[直播]獨闖非洲之巔，5895米吉力馬札羅山

巴打我黎緊去尼泊爾行山，上到5千幾米海拔

有諗過去，但見佢呢幾日不斷落雨

巴打行邊度

行ACT 13日

我下個月先去，天氣會好啲

成個trip 包晒全部野大概1萬多啲hkd

預祝巴打成功

聽講而家ACT啲山屋有晒熱水wifi，好舒服。呢個價錢同非洲比好抵屌

留名

巴打之前行過最高嘅山係邊一座？

最高係秘魯嘅彩虹山，5100左右

希望冇事

留名預祝巴打登頂成功！

正呀留名！！成日都想出國行山影相！不過肥毒怕行死

試吓囉 香港好多練習場所

我都未必登到

留名

我暫時最高係富士山，想一路挑戰行啲再高嘅山

lm

lm

第一個搞掂過關，拎埋行李，衝出機場



頭先提到，因為一定要跟公司行山，而報到啲公司都包埋機場接送，所以一出機場已經有幾十個分別代表唔同公司嘅司機喺度等緊大家。



如果冇book好接送嘅話，就只能坐的士，去最近嘅城鎮moshi或者arusha都要USD50

大佬半個鐘車咋喎

個團費包咗來回接送，噉計落有100美金係車費



沿途見啲坦桑尼亞人一係跑，一係踩單車來回，再次印證咗非洲係好奢侈嘅事實。因為冇公共交通，所有嘢都要點對點專人服務。如果唔係單車旅行，就只能冒住風險截順風車。

比着係上一年嘅長途旅行，我肯定堅決唔報呢啲咁貴嘅團，就算想行山都會嚟到再睇下有冇辦法，可能截車去城市，再搏吓南極之類嘅last minute飛。唔知係咪一個人去，變得細膽咗，定真係好想做到女神所講嘅：「記得要平安返嚟」，又或者係已經搵到工，寧願花啲錢買個保障。總之，個人好似變得冇咁冒險。

係成熟咗？定係保守咗？我唔知道。

當我沉思緊嘅時候，吉力馬札羅山已經喺我面前。

當年我都係夏天去，已經講緊就黎會無晒雪

巴打行開山？覺得難度如何？

留名

成日行㗎 不過行得唔快咁解

酒店都係個團包埋，所以都係豪華嘢

之後check返間房如果自己book，都要成千蚊一晚 就我睇嚟全部入住嘅人都係經同一間公司報名行山嘅，應該唔會有人自己走過嚟。咁鬼僻，都唔知點過嚟

團費包咗兩晚，計返都值USD200，扣埋車費同入場費，唔怪得成日有人話最終分比導遊同挑夫嘅錢係得返好少 就算係收咗我遊客價，賺嘅都只係間公司。即係無論幾多人嚟呢邊消費，啲錢都落唔到一般嘅百姓度，就好似香港咁多大陸遊客，都只係金舖同藥房賺錢，窮嘅人始終都會繼續窮



間房算大得嚟幾乾淨，如果放落東京首爾估計都要一千蚊一晚，同阿媽旅行通常會揀呢款。



但無論房入面幾正常都好，出面都係爛嘅

所以唔駛擔心唔記得自己去咗非洲

我因為比較穩陣，一早揀咗留多一日，後日先開始行山，事後證明我嘅選擇係冇錯。因為酒店入面有個印度女仔今日一嚟度就發現行李被寄失

lm

正呀好想行

lm

留名 啱啱行完座5600m的山

正皮

由酒店出市中心，行路半個鐘，酒店call的士就5蚊美金。喺酒店識咗幾個印度人，佢地提議一齊坐車出去食餐飯，除返開都係1蚊，我地就一齊搭車了。

坦桑尼亞嘅貨幣係先令，一般可以兌到1美金：2270先令。好多舖頭為咗方便，同埋賺少少，都會用1:2000嘅匯率嚟收美金。

我地搵咗間餐廳亂鳩嗌咗啲嘢嚟食。



見佢話有飯有牛有雞有魚，就隨便叫咗碟牛肉飯，點之原來牛同飯係分開嘅。兩碟各自嘅份量都係一個人

同行嘅四個印度人都同我一樣咁飯同肉一齊叫，上菜嘅時候就變成噉了。



最後都食唔晒

之前都聽過呢度啲人算術好有問題。今日總算見識得到。伙計拎張單嚟收56000先令，我地話比美金，佢就話fifty-six

印度友人 伙計
fifty six shillings （佢地習慣講少三個零）
in dollars!
fifty six！
fifty six dollars?
yes!
should be 1 to 2000. 28 dollars!
I don't know~~
ask ur boss!
ok~~

跟埋佢一齊去搵老闆，老闆都話56。其實張單乜都冇寫，連細項都冇，後來老闆直接話張單就係講56美金

然後我地叫佢逐碟講下分別幾錢。佢講完之後，全部加埋，變咗51000先令 我地再問噉56係咩嚟，老闆就話now 51 ok!

大佬呃錢都專業啲，唔好咁求其好喎

最後我地都堅持用1:2000嚟計，比咗26美金就拜拜了

究竟佢係想呃錢定真係唔識計？我睇唔透

正皮留名待追
利申最高都係富士山

留名 啱啱行完座5600m的山

想知邊度5600

正皮留名待追
利申最高都係富士山

富士山我都終有一日想去吓