[長氣多圖][不爛尾] 台灣嘉義阿里山日出之旅

好在上到去既風景真係好唔錯

唔單止有個咁清澈既天空
仲有雲海睇

我地身處既小笠原山

對面係全台灣最高既玉山
海拔3952米
仲高過富士山

話說其實阿里山睇既根本就唔算係日出
因為出已日
天一早就光晒
只不過太陽仲係玉山後面未出黎咁解

觀景台都算多人

好在都搵到個草地靚位
係就係無咁高
但叫做前面無人

但係周圍D大老母真係好撚煩
我已經分唔到佢地係支那定台灣

不過都唔比佢地煩得幾耐
因為我係坐第二班車上山
本身離開日出既時間就唔多
仲要行一段路先黎到
等左唔係好耐就終於見到太陽由玉山升起




電話版

迎來人生第一次既日出
但其實係無咩感動
好似純粹係度見證緊一件事
好平靜

雖然格離D人好嘈
咁嘈有嘈既好既
佢地興奮
又肯幫我影相
留低左人生重要既證明

雖然係好膚淺
但我覺得呢張相完全就係成個旅程既整體
已經足夠值回票價

其實就算係唔同角度睇
太陽依然由玉山升起

朝陽加上雲海

人生好長
但日出時間好短
其實係想係度留耐D
但無奈只有兩班回程火車
要趕係七點之前番到車站




番到祝山觀日平台

見仲有幾分鐘時間
即管睇埋佢地到底有咩唔同

原來兩個平台睇既野其實係一樣

只係小笠原地勢高D
前面無咁多雜草

仲有幾間小食店

不過尾班車就快開
已經差唔多收檔

七點鐘尾班車

氣溫已經升番上13度

又企番半個鐘番黎阿里山車站

大大話話係呢個車站停留左三四次
今次終於係最一次黎到呢個車站
之後就會直落奮起湖
周圍既空氣都好清新
無左霧既園區終於見到後面D山




食埋個免費好普通既早餐

終於醒起我係阿里山仲有一樣野想做

就係呢間阿里山郵局
全台最高既郵局

去旅行我好少會寄名信片番香港
但黎到呢度覺得幾有特色
而且都無咩點買過紀念品
就買起晒佢地


仲有張大臺比你寫信

寄左呢塊木板名信片番香港


空郵番香港需要17蚊台幣

純檜木郵筒

塊名信片跌落去既聲音好清脆

番酒店休息多陣
係阿里山園區既旅程就完滿結束啦
其實已經可以直接番香港
黎阿里山真係三日兩夜都好足夠
之後係嘉義既行程相比起黎都顯得幾無聊

續

樓主好型

型撚

型撚

好正
其實去阿里山飛高雄好定係台中好

台中就近D
但係飛高雄就多D選擇
因為都係朝早上
去台中或者高雄都要第二朝先上
分別唔太大

追到live

慢慢追
我差唔多隔日先寫到

嘉義、高雄真係好似鄉下地方

除左台北都係鄉下黎
真係幾落後

樓主好忙

唉
日日都好多野做

DAY3 奮起湖 文化路夜市

奮起湖
係每個乘坐阿里山森林鐵路遊客既必經之路
因為佢係由嘉義開出小火車既終點站
基本上都會當景點停留
奮起湖
並唔係指一個湖
而係一座山城
位處千四米既半山之上既一條老街
而奮起湖
應該算係我成個旅程最伏果一站

番酒店休息左陣就行番出運轉站
由酒店行出去其實都幾遠
行行下竟然有架白牌車話免費車我去

運轉站其實係一架幾大既七仔

可以係度買車飛直落嘉義
而好似我咁去奮起湖既就無得預先買飛
需要係上車面買

每日由阿里山出發既巴士只有三班車經奮起湖

而去奮起湖既原因九成都係坐小火車
小火車平日兩點開出
亦即係話
基本上只有09:10同10:10呢兩班巴士可以選擇
而我
就揀左10:10呢班巴士

等等下竟然有人叫排隊
原來就係頭先白牌車條友
佢話100蚊車落去奮起湖
而巴士就98蚊
見佢頭先免費咁車左我黎
而又只係貴兩蚊
就坐佢車啦
點知呢個就係中伏既開始
最後係連人帶行李塞爆晒成架車

真係坐得好辛苦
有得揀既話
大家都係揀番巴士好
時間唔會差好遠
但因為係旅行巴SIZE黎
會坐得舒服好多

等我仲以為真係有人好心車我去巴士站


佢就係奮起湖車庫放低我地

穿過左車庫就係奮起湖車站

位於1403米之上既奮起湖


平日只會有一班阿里山號來回
所以大部份時間都可以落路軌行



車站入面有凳有LOCKER
原本我都想放低個背囊
細LOCKER只需要50蚊
但發覺唔夠十蚊銀
唯有繼續揹住周圍走

奮起湖車庫係奮起湖唯一有睇頭既地方

基本上成個鐵路既周邊都係講阿里山鐵路既歷史
係園區係咁
係奮起湖係咁
就算落番去嘉義都係咁
阿里山鐵路應該係成個嘉義既重心
係嘉義既一切

百大登山鐵路



三姐妹




已經全部都坐過晒

美國制火車頭



仲有一直都好想坐既瑞士冰河列車



登山模型

車庫其實好細
行三兩個字都可以睇得完
剩番既就係奮起湖老街




然後我就知道
台灣全部叫得老街都係廢既

呢度仲衰過九份
完全係無旅遊價值
老街下面仲有條百年老街
要行好遠先去到
上番黎仲要行條長命斜

不了

睇過台仔D中伏BLOG
佢地話奮起湖有兩大美食
一個係冬甩
另一個係懷舊便當

台仔最推崇既百年冬甩



係唔錯既
幾脆口
好多人真係一盒盒咁買

另外奮起湖中心有百年肖楠木






感覺呢兩日就係不停咁行呢D棧道

下面D廢屋都幾陰森



行行下又入左森林

不過真係無咩野行
呢度亦都唔係阿里山園區咁有規劃
真係純亂行

行下無野做就去左呢間一D都唔隱世既隱世懷舊便當

其實我聽佢地D國語最多都係聽得明四五成
佢問我要雞腿定排骨果時我真係完全聽唔明
最後亂黎叫左排骨

都幾大舊肉
熱湯任飲
位好少
但KEEP住有人黎
坐唔得幾耐

台灣野話真係好好食就真係稱唔上
不過叫做對得住個價
呢個飯收一舊水

食完飯真係無野好做
本身就預左三個鐘係度HEA下
點知行左個幾鐘就玩完
最後係車站足足坐左成粒鐘

差唔多兩點就有火車到


呢架叫做阿里山2號
其實同架中興號係無分別
只係全車指定席

車身都印左另外姐妹路線


一樣都係1-2座位設計

全程兩個鐘零二十分

本身我遇左係北門落車再行多一兩個景點
但可能朝早太早起身睇日出好累
所以都係直去嘉義搵酒店CHECK IN

番到火車站第一件事就係拎番行李
點知發現我個LOCKER打開左
問埋RECEPTION先知佢話我個LOCKER無山實到
個袋係OK既負責人到
叫我打電話去搵佢
真係好在張電話卡可以打得到電話
最後有驚無險咁拎番個袋
收左我兩舊水寄存費

之後兩晚住既皇爵酒店


要係火車站行大約五分鐘
係遠左少少
但三百幾蚊晚
服務員態度好好
架房咁撚大間
真係好唔錯

另外個浴缸仲好舒服

佢仲有本手畫既周邊地圖

幾得意

夜晚出左文化路夜市轉左個圈
其實都幾遠
要行四五個街口

由唔知幾時開始

呢間野係香港好多人排

文化路夜市既起點
中央噴水池

餓就唔算好餓
周圍行下
呢間好似係嘉義最出名既沙鍋魚頭

唔知點解無乜興趣



無食到尤魚
但係個海鮮貝就幾好食


條街其實幾OLD SCHOOL

仲有香港雞強仔


我覺得呢度最好食既反而係豆腐花


所謂既湯底即係豆漿
要左碗珍珠豆腐花

好唔錯

行到累累地就番去訓
前兩日都為左坐火車要好早起身
今晚一於要訓到自然醒

DAY3 完

食其實可以試下入舖食
未必貴

老街其實係傳統街道咁
又唔一定買野
不過難得正正常常行下
我睇見都覺得幾吸引

（唔好同我講返工死地鐵一樣有咁上下嘅路行）

有冇叫外賣

乜乜老街
百年乜乜

唔吸引呀
根本無野買既

外帶

Live

好耐無睇遊記，睇到樓主既圖，好想去阿里山

去啦
最好搵多幾個地方
嘉義周邊都唔太吸引