7：30am，吉力馬札羅山頂。
我返到去張張相Send比女神，佢將自己個樣Key上去，我地就一齊登咗頂。一齊玩咗成年，走到世界盡頭，發現都係有你喺身邊最好
Innocent將7：30呢個時間Mark低，話張登頂證書會寫呢個時間上去
海明威未上過山頂，就寫低咗The Snows Of Kilimanjaro呢本小說。我冇文彩，就算上到山頂都唔會寫得出，只能鳩行，欣賞吓呢片近年越縮越細嘅冰川。
呢個人做咩
吹咗20分鐘山風，法國仔同英國情侶相繼登頂
Vicky到頂嘅時候，兩行眼淚直情流咗出嚟，係真真定定嘅行到喊。佢話佢其實冇幾耐開始就有啲頭痛，但為咗令自己鎮定同唔影響其他人，就索性唔講出嚟。我諗佢都強迫自己捱咗好多個鐘
人都開始多了，要排隊影相了
人多了，景色都冇咁壯觀了
冇郁太耐，我都開始凍凍地，Innocent問我地想等埋Grace同Kiat定落返去先
究竟佢地嚟唔嚟到
同Stephane佢地一齊登頂嘅Viviano就話見到Grace同Kiat狀態尚可，只係Grace眼瞓到幾乎擘唔大眼，但冇其他唔舒服，估計佢地可以順利登頂。既然係噉，我就坐喺山頂等齊人為止
由我登頂嗰一刻起計，過咗70分鐘多啲，終於見到Kiat首先出現。但睇真啲，佢成把牙都係血
原來佢嘴唇太乾，以致有啲流血，啲血流咗入個口入面又冇手抹，所以搞成噉
（呢啲冇圖了
）一分鐘之後，Mfaume同另一個隨行嘅Porter Ali一人一邊將Grace夾埋上嚟
其實我真係好欣賞呢班導遊。雖然只得3個，但佢地都會盡佢地嘅能力比我地自由發揮。知道我攻頂心切就派一個跟住我，知道有隊員唔太跟得上就搵人殿後，甚至出埋力扶佢上嚟，唔會因為佢攰到噉就迫佢放棄。見到Grace上嚟嗰個樣，我相信冇心嘅導遊早就可以喺一兩個鐘前用各種理由說服佢唔好繼續
就係噉，08：45am，全員登頂成功
（張相影到啲人望去邊
）
（張圖冇P過
雖然冇辦法喺山頂睇，不過半路見到都唔錯呀。
但我份人就係噉，知道目標在望，就幾攰都會死鏈到最後，我完全無視所有休息點，趁我仲有最後一啖氣直屌到尾
巴打寫得好熱血
