[直播]獨闖非洲之巔，5895米吉力馬札羅山

可唔可以加速 好正

留名.

未去到營地，間唔中會有呢啲喺路中間起好嘅廁所。不過入面通常都好臭

大部份人都會選擇搵啲隱蔽嘅石仔匿埋痾，見到一堆廁紙嗰啲位置就係好位啦



一馬當先嘅導遊Innocent。





第二日Camp Site，標高3750米嘅Shira Camp

大概係高反藥已經開始生效，嚟到比起尋日高一千米嘅營地反而冇尋日咁頭痛。全隊六個人嘅狀態都非常良好



繼續大魚大肉 好肥美嘅牛油果

食完飯3個Guide就會入晒嚟同我地量心跳，仲會比張表叫我地填有冇咩唔舒服，同埋叫我地幫自己今日嘅狀態評吓分。前一日有啲頭痛我畀咗自己7分，呢一日幾乎已經冇晒頭痛，只係朝早我為咗令到狀態再好啲，以防萬一食定咗粒頭痛藥。希望聽日可以連藥都唔駛食



山頂我嚟啦

佩服巴打環遊完世界後，仍然有動力挑戰更多地方

今次真係完啦 有排都冇長假了

好鬼正

適應高山嘅其中一個方法，就係行得高瞓得低。即係日頭盡可能上高少少嘅地方適應一下，然後落返低少少嘅地方瞓覺。

見時間尚早，導遊就提議行多個幾鐘，上多幾百米去四千米適應一下高度，之後再返落Camp Site休息，話咁樣對之後幾日會有幫助



Grace姨姨表示可唔可以唔行

Kiat老公就話比啲心機，唔想再嚟第三次啦



如果行嘅係對面呢座，係咪就快到頂？行嘅時候係度諗，如果呢座係37XX嘅富士山，我係咪已經攻頂了 估唔到我呢啲濕鳩撚屌都可以行到富士山



或者呢座都真係可以上得到去？

喺高原呼吸係會有啲沉重，每次抖氣都好似喚醒返當時喺玻利維亞嘅記憶。唔同嘅係今次得返我一個人 雖然呢度嘅天空似乎更加清，每晚一抬頭就見到銀河，比起天空之鏡嘅星空更加壯觀 但就始終覺得兩個人一齊睇係更加靚

發完神經，就落返去了。佢地已經開始勁歌熱舞



一邊打拍子，一邊唱Song Of Kilimanjaro 不得不承認非洲人嘅音樂感係相當之好。隨便一唱已經屌打尖咀海旁嘅大媽大叔十條街





再捉埋姨姨埋去跳

呢個其實係一個介紹團員嘅儀式。之前一路都淨係識得3個Guide，但原來其他Porter都有好嚴格嘅分工，連每個客人嘅行李係由邊個Porter負責拎都有指定，所以如有唔見嘢就會知道係邊個負責 個Guide直情講到出口，如果有唔見嘢同掟爛嘢就認住幫你拎袋嗰個人，返到公司可以投訴 好似為咗保障遊客連Porter嘅尊嚴都犧牲埋噉

3個Guide，1個廚師，18個Porter，其中啲Porter分別負責管理每個客人嘅行李、洗廁所、搵位扎營、每日裝山水加消毒、行完山熱水侍候、食飯時做埋侍應⋯⋯而呢啲工作，全部都係每日孭住廿幾公斤行十公里之後再額外做嘅，嚟到呢刻終於明白點解要咁多人了

事實證明吉力馬扎羅山上沒有WIFI

如果有高反覺得頭痛
食必理痛嘅頭痛藥有無效/好唔好？

D porter 體能好到一個點 好撚勁

由你第一個到世界盡頭post 追到live
我睇到好熱血

買張Data卡Send吓WhatsApp係可以，唔好好似我打算上連登就得

都會有用

不過如果有其他徵狀（痾嘔、冇胃口）都要靠高反藥

真正勁嘅人根本咩裝備都唔駛，有啲見佢着條睡褲就上山

多謝支持

頭兩日都冇乜嘢，第三日一起身，食食吓早餐，見到有煲粉紅色嘅麥皮，抱着嘗試嘅心態食咗一啖，味道有啲酸酸地，然後就即刻衝出帳幕嘔咗出嚟

之後成班人冇人夠膽再食嗰樣嘢，仲特別要求聽日想食返Pancakes

但我細心一諗，應該唔關啲麥皮事，因為我只係食咗一啖，就算變壞咗都冇咁強力，同埋我食之前已經有少少頂住頂住嘅感覺。而我嘔完之後，胃口反而好好，即刻入去啪多兩塊多士

如果係高山症作嘔，應該冇乜胃口先係，同埋尋日瞓醒晏覺都冇任何唔舒服，唯獨朝早先係噉。我諗嚟諗去，就醒起一樣嘢。

嚟坦桑尼亞之前，我參考咗世衞嘅建議，買咗啲抗瘧疾藥每朝一粒噉食。但我問返另外嗰五個人，佢地都話醫生冇建議佢地食，因為Kilimanjaro附近嘅蚊患並唔嚴重，感染風險唔高。回想返嚟到坦桑尼亞之後，真係蚊都冇見過一隻，連支蚊怕水都冇拎過出嚟 而家睇嚟就係朝早食完啲藥就想嘔，既然冇蚊不如聽日開始就唔好再食



個天都話我知噉做係啱，賜我一片藍天

由第三日開始，我地已經喺雲海之上漫步。



朝早嘅問題早已唔再存在，越行狀態越好。反而頭兩日冇任何唔舒服嘅Sam就話有啲頭痛。而喺路上，我地都見到有其他隊嘅人行到嘔了



Porter們繼續發揮神力



Mfaume話教佢做導遊嗰個老師第一日就同佢講，知唔知做Guide最重要係咩？就係唔可以病 就算病，都要隱藏起嚟，唔可以比客人知

我問佢有咩唔病嘅秘訣 佢淡淡噉講咗三個字：Listen to yourself。

喺有唔舒服之前，就要知道，然後食好啲，瞓好啲，好返先帶團。仲話自己自從做咗Guide之後都冇病過



接近中午，雲霧就開始嚟。山頂亦都被遮蓋。

Porter身影好有啲無名英雄feel

就快到Day 3食飯嘅地方，Lava Tower。



海拔4600米，亦係呢一日嘅中途站。負責午飯嘅廚師同Porter會留低，冇份嘅Porter就直奔今日營地



留低嘅Porter James向頭痛嘅Sam恭喜佢又過一關

James係其中一個英文好好嘅Porter，所以佢負責嘅工作都同我地接觸得較多，就係食飯時傳菜派餐具，每日早午飯將啲茶包咖啡粉拎晒出嚟比我地用，同埋每朝早做人肉鬧鐘嗌醒我地 淨係啲杯杯碟碟，裝嘢食同湯嘅煲，加埋啲朱古力粉、奶精、密糖⋯⋯都唔知幾多公斤，都係靠佢拎晒上嚟

食完飯之後，天氣顯著變差。開始落雨落冰雹 影親嘅相都係一片迷霧。



Porter孭住食飯時用嘅摺櫈前進



十幾秒後，已經見到Porter極速超前中間嗰個紅衣人

後來隔住手套都覺得凍，濕滑嘅路面亦令我唔敢多影相，要專心落山。



兩三個鐘頭之後，落返3900米嘅camp site，終於可以休息了。影完呢張雨褸裝嘅相之後，Kiat同Grace好快就返咗自己個Tent，直到食飯都再冇見過佢地。



呢段時間，天氣亦變返好晴朗。學Viviano話齋，Weather on Kilimanjaro is unpredictable。

食飯嘅時候Kiat都遲咗好多先出嚟，而且冇晒胃口 據Grace講，佢好似有啲唔舒服。而我好好彩，除咗朝早嘔咗一獲，一路嘅狀態都係好好。嚟到呢日，我、Sam、Vicky同先後試過頭痛，Kiat直情要匿埋喺帳篷入面休息。暫時冇講過有唔舒服嘅，就只係Grace阿姨同法國仔Stephane。

我地不禁問導遊，通常行呢條路登頂嘅成功率有幾高，究竟佢覺得我地可唔可以全員完成登頂？

佢地就話，我地公司都有八九成機會成功，我睇你地⋯⋯全部都冇問題！

嗱你唔好呃我呀！我信你㗎啦

Live

可以輯錄成書

D Porter勁到 10幾歲就揹20幾kg上山
有無夜晚銀河既相

d Porter 煮既野食好唔好味?通常會煮d咩?

一個6人tour
上山變左廿幾人 都幾壯觀