
懷疑有人被困，呢類案件一般被稱作 Lock in。
通常係當事人被反鎖於屋內，無人應門，於是門外既人報警。或者係平安鐘啲姑娘聯絡唔到單位內既公公婆婆，擔心佢地出咗事，於是報警求助。而好多時公公婆婆回應唔到平安鐘姑娘，係因為佢地落咗街買嘢，又或者本身佢地係撞聾，於是聽唔到電話中姑娘對佢地既叫喚。
只要係特別服務，消防員就會一同出動。做呢類型既call，佢地通常係負責爆門。
爆門入去之後，可能會發現一具死咗好多日既屍體；又可能係根本無人喺度，屋主只係落咗街；又可能係事主心臟病，入到去發現對方訓咗喺地，救護員需要立即進行搶救。
每次接到 Lock in，我都係抱住「最好乜都唔使做」既心態去車，因為無嘢做即係無人有事。
試過有一次，係一個小朋友將自己反鎖咗喺屋企個廁所裡面，出唔到黎。家長感到手足無措於是報警，勞動哂警察消防救護，總共十幾廿人。
去到事發單位，消防員三兩下手勢就打開返廁所道門，小朋友出返黎，似乎有啲受驚，但無任何受傷，無乜大礙。
報警既人係一位婆婆，當時屋內只有呢位婆婆同個小朋友，而小朋友係婆婆個孫仔。
小朋友被反鎖於廁所裡面，自己又唔識處理，又諗唔到原來可以搵鄰居幫手，於是報警求助。雖然動用咗好多人力物力，但老人家唔識嘢，無得好怪。
「孫仔出返黎喇，但搞到好大陣象啊，好多人上咗黎屋企啊…」婆婆同電話中既人講，電話既另一邊應該係小朋友既父母：「又警察，又消防員，又看更，仲有啲著住白色衫既唔知咩人…」
真係悲涼，萬一你個孫仔有啲咩捐手爛腳，幫佢既人會係我地，你竟然話我地係著住白色衫既唔知咩人…
估唔到市民對救護員既認知程度仲低過看更。
不過都唔緊要，畢竟係老人家，唔認識救護員都正常既。
小朋友相安無事，各單位陸續收隊。由於對方無任何損傷，所以唔需要送院，最後由婆婆簽張紙，我地就可以離開。
臨離開之前，我同婆婆講：「婆婆，我地係救護員，如果之後孫仔有啲咩唔舒服，就再叫我地黎啦。」
婆婆面露疑惑：「哦…原來係救生員…唔該哂你地…唔該哂你地…」
＃＃＃＃＃＃
另一單Lock in，係一個唔記得帶鎖匙既女人報警，時間係黃昏。
去到現場，透過女人同警察之間既對話，得知佢係啱啱放工返屋企。佢有個仲讀緊大學既女，大約二十歲，今日放假理應會留喺屋企，但拍極門都無人應，電話打極又無人聽。女人擔心個女唔知出咗咩事，於是報警。
我依舊係抱住「應該無料到」既心情出發，但爆門入屋之後，阿媽發現個女訓咗喺床上面，叫極都唔醒。有見及此，我地於是上前檢查。
就咁望埋去，個女仔既面色已經好唔妥…
點唔妥法，形容唔到，總之唔係一個正常人應該有既面色。
主管檢查之後，發現個女仔無咗呼吸脈搏，身上無明顯傷痕，但手腳有啲僵硬，皮膚上更呈現出明顯既屍斑...
係明顯死亡，估計已經死去至少十個小時。
個女人知道自己個女經已去世，當場崩潰大哭。
在場所有人，包括救護員都無嘢可以做到，根據部門指引，我地毋須為事主進行搶救。
點解個女仔會忽然去世？
無人知，或者要等法醫驗屍過後先知。
我剩係知個女仔好後生，廿歲左右，仲讀緊書，本應有大好青春大好前途。
遇到呢啲case，個心會好唔舒服，原來做人真係可以咁化學，話無就無。
「無常，係救護員既工作日常。」
呢句說話真係好啱。
主管處理好善後工作，就吩咐盡快離場。剩低既事，就留返俾其他部門同事去處理。
「費事留喺現場咁耐喇，睇見人地咁樣，盞自己個心更加唔安落。」上到救護車，主管咁講。
的確，救護員係唔應該投放太多情感於工作，若然因為咁而影響到之後既工作效率，實在太唔專業。但要做到無動於衷，係無可能既事。
回程途中，我不禁喺度諗，其實呢種事幾乎每一日都發生，只係睇吓邊個咁唔好彩俾死神揀中。
我又會諗，假如係自己屋企人或者朋友出事，我又能唔能夠保持冷靜？
相信無一個人得，人就係有感情既動物。
珍惜身邊人，活在當下，雖然呢兩句說話真係好老土，但又有幾多人能夠真正做得到？
婆婆面露疑惑：「哦…原來係救生員…唔該哂你地…唔該哂你地…」
＃＃＃＃＃＃
另一單Lock in，係一個唔記得帶鎖匙既女人報警，時間係黃昏。
去到現場，透過女人同警察之間既對話，得知佢係啱啱放工返屋企。佢有個仲讀緊大學既女，大約二十歲，今日放假理應會留喺屋企，但拍極門都無人應，電話打極又無人聽。女人擔心個女唔知出咗咩事，於是報警。
我依舊係抱住「應該無料到」既心情出發，但爆門入屋之後，阿媽發現個女訓咗喺床上面，叫極都唔醒。有見及此，我地於是上前檢查。
就咁望埋去，個女仔既面色已經好唔妥…
點唔妥法，形容唔到，總之唔係一個正常人應該有既面色。
主管檢查之後，發現個女仔無咗呼吸脈搏，身上無明顯傷痕，但手腳有啲僵硬，皮膚上更呈現出明顯既屍斑...
係明顯死亡，估計已經死去至少十個小時。
個女人知道自己個女經已去世，當場崩潰大哭。
在場所有人，包括救護員都無嘢可以做到，根據部門指引，我地毋須為事主進行搶救。
點解個女仔會忽然去世？
無人知，或者要等法醫驗屍過後先知。
我剩係知個女仔好後生，廿歲左右，仲讀緊書，本應有大好青春大好前途。
遇到呢啲case，個心會好唔舒服，原來做人真係可以咁化學，話無就無。
「無常，係救護員既工作日常。」
呢句說話真係好啱。
主管處理好善後工作，就吩咐盡快離場。剩低既事，就留返俾其他部門同事去處理。
「費事留喺現場咁耐喇，睇見人地咁樣，盞自己個心更加唔安落。」上到救護車，主管咁講。
的確，救護員係唔應該投放太多情感於工作，若然因為咁而影響到之後既工作效率，實在太唔專業。但要做到無動於衷，係無可能既事。
回程途中，我不禁喺度諗，其實呢種事幾乎每一日都發生，只係睇吓邊個咁唔好彩俾死神揀中。
我又會諗，假如係自己屋企人或者朋友出事，我又能唔能夠保持冷靜？
相信無一個人得，人就係有感情既動物。
珍惜身邊人，活在當下，雖然呢兩句說話真係好老土，但又有幾多人能夠真正做得到？
03 呼吸困難
SOB (Shortness Of Breath)，呢類call好多時都會遇到。呼吸困難可大可小，病人可能有氣管病或者肺病，而哮喘屬於常見。
呢種情況，救護員會比較緊張病人既SPO2，當發現SPO2唔理想，就要立即供應高濃度氧氣
，甚至轉用另一款強勁少少既面罩，以助谷返病人既SPO2上去理想範圍之內。
同時，亦會監察病人既呼吸頻率(RR，Respiratory Rate)，呼吸不宜過快，否則唔能夠將氧氣/氣管藥有效地吸入肺部。
救護員會有相應既氣管藥提供，好多時呼吸困難係因為氣管收窄，而噴藥有助擴張氣管。當然，用藥與否要視乎病人自身健康條件及身體情況，有啲情況係不適用，例如病人本身對嗰隻藥係有敏感。
呼吸困難既病人通常會比較緊張，因為感覺好似就快窒息咁，救護員好多時要費力去安撫病人情緒。
「嗱…你放鬆啲先，你咁緊張都無用架，吸氣吸大啖啲…」
「唔好講嘢住啦！專心啲聞氧氣！」
「抖氣唔好咁快，你吸氣都唔夠深，啲藥都落唔到去…」
「跟我打數，吸…呼…吸…呼…係喇，保持住呢個節奏…」
係啊，又真係幾似大肚婆生仔。
我職業生涯中第一次俾人投訴，就係做呼吸困難既案件。對象係一名中年男人，當時我只係按照正常程序俾氣俾藥，俾俾吓藥，個男人突然推開我：「妖…你整到我好唔舒服啊！」
「先生，你繼續聞藥啦，啲藥對你有幫助架！」我好聲好氣咁講。
「你而家咩態度啊？你份糧我都有份出架！」個男人明明條氣仲喘緊，但又要唔合作，仲惡人先告狀。
「我都係想幫你者。」我望望監察儀器屏幕上啲數字，發現SPO2指數正在慢慢回升，男人既呼吸亦無剛才咁急促。
SOB (Shortness Of Breath)，呢類call好多時都會遇到。呼吸困難可大可小，病人可能有氣管病或者肺病，而哮喘屬於常見。
呢種情況，救護員會比較緊張病人既SPO2，當發現SPO2唔理想，就要立即供應高濃度氧氣
，甚至轉用另一款強勁少少既面罩，以助谷返病人既SPO2上去理想範圍之內。
同時，亦會監察病人既呼吸頻率(RR，Respiratory Rate)，呼吸不宜過快，否則唔能夠將氧氣/氣管藥有效地吸入肺部。
救護員會有相應既氣管藥提供，好多時呼吸困難係因為氣管收窄，而噴藥有助擴張氣管。當然，用藥與否要視乎病人自身健康條件及身體情況，有啲情況係不適用，例如病人本身對嗰隻藥係有敏感。
呼吸困難既病人通常會比較緊張，因為感覺好似就快窒息咁，救護員好多時要費力去安撫病人情緒。
「嗱…你放鬆啲先，你咁緊張都無用架，吸氣吸大啖啲…」
「唔好講嘢住啦！專心啲聞氧氣！」
「抖氣唔好咁快，你吸氣都唔夠深，啲藥都落唔到去…」
「跟我打數，吸…呼…吸…呼…係喇，保持住呢個節奏…」
係啊，又真係幾似大肚婆生仔。
我職業生涯中第一次俾人投訴，就係做呼吸困難既案件。對象係一名中年男人，當時我只係按照正常程序俾氣俾藥，俾俾吓藥，個男人突然推開我：「妖…你整到我好唔舒服啊！」
「先生，你繼續聞藥啦，啲藥對你有幫助架！」我好聲好氣咁講。
「你而家咩態度啊？你份糧我都有份出架！」個男人明明條氣仲喘緊，但又要唔合作，仲惡人先告狀。
「我都係想幫你者。」我望望監察儀器屏幕上啲數字，發現SPO2指數正在慢慢回升，男人既呼吸亦無剛才咁急促。
「你叫李寶明？」男人望住我個名牌。
我無出聲，但內心感到非常無癮。
「我一定會投訴你啊！等收投訴信啦你！」
非常無奈，明明係我幫咗佢，而家竟然話要投訴我。
跟足程序做嘢，仲一直安慰佢，由頭到尾根本都唔知自己做錯啲乜。
既然對方話唔想聞藥，我都無謂勉強。最後男人連氣氧罩都話唔戴，我亦幫佢除埋。
一段時間之後，我果然收到投訴信，當聞悉自己被投訴既時候，我就回想起呢轉呼吸困難個案，心知一定係呢個男人。
「知唔知發生咩事？」辦公室內，救護主任問。
「…...」我點點頭，連嘢都唔想講。
主任問我當時既事發經過，我簡略地作出描述。聽完之後，佢竟然話：「下次自己注意返啲態度啦，其實病人已經唔舒服，我地要為對方諗多一步，做我地呢行要有同理心。」
聽完之後，真係火都滾埋。
叫我將來龍去脈講俾佢知，但佢聽完之後等如無聽，事實係個男人唔知痴咗邊條線忽然向我發難，我亦多次重申自己當時態度無問題，然後呢位救護主任竟然叫我注意一下工作態度。
咩叫為對方諗多一步！？對方無緣無故鬧我祖宗十八代，我仲要體諒對方鬧我背後一定係有苦衷！？
同理心…呢三個字最仆街，我對病人就要有同理心，但主任你對我地班手足又有無同理心！？
當前線同事俾人投訴，作為上司竟然可以完全唔企喺我地角度去諗，仲掉返轉頭要同事去作出檢討，啲說話真係難聽過粗口。換轉被投訴既係你，我向你講返同一番說話，你又會唔會服啊阿sir？
我無出聲，但內心感到非常無癮。
「我一定會投訴你啊！等收投訴信啦你！」
非常無奈，明明係我幫咗佢，而家竟然話要投訴我。
跟足程序做嘢，仲一直安慰佢，由頭到尾根本都唔知自己做錯啲乜。
既然對方話唔想聞藥，我都無謂勉強。最後男人連氣氧罩都話唔戴，我亦幫佢除埋。
一段時間之後，我果然收到投訴信，當聞悉自己被投訴既時候，我就回想起呢轉呼吸困難個案，心知一定係呢個男人。
「知唔知發生咩事？」辦公室內，救護主任問。
「…...」我點點頭，連嘢都唔想講。
主任問我當時既事發經過，我簡略地作出描述。聽完之後，佢竟然話：「下次自己注意返啲態度啦，其實病人已經唔舒服，我地要為對方諗多一步，做我地呢行要有同理心。」
聽完之後，真係火都滾埋。
叫我將來龍去脈講俾佢知，但佢聽完之後等如無聽，事實係個男人唔知痴咗邊條線忽然向我發難，我亦多次重申自己當時態度無問題，然後呢位救護主任竟然叫我注意一下工作態度。
咩叫為對方諗多一步！？對方無緣無故鬧我祖宗十八代，我仲要體諒對方鬧我背後一定係有苦衷！？
同理心…呢三個字最仆街，我對病人就要有同理心，但主任你對我地班手足又有無同理心！？
當前線同事俾人投訴，作為上司竟然可以完全唔企喺我地角度去諗，仲掉返轉頭要同事去作出檢討，啲說話真係難聽過粗口。換轉被投訴既係你，我向你講返同一番說話，你又會唔會服啊阿sir？
聽完廢話之後，我趕快離開辦公室，連 thank you sir都無講，因為我覺得呢啲人唔值得我叫佢一聲阿sir。
＃＃＃＃＃＃
另一單比較深刻既SOB，係發生喺夜晚十二點，地點係舊式屋村。
對象係一名行動唔太方便既阿叔，佢大概六十歲，行路需要靠拐杖。
一入到屋，我地就發現佢呼吸好急促，SPO2得返85。了解情況之後，主管決定為對方提供氣管藥。
「阿 sir，我唔去醫院架！」阿叔一邊聞住氧氣一邊講。
主管：「唔去醫院！？你知唔知自己咩情況啊！？入醫院檢查吓，等醫生幫你啦。」
「我唔去！」
唔知點解，有啲人係好堅持唔去醫院，就算自己病到死死吓。
屋內有兩個人，報案既另一個男人，據悉係呢位阿叔個仔，但表面睇落佢地既關係連朋友都不如...又係家家有本難唸的經。
「你條氣喘到咁…醫院有床俾你訓，有藥俾你食，有護士照顧你，點都好過留喺屋企啦。」我試圖作出勸喻。
「我都話唔去咯！你俾張紙我簽，簽完你地就走啦！」
睇黎佢都幾熟行情，應該唔係第一次叫車，知道可以簽「拒絕送院」表格呢樣嘢。
主管：「咪咁硬頸啦…入去檢查吓，檢查完無事咪出返黎囉！」
「唔去啊，我唔想麻煩到人…」
我望望檯上啲信件，發現原來呢位阿叔個名叫張X財：「阿財哥，其實我地都一場黎到，唔麻煩都麻煩咗…你諗真啲喎，如果一陣我地走咗，然後你條氣又喘過，我地咪又要黎多次？到時先係麻煩喎！」
聽完我咁講之後，我留意到佢眼神出現一絲動搖。
其實嗰句說話係真心話，如果而家唔去醫院，然後半夜三更又再叫車，我地又要上黎多一次。
最後，阿財肯聽我地勸，我地用輪椅運送佢上救護車。
上到車之後，我同阿財吹咗陣水，閒談間得知佢以前原來係一名古惑仔，結過兩次婚，有個好多年無見既女。
呢轉SOB 我無俾人投訴，因為阿叔同我吹得幾開心，仲讚我呢位後生仔既服務態度好好。當佢講到舊時劈友開片既情形，仲成個人變得生龍活虎，連自己本身有氣喘都唔記得咗。
做救護呢行會遇到好多人，呢啲人有唔同背景，個個都係有故事的人。
有啲人好有錢，份人好離地，認為自己有份交稅就大哂；有啲人好窮，明明病得好重，但好怕麻煩到人…
真係一樣米養百樣人。
＃＃＃＃＃＃
另一單比較深刻既SOB，係發生喺夜晚十二點，地點係舊式屋村。
對象係一名行動唔太方便既阿叔，佢大概六十歲，行路需要靠拐杖。
一入到屋，我地就發現佢呼吸好急促，SPO2得返85。了解情況之後，主管決定為對方提供氣管藥。
「阿 sir，我唔去醫院架！」阿叔一邊聞住氧氣一邊講。
主管：「唔去醫院！？你知唔知自己咩情況啊！？入醫院檢查吓，等醫生幫你啦。」
「我唔去！」
唔知點解，有啲人係好堅持唔去醫院，就算自己病到死死吓。
屋內有兩個人，報案既另一個男人，據悉係呢位阿叔個仔，但表面睇落佢地既關係連朋友都不如...又係家家有本難唸的經。
「你條氣喘到咁…醫院有床俾你訓，有藥俾你食，有護士照顧你，點都好過留喺屋企啦。」我試圖作出勸喻。
「我都話唔去咯！你俾張紙我簽，簽完你地就走啦！」
睇黎佢都幾熟行情，應該唔係第一次叫車，知道可以簽「拒絕送院」表格呢樣嘢。
主管：「咪咁硬頸啦…入去檢查吓，檢查完無事咪出返黎囉！」
「唔去啊，我唔想麻煩到人…」
我望望檯上啲信件，發現原來呢位阿叔個名叫張X財：「阿財哥，其實我地都一場黎到，唔麻煩都麻煩咗…你諗真啲喎，如果一陣我地走咗，然後你條氣又喘過，我地咪又要黎多次？到時先係麻煩喎！」
聽完我咁講之後，我留意到佢眼神出現一絲動搖。
其實嗰句說話係真心話，如果而家唔去醫院，然後半夜三更又再叫車，我地又要上黎多一次。
最後，阿財肯聽我地勸，我地用輪椅運送佢上救護車。
上到車之後，我同阿財吹咗陣水，閒談間得知佢以前原來係一名古惑仔，結過兩次婚，有個好多年無見既女。
呢轉SOB 我無俾人投訴，因為阿叔同我吹得幾開心，仲讚我呢位後生仔既服務態度好好。當佢講到舊時劈友開片既情形，仲成個人變得生龍活虎，連自己本身有氣喘都唔記得咗。
做救護呢行會遇到好多人，呢啲人有唔同背景，個個都係有故事的人。
有啲人好有錢，份人好離地，認為自己有份交稅就大哂；有啲人好窮，明明病得好重，但好怕麻煩到人…
真係一樣米養百樣人。
應該係，警察先係查三代（好似係）
繼續留名
事實上有起事黎，d呀sir 真係當你犯咁審，又話你點樣點樣就可以避免，要你醒目d，心諗你事後孔明，講咩都得，面對市民又唔係呀sir你
醒目啲，有邊個唔識得講
有無聽過其他肥嘅原因
聽講警察會查埋社交媒體 fb ig果類，睇你政治取向
聽講警察會查埋社交媒體
fb ig果類，睇你政治取向其實好想知出面個個都話港女一聽到紀律部隊就即刻衝
但係大前提係點樣識到
假設啲港女返份朝九晚五嘅OL好多都係識自己身邊啲同事
但係返工又有幾多真係會同自己啲同事拍拖
紀律部隊尤其是消防救護呢啲全男班雖然係多假期多咗機會溝女但係前提係要點樣先識到
但係大前提係點樣識到
假設啲港女返份朝九晚五嘅OL好多都係識自己身邊啲同事
但係返工又有幾多真係會同自己啲同事拍拖
紀律部隊尤其是消防救護呢啲全男班雖然係多假期多咗機會溝女但係前提係要點樣先識到