[直播]獨闖非洲之巔，5895米吉力馬札羅山

送上一張裝備全圖。

九月嘅坦桑尼亞日間有廿幾度，但上到山頂會低三十幾度 中間幾乎每隔一千米都會逗留一晚，行山嘅路上可以話係經歷晒四季，即係乜嘢衫都要帶晒喺身 所有嘢加加埋埋，都有成15公斤。睡袋之類嘅嘢又實在太bulky，於是之前去一年旅行用嗰個75L背囊又要重新出動

一孭上身，發現都唔係好重，先醒起以前係拎開～23公斤。只係過咗半年，已經懷疑當日點解會做得到

前晚出咗發，經杜拜轉去吉力馬札羅機場。



坐8個鐘機好快到咗杜拜。同機都唔少香港人同中國人，有啲個樣同我差唔多大嘅，見佢地手揸嘅機票都係去倫敦同埋歐洲為主。唔知會唔會有人同一齊去爬山

喺杜拜機場個顯示牌搵咗好耐，都唔見有去吉力馬札羅嘅機 再睇真啲先發現自己去錯terminal 原來flydubai嘅機全部都係另外一邊。

坐巴士去咗另一個terminal之後，氣氛都唔同晒，由頭先中國人為主嘅地方，變咗得返黑人同阿拉伯人佔七成，歐美嘅白人遊客佔三成。呢個轉變令我當堂感到有啲壓力，就好似話比我聽我已經離開咗自己熟悉嘅地方。而呢刻嘅我我就好似坐喺度等比人恰嘅毒撚傻仔噉

又話好多香港人去非洲玩嘅？邊個呃鳩我

雖然我旅行經驗唔算非常少，但講到獨遊其實係第一次 究竟有咩辦法保住菊花平安返嚟？

巴打我黎緊去尼泊爾行山，上到5千幾米海拔

真係獨闖？

第二程機僥倖拎到窗口位



睇到雲海上嘅日出都事小。



重點係由雲海探頭出嚟嘅非洲最高峰

其實我唔太肯定係咪呢座。但就算唔係，座真身都只會更加高。憑我呢啲運動廢棍真係可以行到上去？我已經有啲質疑自己了

呢度顯示機外溫度係負十六度，即係到時山頂就真係咁凍了

吉力馬札羅山有個朵，叫做赤道之雪。意思係指咁近赤道嘅地方個山頂都可以終年冰封。但亦有人話因為全球暖化，啲雪已經越嚟越少，可能過多十年八載就會變成冇雪嘅山

我喺機上已經睇唔到有任何雪，係我睇錯定而家已經溶晒

真係獨闖？

去到會有人一齊行掛 聽日先開波

巴打我黎緊去尼泊爾行山，上到5千幾米海拔

有諗過去，但見佢呢幾日不斷落雨

巴打行邊度

lm

支持

行邊條路線?個團幾錢?

正皮留名支持

lm

又坐多咗六粒鐘機，終於到了



吉力馬札羅機場 好清涼嘅天氣，一落機就覺得好舒服了。

特衰護照入境坦桑尼亞唔需要簽證，反而美國英國歐盟全部都要，睇住佢地喺拎落地簽證個窗口排晒長龍，心底暗爽一吓

但當然我都唔係咁天真，用過呢本護照去過旅行都知，好少會順利過關的，大部份地方見到國藉寫撚住Chinese，都會真係唔識或者扮唔識噉叫你畀錢

但今次又估佢唔到好順利喎 過關嗰個叔叔淨係講咗句xiexie，就放我入去了

lm

睇完post#1, 正皮再慢慢追

行邊條路線?個團幾錢?

行machame，7日

1700美金

強帖留名
希望巴打平安攻到頂

估唔到特衰護照都有著數嘅一次。

留名預祝巴打登頂成功！

行ACT 13日

我下個月先去，天氣會好啲

成個trip 包晒全部野大概1萬多啲hkd

留名

見巴打問起價錢，就講講錢

喺非洲，所有遊客嘢都係奢侈品，一定好撚貴，平民嘢就要打成十二分精神慎防被騙，如果唔係隨時十倍價錢噉畀人呃返轉頭。

前面提到，吉力馬札羅山受國家保護，唔可以自己入，一定要跟團跟公司報名，單係入場費已經800美金。為咗保障行山人士嘅安全，每個人都必定要有導遊跟住。所以大部份嘅行山團，都會包晒導遊，挑夫（幫你孭帳逢，成隊人全程嘅食物飲品，同埋你嘅裝備），仲有廚師。冇錯佢地係會喺山上面煮熱食同埋有均衡營養嘅嘢比你有好狀態行山。幾條友每日嘅人工加埋，價錢一定有返咁上下，視乎我揀嘅路線，行山日數同埋公司嘅口啤，價錢由千二三美金去到三四千美金都見過

總括一句，行呢座山就係好撚好撚貴。當然事情都係兩睇，如果同最近大阪返香港買快運都要一皮去比較，咁可能嚟非洲會比較抵玩

因為睇過有啲失敗嘅review，話參加咗850美金嘅團，個導遊係完全唔理佢地嘅生死，啲嘢食完又肚痛冇晒力行，最後落山而回。唔想搞到咁，太平嘅團都唔敢考慮，最後就揀定咗1700美金呢個7日嘅行山團。

希望一切會順利啦

正呀留名！！成日都想出國行山影相！不過肥毒怕行死

巴打之前行過最高嘅山係邊一座？