(籃球故) 《我和籃球的約定》

Duke NBA代表人係J. Parker?
個新秀波都未打就變左核心?

Btw, 呢篇係好左少少既, 但係描述上仲係太少, 除左block fade away 同 拆屋之外, 好似都冇乜

而且一黎就可以入Duke 會唔會誇左啲啲? 如果係去到嗰個程度應該輕鬆打爆學界.

天馬行空唔係唔好, 但都唔好飛到咁高

個人覺得，我相信睇籃球故既人絕大部分都係想感受當年既熱血同青春, 如果太離地好難代入

因為係未來(2021年)
同埋我知誇左少少
不過之後會變返正正常常

Oh sorry
我唔記得左個時間線係2021
可以描寫主角勁成點先入到duke?
而家睇到既只係一個高既point guard, 或者point forward

佢有果種潛質
實力佢仲可以繼續develop

同埋有人同我講
比賽寫少少 highlight就得
唔使咁詳盡
始終籃球同足球好唔同

我當你潛質講得通
但身為讀者既我完全感受唔到

淨係寫highlight? Highlight到得一兩句?

我之後寫果陣再留意la
同埋一D唔夠詳細的地方，我之後會再寫返

你自己答唔答到有乜唔同啊靈寶
乜都人講你又跟咁款

lm

我就真心比意見既，希望ching唔好介意太直

首先呢，負皮係我比既，比你之前係人地個故到宣傳。見你咁耐都無沉底就入黎睇下。

巴打你本身有無打過隊，你啲人物描寫好撚離地。186打center？打小前就差唔多。咩觀塘高比一場拎52分，我打到咁就唔係A-grade打緊啦。然後隊友無存在感，一黎就比賽，好似隨便比個名佢，完全無刻劃過人物特色。

然後籃球故唔係比賽就愛情啦，比賽都唔知寫緊咩，似報緊比分多過描寫比賽。愛情呢第一句抄牌，第二句就上屋企？叫雞都無咁快啦。

最後一點就係一開頭就比個宿敵主角唔係唔好，你又無間接描寫佢幾勁，就咁話佢一場52分，成件事好空泛，又feel唔到佢好勁，睇落多兩行就被主角絕殺咗。what？

我都唔知點評論好，有個台仔故叫"最後一擊"我覺得寫得幾好既，樓主有心就睇下人地同自己有咩分別啦

巴打有無link提供？我搵到繁體字嘅都係好散 得幾章 係得簡體字先有完整版 定係你買書睇？

之前未出書係全部免費，出左書就變左收錢，不過都唔係好貴

各位巴打
我知自己有時會亂來
你地唔鍾意
但我想寫一個有自己風格的故

不過其實...大家係咪唔想睇

大家仲想唔想睇呀？

好 la
今日試下出D文la

你唔出文我點撚樣睇
唔通要我求你出？

出文啦

英文翻譯會用書面語表示

唔係

Chapter 4 追夢之旅

2021年7月1日。

我同之前見過的那個翻譯，一齊搭飛去Charlotte Douglas international Airport 的飛機。

冇錯，我接受左duke的 offer ，但我同佢地講，希望完成左中五的 final exam，先飛去美國。佢地應承左。

其實好多人都勸我唔好應承，原因好簡單：佢地唔想我離開。

原本我都有D猶豫，但阿爸的一句說話，令到我做出左決定。

「既然你的夢想係打 nba，有個咁寶貴的機會，你點解就唔試下呢？」

我的死黨聽到我應承去美國的決定之後，都話尊重我，仲話我記住要去食多幾件大波鬼妹。

Emily聽到之後，佢都祝福我前程似錦，但就決定要同我分開，因為，佢唔習慣天隔兩地的感覺。

唉。

我仲記得幾個鐘之前，佢地同埋其他同學，仲有張 sir，都有黎同我送機。

我今次飛去美國，都唔知幾時先會返來。

我會衣錦還鄉，定一無所有？

不過宜家，最重要的，就係要努力！

美國，NBA，我來了！

過左14個鐘的旅程之後，我終於到左charlotte了。

過去幾個月，我的英文經過苦練之後，已經進步唔少，所以過關呢D小事，我都可以應付。

「嗱，今日我地唔會去大學，會係酒店住一晚，聽朝我地先去大學，搞入學手續。」

「ok。」我道。

「good，一陣間 check-in左之後，你可以出去周圍行下，但記住唔好太夜返來。」

「知la！」

搞掂哂D野，我出左去行下，先至發現，美國同香港，完全係兩個世界。

Charlotte係 North Carolina最大的城市，每日都車水馬龍，一時之間，我仲以為自己仲留係香港。

係僅有的自由時間，我去左spectrum center----NBA球隊黃鋒的主場。

黃鋒近幾年都冇乜大球星加盟，不過我知道NBA傳奇Michael jordan own呢隊波，所以順便睇下有冇機會，可以目睹呢個球皇，可惜都係無功而還。

我返到酒店之後，睇左D關於 duke university的資料，原來呢間學校一直好少外國人入讀，我呢D連中學都未讀完的更係萬中無一，所以如果我唔係球技高超，能夠打動佢地，我應該呢世都冇機會入呢間學府。

Btw 我選修左 sports journalism，一來呢科易讀，二來我又可以為之後的生涯鋪定路。（仲有呢個科目多女仔讀 ）

無論如何，聽日，就會係我人生的新一頁。