其實每日上堂流程都係差唔多,都係上堂釣魚,食飯,再釣魚。因為冇人頂得順老師沉悶至極的講書。
好似上中文堂,老師屈sir講書講書悶到死,基本上冇一句野係我地聽得入耳的。只有班女仔同埋極少量的男仔係真係肯聽書。
唯獨PE堂,係我們可以盡情玩的堂。
咁岩今日有堂,之前果堂一放人,我地就立即衝落更衣室換衫打波。
PE堂其實有冇老師都唔緊要,因為只要佢點完名,就會放我地自由活動。
通常女仔玩排球,男仔一半踢波,一半打波。
而我地,當然係打波。
我今日特登著左對金色Jordan,就係要向班契弟施展腳法。
「丁生!傳比我!」
「好!」大威一個後手傳球,我前面完全空哂,再一下大風車上籃......
又入,我第四次得分成功。
「屌......你係咪食左過期春藥....咁撚勁ge?」一個防守我地的同學喘著氣道。
「唔係......最近睇左d.rose的上籃,想試下姐...
」
「你咁勁,張 sir之後一定比你做正選 la!」業華讚道。
「希望la...... 」
過往D比賽,我一直都只係擔任後備。
希望我聽日的訓練,可以打動到張sir啦....