戈兄點睇未來係香港既文學發展?
雖然係呢度認識好多熱衷於文學既巴絲,但普通來說文學係香港不算流行
文學普及度會繼續維持?
定係越縮越小,成為極小眾既領域?
張巴打呢個問題,我都唔知點答好...
好多年前,外國中國都成日有人吹文學已死
但死左咁多年,文學依然存在,我諗除非人死哂,否則文學應是不滅嘅
今時今日,唔止文學,係所有嚴肅藝術嘅受眾都係變少左
文學從以前具高度社會性,轉變為純粹嘅藝術品,係時代轉變左
文學受眾,讀書人,即使係其他地方其實都無想像中咁多,唔係話香港特別少嘅
香港讀書人好多都係大隱隱於市,因為係呢到,文學毫無炫耀之價值
有時咁樣反而可以更專心讀書,享受讀書嘅樂趣
文學能否普及?文學是否有必要普及?
精英與普羅、知識分子和平民百姓,各有其追求,也有各有存在之理由
當然我係好希望更多有心人去讀文學作品,因為呢樣野豐富左我嘅人生
但我等待嘅係有心人,因為妄想普及,未免痴人說夢話