[威士忌] [朝聖] 蘇格蘭 比利時 瑞士 毒遊一個月威士忌鬼妹之旅

有時飲D wine cask finish 想同本身隻wine pair 咁試分別係點

今日做節，夜少少再出文

呀係喎sorry 我記得whisky 同whiskey 係有分別，但我唔記得邊個打邊個，原諒細路唔識野

Spirits 黎講鐘意tequila, 不過通常係買silver tequila 攞黎溝tequila sunrise

Rum 呢都係上wset 先試過neat, 平時都係rum and coke

鐘意拎啲日本威黎溝highball sorry 乜都係溝

弱弱一問，波本係bourbon? 想問scotch有冇出bourbon 嫁

打劫左你個旅遊台post 唔好意思

入門級數嘅烈酒用黎溝的確常見，但係如果去到單桶rum/vintage release 我就好似對待高質素威士忌咁品飲

Bourbon 同Scotch 應該睇為兩個分類，bourbon whiskey 多數用玉米做原材料，而scotch 法律上只能用大麥barley，邏輯上已經不可能出現 scotch 出 bourbon 呢樣嘢 (事實上就好似問 蘋果幾時出samsung ) 不過唔緊要，請隨便發問，多討論先有嘢學到

送上一張我很喜歡的 Caroni 15 y.o Trinidad Rum

正如我之前所講，Dornoch 係冇火車站的，我翻Glasgow 就先搭長途巴士落Inverness，再搭火車翻Glasgow。1點鐘出發，一路都係搭車搭車搭車，原本喺Inverness 有bar 想拜訪，但係唔想太夜翻到Glasgow 就冇去到 雖然之後因緣際會翻左黎仲飲左一對超級波摩。

翻到Glasgow 已經係夜晚7點幾，呢兩日食嘅嘢都比較花巧，所以今晚想食實際少少嘅 bar food。Glasgow...bar... 答案只有一個吧

Bon Accord！The world famous Bon Accord！呢個名係Bon Accord 自己話嘅，甚至乎印左落bar mat 度。


可能你會問，有冇咁架勢呀，嘉士伯夠話自己可能係世界上最好嘅啤酒啦；我可以同你講，Bon Accord 受得起有餘，首先偷佢哋圖用例子說明先 鬼妹呀。

Pub of the year 2019！

講多無謂，快快手食左個steak pie，就開始飲了。開頭飲左half pint cider of the week 清清個口，費事up 圖了。
真正嘅享受由我嘅二奶廠開始。St. Magdalene



St. Magdalene 整個profile 注定成為獨當一面嘅whisky cult - closed distillery(又係捱唔過1983，慘) Lowland 傳奇 加上非常有實力嘅出品 比人炒貴到仆街。有Lowland 嘅清新花香 蜜糖 水果 礦物感，但酒體並不一定係Lowlanders 嘅輕盈。St Mag 係甜美清幽得黎非常有力，兩種算係相對嘅quality 可以喺一枝酒入面交替出現，所以呢間廠超容易墮入深坑。St Mag water down 嘅裝瓶較為經濟，難得嘅係唔會好似其他43abv 裝瓶咁淡口/finish 散。
G&M 1982: 菠蘿汁 礦物 蘋果糖

我每次飲威士忌，都會事前考慮大概會飲邊幾枝，從而安排一下飲嘅次序。最好飲嘅唔一定要第一杯飲，因為你嘅palate 係需要熱身嘅；但係擺太後你可能已經味覺疲勞，又或者比其他濃味bottles蓋過，所以我建議大家都要習慣下plan ahead 了。而今晚，St Mag 咁出色嘅威士忌，很抱歉，二奶為大婆作嫁衣係天經地道的。

要喝good Bowmore 了



1957 海鷗！

時間停頓了。我打一萬字講50s-70s 波摩有幾fruity 優雅，都形容唔到我飲呢啖嘅十份一。唉，我飲唔翻咁好飲嘅波摩點算呀


海量嘅黃色水果，水蜜桃汁，甘草糖，輕柔 若有若無嘅泥煤煙，以淡香料作結。
唉

同bartender 四目交投，大家都冇講野，亦都冇需要講野。酒逢知己，係落bar 飲威最好嘅收穫。後來我先知道原來serve 我嘅係太子仔Thomas，如何熟絡就係後話了，Bon Accord 會老是常出現的。

時間恢復流動之後，Thomas話，喂你鍾意雪莉波摩嘅，不如同呢枝pair 啦。我心諗要同舊海鷗同級數得黎仲要味道唔撞嘅雪莉桶可以有咩呢？然後，我再次被震驚了。



黑波摩。ok。
黑波摩係什麼概念？1964 Vintage，市場價格長期6位數。

當時只係我第三日喺蘇格蘭，所以我答Thomas，maybe next time，但係估唔到然後就沒有然後了。
如果個天可以比我翻轉頭，我會話

包底，留樽，快手啦望。

後記：
57 海鷗full shot 是這個價格，absolute value 貴嗎？貴。但係我敢講香港一定無可能呢個價飲到。

今日出得咁快

一路睇都想問幾錢，估唔到最尾有

[/quote]今日出得咁快[/quote]

因為今日要上堂

祝各位中秋節快樂

酒呀!

巴打，可唔可以講埋每杯酒幾錢啊？

記得嘅就講 有d 款個價冇參考價值

黎明睇good whisky

推下post先

巴打言重了，我都係諗到乜就講乜，歡迎多多交流

冇車玩其實比大家想像中方便得多，亦都唔使擔心designated driver 呢個問題，只不過睇黎我永世都去唔到GlenDronach

巴打又記得我去GlenDronach...
我去嗰陣係朝早，無記錯嘅係十點鐘，同場得兩個美國人，好舒服。Distillery Shop有hand-fill可以自己斟 (250鎊，我買咗支)，另外有最新嗰轉single cask賣，抵玩~

如果搵人揸車載自己去，其實都OK...由鴨巴甸出發嘅話，應該唔難安排，車程啱啱一個鐘左右。你下次去蘇格蘭嘅話，諗諗佢~~

ching 咩u ge pogram黎

從Dornoch 翻黎之後嗰日係星期六，我班團友要星期日下奏先到，咁我就好好享受埋單機fing 嘅時光。Glasgow 老老豆豆一直比我印象都冇愛丁堡咁好(到今日都係)，打卡位我上年黎蘇格蘭又已經去過，所以我訓醒當機立斷就搭火車過愛丁堡算了。

Glasgow 去 Edinburgh 大概50分鐘火車，自從我第一次去愛丁堡就已經深深愛上呢個城市 - 當倫敦越黎越多移民同飽和，我慢慢發覺愛丁堡更貼近英國自細喺我心入面嘅形象 - 古風嘅城市，但絕對唔係落後；內斂嘅人民，但絕對唔係冷漠。愛丁堡基本上用一個山坡 一條馬路分隔開舊城區新城區，食飲睇玩基本上都非常好。

出火車站行5分鐘，搭巴士離開Edinburgh downtown 冇錯，去Leith
Leith 是什麼來頭不重要，重要是這個。


屋？樓豬去睇樓？仲要揀棟殘殘舊舊嘅？

睇埋門牌先。




冇錯，呢棟舊樓就係蘇格蘭威士忌協會(SMWS)總壇。唔好比個名大到，協會唔係好似FIFA 咁，你當係一個獨立裝瓶商(IB) 就可以了。協會裝瓶最獨特係會用數字作代號，而不直接透露裝瓶係黎自邊間酒廠。每間酒廠嘅代號係唔會變嘅，數字只係協會歷史上裝瓶酒廠嘅順序，唔代表優劣排名。協會呢個做法，原意係想帶出品飲應該係味道行先，唔應該被酒廠名氣，個人preference，marketing gimmick 等等影響，都算係破格而且睇得出有熱愛威士忌嘅初心。諷刺嘅係，而家協會做好多商業化嘅小動作，都係令唔少fans 有微言，但呢d 都係後話了。

協會黎講，我都必須承認 Laphroaig 29 應該係最多好作品而且最高質素嘅裝瓶(3號仔波摩依然維持高水平)


協會仲有一樣好處係好肯玩桶，算係少數渠道試到好獨特/近乎亂黎嘅finish

平時我就唔太好Springbank，但係呢枝的確非常出色。好有Springbank 特色嘅重雪莉：適量硫味 火藥 皮革 烘烤果仁 大量乾果 很好喝的一瓶，甚至個人覺得有點舊日威重雪莉的感覺


總壇係members only，環境非常適合慢慢攤屍一個週末下午，食物亦都相當出色而且出奇地平，而家我次次去Edinburgh 都要去hea 半日了。

多納冇車係完全唔使旨意去，而家Rachel Barrie話事都想去朝一朝聖，畢竟RB 喺波摩嗰陣都帶左幾枝好feis ile 比大家。

之前約Rachel Barrie 真人訪問，不過時間夾唔到sosad

經UST 報，同蘇格蘭嗰面合作。但係其實成個commission 係anglo american 唔打算受其他人玩 因為UST 係唔知乜strategic partner 先推我去

協會初頭原意唔開名 到依家 睇number做人