[長氣多圖][不爛尾] 台灣嘉義阿里山日出之旅

係
除左睇日出
森林都好正
日落反而無

開個po就可以分享

岩
開心share

完?

寫緊

DAY2 阿里山森林園區 水木線

坐左半個鐘
巴士佬就係阿里山園區門口外面放低我地
佢話要係呢度行上去WOR

竟然有日式渠蓋

其實嘉義D景點都幾日式
只不過係同邊既所有野都差好遠

原來入園區要收入場費

正價外國遊客就收300蚊
坐巴士上黎收半價
即係百五


一入到園區感覺即刻跌左幾度
成個園區仲比霧包圍
有少少雨

第一站就去左阿里山車站買左聽日祝山車飛

聽日日出時間06:17
每日下午一點開始賣飛
單程150
我買左來回就300
其他兩條沼平線同神木線每一條100
其實以台灣物價黎講係算好貴
但原來
已經連續四日睇唔到日出了

今日仲要有雨
係好驚聽日乜都睇唔到

阿里山森木鐵路既姐妹線
黑部峽谷

其實仲有大井川鐵路
呢兩條我都曾經坐過
當中以大井川最正
除左奧大井湖上站
仲有夢之吊橋同SL火車
絕對係日本最靚果條鐵路
沒有之一

而阿里山鐵路其實都有SL火車

不過只有櫻花季節開放
我就無緣可以坐得到了

阿里山路線圖

而家身處係2216米高既阿里山車站
標準路線就係由阿里山站坐火車到沼平
然後行到神木站再坐神木線番阿里山站
咁樣就可以玩晒全部阿里山小火車

阿里山小火車既車飛其實都幾靚仔
值得收藏


小火車

阿里山至沼平車站

每卡只限70人
有企位

一點鐘係下午第一班車
但唔算多人
有位坐



六分鐘車程就到沼平

一樣都係呢隻火車頭


沼平車站都有少少介紹下阿里山鐵路既歷史

三條姐妹鐵路係我心目中既評價係
大井川 > 阿里山 > 黑部峽谷

阿里山幾個大站都係木制
其實幾靚下


雖然唔係好靚
但估唔到外面有紅葉睇下


黎到呢度
D相既顏色唔知點解就怪怪地咁
可能同D霧有關

沼平站出面係櫻之道

其實係無咩特別既高架橋

咁我就無直接由沼平站行過去神木站
因為係阿里山森林
仲有一條叫做水山線既廢線
絕對係成個阿里山森林最值得去既地方
無乜人煙
好似入左結界咁
我估行熊野古道大概都係咁樣既感覺

入口

就係差館出面個平交道行入去
話易搵又唔算易
但都叫做有路牌


其實就只係沿住條路軌行

一路行到終點就會到達有兩千幾歲既水山巨木

所謂既聖山

都望唔撚到


當日行入去真係咁樣既

前面真係黑媽媽
行到呢隻係有D淆

其實係耐唔耐就會有人幾個幾個咁出番黎
但真係好少數


係森林入面行既感覺真係好唔錯
唔講唔覺已經行到水山站

水山站係個無人站
因為已經再車火車駛入
完全係荒廢晒

條橋起係路軌既終點真係好有味道

不過差錯腳真係會跌落去


過完橋就係水山巨木

黎到呢度D霧特別勁
完完全全就係結果入面

唔知係咪二千幾米高既空氣稀薄
行幾級已經喘晒氣


係迷幻中見到巨木

而呢度已經係園區既盡頭

再入應該就係真正既森林區

有個觀景平台欣賞巨木

咁岩有對鬼佬男女經過

係度休息一陣順便換番隻WIDE鏡

即刻睇得晒巨木既全相


離開既霧仲越黎越勁

差D睇唔到前面
好似入左THE MIST咁

頭先黎果時都唔係好覺
原來水山站爛左一忽


回程就無特別

都係同一樣既景
只係開始多人由外面入黎

續

講到大井川好正咁，好想去睇呀

係真係好正架

DAY2 阿里山森林園區

行完無咩人行既水山線
森林區既另半部就係幾乎所有人都會行既指定路線
由沼平車站通往神木車站既步道
因為沼平站地勢比較高
往神木站既路幾乎全部都係向下走
行得比較舒服
所以無咩人會倒轉由神木站行去沼平站

森林區都幾多花


因為星期日
山上面都唔少人
行行下又要遇到旅行團
佢地既步速幾乎係零但又霸晒成條路
真係好難頂

呢條路其實就係唔同奇形怪狀既樹木

好多呢D咁樣野有個樣都會有個名
呢個心形樹唔記得左叫咩名

之後係姊妹潭




其實真係一D特色都無
但係咁都可以算係景點

幾碌木又叫三兄弟同四姐妹




某程度真係幾on9






向下既樓梯



耐唔耐先有人行上黎真係幾辛苦

夜晚既步道好似幾靚

但四點半打後都無火車
唔住係森林入面根本唔會睇到夜景

偶爾見到個森林開發緊都幾大殺風景

森林其中一個著名既景點就係呢個受鎮宮

其實只有幾十年歷史
相比起日本D神社
呢D中式佛廟就無特別興趣

受鎮宮叫做有條商店街


人就無咩人行
但我由朝開始淨係食左塊麵包真係好撚肚餓
快快手食個滷肉飯

唔係好食
山上面亦都唔平
但真係好肚餓
幾分鐘就清左碗飯
都唔知頭先靠咩意志黎行山既

受鎮宮真係無咩特色



尾段


好似好出名既三代木


2195米既最高學府


應該無人係度讀掛

阿里山博物館係成條森林步道最有興趣既

細細間得一條女睇場
講解下阿里山既歷史






我本來就係以為中興號係咁既樣所以有D期待架

成個博物館最好睇就係呢個古嘉義縣地圖

係日佔時既設計
上面仲有唔少日文

樹靈塔


神木站附近最巨形既香林神木


但當然無得同水山巨樹比

慈雲寺


阿里山吊橋



好短
唔太搖

其實尾段行得有D趕


因為四點半係尾班車
如果MISS左呢班就係行落山

神木車站係露天車站

立於兩邊森林之間
幾有氣勢

車站對面係已經倒塌既阿里山神木
傳說曾經達到三千幾歲



最後一張既神木車飛

咁就儲齊三大車站既車飛


阿里山全日既最後一班車

由神木開往阿里山


幾分鐘就番到阿里山站
係月台對面見到呢隻檜木車廂

車身寫住逢星期三行駛
我就無緣乘搭了

一出車站就見到觀日列車既時間出左

係朝早五點鐘
即係要四點起身
而回程時間未定

出黎D霧仲大左

心諗聽日仆街了

原來阿里山火車係有一日同二日票既

不過我咁樣分開買仲有特色

無野做行下阿里山車站
二樓係有觀景台既

出面真係幾大霧

站已封


今日無買到飛既朋友

可以聽日開車前火個鐘
即係四點半黎買飛

原來酒店果度叫做旅社區


所有酒店都聚集晒係果一區
除左最貴果間阿里山賓館係山上面

但最ON9既係要去旅社區係落條長樓梯

即係意味我每次都要爬番呢條樓梯先食得飯
真係好撚ON9既設計

我住間酒店叫做阿里山神木賓館
其實除左最貴果間其他全部評價都好差
就簡左好似最正路果間
reception幾好
會介紹晒成個園區比你
不過我已經差唔多行完

我住頂樓五樓
而呢D酒店
係無電梯既
即係又要行
好晒無行李JA

頂樓黑媽媽其實有D陰森

門口仲要開住

不過間房都幾四正

一個人訓兩張床

廁所就普普通通

但無浴廉
CLS

房入面有部水機

聽日餐券

酒店無早餐供應
需要行去餐廳區果邊食

沖個涼休息左陣就去食飯
呢間係全個園區最高評分果間餐廳

唔知咩人有優惠啦

有個三送一湯500蚊兩個人食係幾抵既
但我一個人食唔到咁多送
淨係叫左碟鐵板牛肉加白飯

都差唔多成舊水港紙

仲叫多個高山唔知咩茶
百鳩幾蚊台幣

點知比左碗茶黎
咁樣成三十幾蚊港紙
山上面真係乜都貴
突然覺得香港飲茶好平

園區仲有間七仔

勁多人買杯麵
明明第二朝一早就要起身
我淨係買左杯啫喱


MY酒店

因為聽朝四點就要起身
山上面又無野好做
差唔多九點就已經訓左

DAY2 完

又飛

嚟緊又去三次日本 樓主屈機

想跟樓主搵食

第二張用邊枝鏡影？

Business

咪係

係正到仆街

去過兩次，真係好鍾意阿里山，畀山包圍嘅感覺好正