韓醫可以同西醫共存 點解中醫係香港搞成咁.....

https://www.hindawi.com/journals/ecam/korean.medicine/
韓醫係韓國都幾好環境，至少好過香港的中醫
每次見人開中醫ge post都有人話係偽科學
尤其係herbal medicine方面
反觀韓國的韓醫同樣源自一套理論哲學
反而係韓國有公信力
仲用科學化標準解釋韓醫理論
力撐傳統之餘又用埋最新的儀器

點解香港做唔到....
三間有開中醫科的大學
支那仲有一堆中醫大學同科學院
但係仲停留係30、40年前的模式
仲服唔到眾
中醫真係好悲

你地又覺得點解？

利申：剩係知少少
有錯請各位ching指點

大長今個種？

韓醫學（韓語：한의학），又稱朝鮮傳統醫學、東醫是朝鮮半島的一種傳統醫學，主要是在傳統中醫的基礎上發展起來的。其治療方法和技巧與其它傳統醫學相像。20世紀朝鮮半島分裂後，韓國改稱東醫為「韓醫」，朝鮮仍然稱其為「東醫」。

留名等睇兒登仔話中醫無科學根據

咪有認屎認屁嘅文化囉

https://youtu.be/IWIRZbsc6b0
（雖然係生果報，但睇到韓醫係幾好撈）
咁點解韓國人唔反
如果真係毫無價值
佢哋應該好似你咁狂插中醫

因為D西醫撚同科學撚要否定其他醫學科
唔係點揾食呀
有癌症糖尿呢類病症係手
好過開銀行啦

記得有個中同上左廣州讀中醫
佢話中醫都有類似韓國嘅概念，將中醫加入西醫嘅嘅科學技術，去應用同解釋中醫
無奈佢話上面始終文化上好推崇一啲中醫秘方，而且用西醫角度睇中醫又唔能夠全面解釋所有，搞到中醫浸味硬係有啲落後feel
記得仲有一個位係，上面就算講到中醫幾咁科學都好，大型醫院都只係用嚟輔助西醫
有時醫唔到or醫衰咗都係輔介你去西醫睇

利申 憑記憶 上年聽中同講

https://www.ncbi.nlm.nih.gov/pmc/articles/PMC4710949/
呢篇文都講左韓醫點用科學解釋自己理論

日本都有中醫,但日本既中醫係西醫再讀專科變出黎的
冇得直接讀中醫的

支那d風氣
不過又唔係話輔助唔好
日本的漢醫都係係西醫治療癌症時候降低副作用
好直接講中醫醫唔到大病、癌症
但係作為改善亞健康的方法
日本、韓國都做緊
未來人口老化問題會更嚴重
中醫可以幫到手、搵到係醫療界的位置已經好好
希望香港唔會又俾日本、韓國行前一步

韓醫發展到係因為韓國政府都好支持 每年撥款去研究 成果自然出黎
雖然韓醫都係源於中醫 但韓醫的確有啲青出於藍 至少韓國由民眾至政府都支持
唔似中國咁神棍咁多 西醫又橫行

既然韓醫理論研究都有d成果
可唔可以理解為中醫理論有可取之處
一切都係錢的問題

其實我都信中醫 只係可以拎得出黎既實際例子唔多

之前試過咳左成個月 睇西醫都冇用
食幾日川貝枇杷露就好快好返

背後 一切都係＄問題
藥廠先係話事人

你試下 三星有巫醫研究
一樣會好出名、好受歡迎

當有日所有中藥演化成得大藥廠先出到
平常已經不能（禁止）採集栽種
中醫地位就會提升
但係就醫唔係好到人（效力差晒）

就好似你去藥材鋪睇中醫
個老細 9成會叫個中醫開d 貴得離冇乜用嘅藥落去
救人？救荷包？



中醫牌邊個發出？西醫發出 ...
中醫最可悲嘅就係西化

中醫本冇分科（唔會係你唔可以諗埋我果飯，唔係我點搵食？ ）
全科都要通晒（講求醫到人，而唔係以人為生物產品，講求效率）
中醫套基礎理論本身好高 ...
依家慢慢開始西醫化，變左西化中醫 ...
中醫藥粉就係一例 （廢左幾成武功）

香港中醫院攪唔成其實係好事
因為攪左出黎根本係西醫院
中醫住院？

依家係為左要中醫出頭，就行西醫制度
諗住可以得到人地認同
事實係永遠都唔會得到西醫認同
除非他朝有日，科技先進到解剖個人真係發現到 "五行、氣" 嘅存在
咁就要套上其他西學名，再認同中醫套野原來都似西醫呢套新野

現代化 != 西醫化，點解要以生物機器運作角度醫人？
科學係啱 != 陰陽係錯，點解唔比中醫用檢測儀器？甚至連寫信去驗都唔得。。
中醫參差不齊 != 中醫係廢，點解唔可以中醫自己訂個透明制度？

我自己揀：
西醫：科學儀器檢驗、急症外傷、手術等等
中醫：其他大小病，尤其是雜病，慢慢醫

講養生：
更加跟中醫果套

鳩嗡完 ...

講起成藥
以前我就飲 川貝枇杷露
依家就 三蛇膽川貝液

西醫咳水似七傷拳 ...

西醫醫到癌症？
手術割完就係成功？死左就係病人問題？
化療頭幾次頂唔順死左 ＝ 病人問題？

西醫點醫神經、免疫系統病呢d 大病／絕症？

中西結合都要平等共融基礎先成到事

而家好多中醫都有科學數據支撐
係連登仔先話中醫唔得喳

中醫醫癌症：緣份到了 自然死亡

http://the-sun.on.cc/cnt/news/20130301/00410_010.html
醫知健：瞞西醫服中藥 癌症病人惡化

唔係話反中醫 不過拎D證據出黎show比人睇你醫得好人先得架

傳統中藥有D證實到有效既 自然就會比全世界採用 例如青蒿素 (有份研究既屠呦呦仲拎左Nobel prize)

唔係靠幾個人黎見證奇蹟話醫得好就得 鳩估醫唔到就賴你體質有問題

我冇話中醫一定醫到癌
人，本身就有不同，藥又點可能一樣？(人人都食同一隻antibiotics )
醫病都一樣，中醫醫癌，一定有人成功一直控制住，亦一定有人失敗
醫師同病人 之間嘅命緣

我只係反問 “好直接講中醫醫唔到大病、癌症“
難度西醫醫到癌？
N.E.D. = 冇癌了？咁果d 切左成條腸就算醫到？過一年又出返黎點計？
眼不見為之乾淨？

氣乜鬼野功 ... 9成呃人
現實氣功越老越冇，電影氣功就越老越有
現代人重有幾多個由細到大有練氣功？（練成唔識化死左幾多個 ...）
時代唔同，氣功已經不行了 ... （冇4g地區應該可能會有d 大師 ）