[威士忌] [朝聖] 蘇格蘭 比利時 瑞士 毒遊一個月威士忌鬼妹之旅

高質post
留名學野

波摩兄hi

食飽飽先係夜晚嘅真正開始。
打頭陣揀冇咁濃味，優雅d嘅。

43年嘅bunnahabhain，natural cask strength 只有47%，注定係一枝淡雅細緻嘅作品。一如其他高年份Bunna IB，味道絕不霸道，輕柔嘅雪莉風格，淡淡果乾 老木材

時間尚早，繼續清新路線，避免味覺疲勞。
今次飲Irish。



好多人都對愛爾蘭威士忌冇好深認識，其實有說法係愛爾蘭比蘇格蘭更早有威士忌，係真正嘅發源地咁話。堅持triple distillation令愛威有非常標誌性嘅清新水果味道以及輕柔酒體。其中以1988-1993 呢幾年嘅Irish 單桶最受推祟，當中大部份都係Cooley 嘅存酒，亦都有Bushmills 嘅作品。我個人較為喜愛Cooley嘅風格，水果糖 果汁 香料嘅配搭完全唔會悶，但係威士忌就係咁估唔到，呢枝開名Cooley 竟然係較為香蕉糕 creamy 呢種”Bushmills“ 味。雖然係咁，但係都不失為一枝好作品，而且下下都估到仲邊好玩呢

TWA

等你的bowmore篇

同場加映得意嘢，inert gas spray


照計就wine 用多（好似係），原理係噴inert gas 入開左嘅樽，等入面嘅酒液減少oxidise 嘅機會/減慢oxidise 嘅速度。空氣其實係儲存威士忌嘅敵人(仲有陽光)，所以有bar 肯咁比心機keep 係感動嘅。
空氣 陽光 容器 如何影響威士忌存放可以望望
https://scotchwhisky.com/magazine/features/18126/how-do-storage-conditions-affect-whisky/

熟悉我嘅手足們都知道，或者有留意我username嘅巴絲都可能估到，我係Bowmore 忠實fan 以及打手。出品質素好固然係波摩吸引我嘅原因，但係更令我瘋狂嘅係波摩嘅歷史與廠風格嘅變遷。冇錯，威士忌都可以好似利迷咁 J歷史。波摩大致上可以分為三階段：

1: 1950s - 1973 呵氣如蘭，美豔不可方物
對威士忌稍有認識嘅巴絲應該知道，Bowmore 係艾雷島產區，亦有相當煙燻泥煤風味(現行波摩大概25ppm)。但係早期嘅波摩，可能係全蘇格蘭最fruity 細緻 優雅嘅威士忌：連綿不絕嘅新鮮水果，淡淡煙燻，優雅不霸道嘅泥煤，配以油性 mouth-coating 嘅酒體，就好似你將個頭輕輕依偎喺女神大肶，一切氣味都令你心動，但係你知道絕對不會跨過嗰條界線。一切都要歸功於傳統做酒技術：煤炭直火蒸餾，長時間地板發麥，頂級雪莉桶等等。

2: 1974 - 1990 M男時期
呢個時期嘅波摩，最普遍被形容為香水 薰衣草 番梘 。外國飲家抵死地叫呢種味 FWP = French Whore‘s Perfume 法國臭雞水。奇怪嘅口感以及非常人工嘅香味令唔少飲家不了，同時好多死忠對呢種口腔責罰不能自拔...

3: 1991 - Now 砍掉重練
九十年代初波摩經常喺蒸餾過程有好多實驗性質嘅改變，加上易手，係波摩重新確立廠風格嘅好機會。我認為最標誌性嘅舉動，係將泥煤塊磨碎先燒，酒體馬上變得更貼近60年代嘅油潤，但同時亦都史無前例地peat。雖然係咁，不過peaty 左同現代嘅海洋感 海風鹹香風格更為配合，加上本來fruity 嘅newmake，現代裝瓶係穩定地高質素。而且我好欣賞波摩好肯試玩唔同嘅桶做熟成或過桶(Suntory應記一功)，claret wine，port，甚至mizunara oak都有作品而且係唔伏的。

咁講咁耐，我飲左乜呢？

就係黑蛇1973



一聞，真～
等等，咪住先。

我嘅新鮮水果呢？
得香料 木材 海草 少少乾果

都係好好飲嘅，但係我一心想飲高潮式fruity bomb 波摩，而家起得一半機。
所以話，威士忌真係無窮樂趣。中setting，vintage 責界，可以風格爭好遠。OB IB 亦都有一定唔同。事實上我飲過最好嘅fruity Bowmore 都係OB 海鷗，但係呢個就遲下再講

當務之急係要解決翻心靈上因為巨大落差嘅空虛感。

辦法只有一個，drink good whisky

正評

熟悉我嘅手足們都知道，或者有留意我username嘅巴絲都可能估到，我係Bowmore 忠實fan 以及打手。出品質素好固然係波摩吸引我嘅原因，但係更令我瘋狂嘅係波摩嘅歷史與廠風格嘅變遷。冇錯，威士忌都可以好似利迷咁 J歷史。波摩大致上可以分為三階段：

咪jer啦

LM

呢加仲係day 2幾時先到尾

喺我萬分徬徨之際，想起一個威界死對頭嘅名言。

不買樓 不生育 不喝Brora

紅軍教落，敵疲我打，敵退我追。敵人不喝的威，我來喝。



飲Brora 一定係飲OB。Rare Malts Selection 1972 已經係可遇不可求，1972 呢個年份同 Brora 嘅關係我就唔喺度拋書包了，有興趣嘅手足可以去whiskyfun 望望。呢度有 RMS 1977，信心嘅保證，馬上不問價叫了。

Farmy 麥芽香甜 礦物 蜜蠟 橙花 熱情果 淡煙燻泥煤 杏桃

以上味道順次序出現，然後不順次序再出現

Brora 真係好好飲，趁仲未 都是喝不起的價格 同 酒在歐洲，奉勸大家去開旅行見到就好飲了。

波摩篇仲有30日到

係咁jer

你支支酒都寫咁長
寫到我明年去bowmore都可能未寫完

大家有乜問題可以隨便問

波摩兄都算教我好多野
但係成日jer我紅軍

ok 之後轉jer 第二隊

舟車勞頓，飲飽食醉，蘇格蘭第二日就此美滿地完結。

第二朝訓醒已經十一點 一場黎到Dornoch 當然要行去Dornoch Distillery 參觀下。
Dornoch Distillery 其實係 Phil Thompson 同 Simon Thompson 兩兄弟喺2016年眾籌成立嘅一間迷你 家庭作業式蒸餾廠。人地演而優則導，Thompson Brothers bar 而優則廠... 其實佢地兩兄弟就正正係尋晚 Dornoch Castle Hotel 嘅太子爺喇！而Dornoch Distillery 嘅地址其實就係酒店嘅後花園一個小棚屋 Thompson Brothers 本身都用自己名成立左 IB 品牌，暫時推出嘅裝瓶亦都備受好評！




去到門口裝裝，兩兄弟都喺度 剛剛想話自我介紹 寒喧一兩句，Phil 話 "You were at the bar yesterday eh?" 太子爺開聲，受寵若驚。吹左幾句水，Phil 竟然話 Let me tour you around！

一入去就真係一間房仔，基本上真係迷你版廠，所有器具齊備。最意外嘅係，咁細規模兩兄弟都打算有酒款做peated style，而且有人專門去收集peat。Production area 就冇影相喇，但係正如所有酒廠，參觀重點仲有warehouse！

一排等入桶嘅barrel


肥仔butt


兩兄弟超級好人，連newmake 都肯比我試！

酒體算厚重，油性，estery及水果

當初開放包桶計畫，印象中大概係幾萬蚊港紙就有交易。據我所知，香港應該有業內人士/bar 有包到嘅
Dornoch Distillery 應該差不多有自己出品可以裝瓶，有興趣嘅巴絲不妨留意下！

所以，Clynelish 數字上好年輕，但係其實佢嘅故事同歷史，以致被追捧程度都係數一數二㗎。
個人好鍾意TBWC 呢張卡通標，完美摡括Clynelish 同 Brora 嘅關係。

TWBC 個clynelish label 真係幾靚

入廠真係幾好

一望先知佢地準備出d bourbon cask 係用koval

支持波大

暫時未有機會好systematic 咁學whiskey,都係有機會上下workshop 咁 你講多啲啦！

鐘意wine多啲
其實係絲不過一樣姐是但啦

留名學野

好多時飲開威都會鍾意埋wine或者其他烈酒，始終品飲享受聞香味道本質差不多。
wine 我會飲但唔係特別好，比較鍾意rum 同干邑雅邑calvados

另外蘇威我地係用whisky，whiskey 多數都係美國波本或者Irish workshop 黎講香港嘅質素我真係不敢恭維 圍內吹水交流學得仲多