《我還是救護員的日子》(2) [假人真事+你問我答]

唔好放棄呀。你有呢個心去讀書就去啦，如果你而家唔去，十年後你望番轉頭一定後悔，到時你就冇機會咖啦，留多條路比自己，記住而家新制公務員咩福利都冇，所以咪多左人走。

其實我都爭扎左好多次，點解要走，最初入黎係為咩？點解唔繼續做呢？番三日放兩日，十個循環一個rota，去個旅行爽YY。

好簡單，呢個部門都唔當你係一回事，唔好比部門所拍嘅劇集影響到，睇完就算啦，現實唔係咁。

我相信入黎做嘅師兄都係有個心去救人幫人，不過你體驗過部門所謂嘅制度，就係市民有求必應，有投訴必查，好自然會心灰。

我地只係一個普通人，睇唔到前景就要走咖啦，我個心仲係到。不過適當時候會拎出黎，我唔係去左政府部門呀，我轉左相關行業，努力中呀

唔好講衰野啦 。救護後生做就可以，見到好多野，年紀大就唔好啦，搬抬托個人點頂

其實返三放二夠唔夠時間休息
放rota請常有咩做？

休息同睇醫生 醫腰醫腳醫手

早幾年我學生撞穿頭勁驚又勁喊，都有救護員用隻手套整左舊一模一樣既野比佢玩，係呢行個個師兄都識定佢真係遇到樓主你

潛咗水一排，而家上返水，聖誕節快樂大家。

呢個手套氣球應該人人都識，但會用既人應該唔多

其實返night 真係好傷，返完個night 然後休息時間得嗰一日半，只足以俾自己回氣。剛剛回好氣，然後又要返工。

我認為休息時間只係剛剛好，後生當然仲頂到，諗吓去到50歲，到時身體走下坡仲可以點頂。

只有做過呢行既人先至會明，特別係司機，通宵揸十轉八轉車，係幾咁辛苦既一回事，眼都睜唔開但要開藍燈劈住去...

車籠算幸福，起碼去車途中有得瞌埋眼爭取時間休息多陣。

救護車呢行有樣嘢叫頂更，即係A局無車，然後B局既車去頂A局，但有時呢個頂更動作係多鳩餘，因為A局同B局係位於同一區，其實係無乜需要頂更，就算有call，B局既車一定夠時間去到現場...

有時一晚頂五六次更，救護車司機就要揸架車去遊無意義既車河。


好多人趁rota 去旅行，有啲師兄一年去足七次旅行，rota 有咩做視乎本身係一個咩人。

我rota 都係寫下故，睇下電影咁，一年去一次旅行

考就應該無問題，問題係救護要搬搬抬抬咁傷腰，做落只會變得更加嚴重，最後傷多兩錢重。

考入境海關算啦

真係行動唔到，自己去唔到醫院，又無人幫，叫救護車都合理。

但係行得走得，又有人陪，樓下仲要有埋的士站，自稱傷風感冒訓唔著割傷手指，上到救護車救護員完全無任何治療可以提供到嗰啲，我諗絕對係濫用。

離譜啲既有一次，上到樓一打開升降機門見到兩母子企定喺度等我地，阿媽自稱頭暈，個仔係陪診，但眼見個阿媽行得仲穩過我，連輪椅都話唔需要坐，想自己行下。反而我係腳步浮浮，因為當時係凌晨兩點幾三點，最眼訓既時候。

落到樓下，個仔話自己揸車去醫院....

心諗仆佢個街，自己有部車揸都仲要叫救護車，不如一早拿拿聲自己載阿媽去醫院好過啦。


M痛呢啲...真係唔識評論。

荒山野嶺舊屋村我都試過，行入去都要廿分鐘，條路又凹凹凸凸，張床就反就反咁，係辛苦，但有乜辦法。

應該會

如果無記錯，事發地點好似幾近師兄你
Btw 聖誕快樂啊！

我守星加坡架喎，無理由會近我

唔係秋明山咩

問下自己係咪真係想做先 真係好想做既 就去馬啦 如果唔係我建議你諗多諗 呢行真係辛苦 唔係有rota 同呢個人工 我相信冇咩人會想做 好有熱誠既例外啦
有得揀 海關 入境 仲好啦

師兄有冇問過醫生適唔適合做體力勞動工作呀？因為救護員呢行真係好金咖，特別係番夜，唔夠精神又要搬，好易整親咖。。。
btw祝你聖誕快樂先

入境都爽呀。室內工作嘅紀律部隊
師兄好耐冇見。聖誕快樂

入村做野真係危險，特別係啲大狗，番夜真係特別多濫用廢call，不過真係有苦自己知

巴打 聖誕快樂
最撚正 入境

入境好多師姐都可以溝通下。不過入境個工作模式唔同

考慮清楚啦。問多幾個唔同嘅醫生，每個醫生嘅diagnosis都唔同，始終身體係一世，如果可以矯正個身體都唔係壞事，對你將來都好大影響咖