跟住落黎應該唔會日日都打出黎
會打一D有意義/on9嘅野
但有咩想問都可以問喎
係fethiye 我地本身經我地間hostel join左個boat trip
但我唔舒服所以無去
由西面王自己去
我上就唔舒服但下就無咩事就覺得唔好曬左一日啦
於是就contact返蕾姐(個個滑翔傘agent)
佢好好人叫我出返個沙灘搵佢同佢食野同埋幫我看野
於是我就帶住泳衣自己走左去沙灘
去到就同阿蕾姐食野同傾計
蕾姐係一個廿尾嘅中國女仔
自己一個人隻身黎到土耳其
本身係諗住徒步行哂成個土耳其
點知走到fethiye嘅時候佢就覺得好撚正
所以就stay左係到仲學埋滑翔傘
之後就同到個滑翔傘大佬(個個滑翔傘考官)一齊開滑翔傘公司
佢話fethiye對於D鬼佬黎講係度假勝地
所以好多鬼佬都有係到買樓
得閒就黎度假
其實旅行得多就會遇到好多呢D人
都係旅行個時
覺得某一個地方好撚正然後stay係個到簽working visa做野
個時係cappdocia同一個韓妹同新疆酒店職員傾計
佢話佢一去到cappdocia就知佢係屬於呢個地方所以就叫間酒店請佢
最終又真係請左
扯得太遠tim
之後我就去左沙灘玩
D水好凍
同埋我有好大個肚腩其實唔夠膽著住件泳衣周街fing
所以我就租左個沙灘椅同遮係到曬太陽
由兩點幾開始瞓
有少少海風好舒服
我直頭瞓到不省人事
去到六點幾
租沙灘椅個個人行埋黎我身邊收其他沙灘椅吵醒左我
我以為夠鐘 即刻講唔好意思
點知佢見我一面驚恐就話「你繼續瞓啦」
我陣間再叫醒你
個下已經瞓唔到(返到hostel仲要發現自己有個泳衣印屌)
發現已經日落緊
就返左hostel
返到hostel仲要發現自己有個泳衣印屌
明明係cum住毛巾都會曬到
女啊你睇
個時西面王都去完個boat tour返黎
我問佢好無玩
佢搖一搖頭話:「覺得同船P無分別 好玩樂性」
其實對於fethiye呢個地方我同西面王都覺得
係景靚但總係無咩特別嘅野吸引到我地
所以會好快飛過呢個地方