之前幾年都係自己剪 不過之後有請人 依家係Brad同Brad2剪
但係一日up一條其實唔係咁簡單 Pews仲要係即日或者前一日先拍 因為佢話想貼近D生活
Marzia(佢未婚妻)都話佢一日唔拍片就唔安落會係條街大叫 證明佢真係好擺youtube上心
好多人當youtube係踏腳石 係上位嘅一步
但係pews就認真對待 佢本身就唔鍾意果種追星文化 亦唔鍾意名氣 真係鍾意拍片做youtuber 依件事本身就好難能可貴
而且佢咁多年變左好多 由一個打機嘅on9仔 去到之後夠膽面對自己 講話自己想做返真實嘅自己 到依家錯過 跌過之後識小心講野 識反諷 識帶更多正向訊息同價值觀俾人 個過程係好唔簡單 因為youtuber好怕變 變就會失去觀眾 冇views就冇收入 咁就會收皮 但係pews成功咗
佢玩遊戲起家嘅時候好受歡迎 果個時段令佢成為sub數超多嘅youtuber 之後佢再玩多D 唔止玩遊戲 玩反應 玩好多challenge 令佢慢慢上到第一位
但係佢發覺d challenge折磨緊自己 於是佢開始轉型 但係轉型果段時間好多人都接受唔到 好多人都係度叫bring back 2012 pews 果段時間肯定好難捱 因為佢唔想再折磨自己 但係轉型又面對失去粉絲
結果挨下挨下 佢終於搵到舒服嘅方法做自己同做youtuber 係少玩咗遊戲 但係就更成熟 更令人舒服 價值觀都好值得學習 俾主流媒體同youtube本身攻擊都可以繼續企定 真係好犀利 好值得咁多人sub
利申 2014做bros做到依家