文學放不開？只有鄧小樺放得開！評論香港港台節目「五夜講場」《文學放得開》

今次連欣師都出聲屌7肥婆 欣師真係正義嘅代表

據我睇過既先秦經學史，都會有「諸子既經學」既章節

//經學就好似西方嘅神學咁，有一種宣傳目的
佢講嘅義理，都係儒家嘅義理
變相會引人誤會，先秦之時，六經係儒家壟斷 //
依度你講左一點，經學係一種意識形態下既產物。而依個意識形態，講穿左就係推尊周禮（周朝既法度、人文精神）

先秦儒家既主張係圍住周經（禮）黎行，我地講果堆「仁、義」既義理，其實算係儒家研究經既副產品（可以諗下點解孟子比荀子批評，以及點解儒家長期係講「周孔」唔係講「孔孟」）
依度睇，兄好似覺得係儒家有套義理先，然後先套落周經度？？

咁咪有誤導性
而家你講經學，多數人唔會係想像到有「諸子既經學」呢一回事
而我地討論緊經史子集中嘅經部，可唔可以反映學術源流
如果你話可以，亦指反映左先秦諸子已有經學呢一回事
咁經部嘅圖書，好應該納入儒家以外對經典嘅著作

如果你話儒家以外嘅學派，冇寫過呢方面嘅任何著作
所以納入唔到
咁其實已經表示圖書分類，反映唔到學術分類
所以我強調，概念上唔應該將兩者混淆
有時佢地係重疊，但有時佢地有分別，唔可以想當然地將兩者等同

//先秦儒家既主張係圍住周經（禮）黎行，我地講果堆「仁、義」既義理，其實算係儒家研究經既副產品（可以諗下點解孟子比荀子批評，以及點解儒家長期係講「周孔」唔係講「孔孟」）
依度睇，兄好似覺得係儒家有套義理先，然後先套落周經度？？//

我話經學係後世，作為一種啟發義理嘅學問， 有一種宣傳儒家思想嘅目的
當然唔係指，先有一套完整嘅「儒家思想」去套入去經典

情況好似我地話，基督教，猶太教，伊斯蘭教對於希伯來聖經，各自有自己唔同嘅睇法
當我地用「耶穌思想」呢個詞，當然唔係話，耶穌先有一套完整嘅教義，再套入去
而係佢有佢嘅興趣，角度理解呢套經典，
係呢個角度下，經典又再啟發佢，令佢可以發展佢套思想

但當你用「舊約聖經」來指涉「希伯來聖經」，
其實已經唔算中性，因為呢個用詞有一種用耶穌思想來理解希伯來聖經嘅含意

而「經學」一詞可以係中性，唔係專指儒家對經典詮釋嘅學問
問題係，多數人唔係咁使用「經學」一詞，
大家講緊係儒家角度下研究經典嘅學問

巴打可唔可以開po講李白

將來會，但下次會先講莊子

咁幾時講？

希望新年

要睇下嗰幾集

Lm