港超聯 承認失敗 李輝立:下季未有打算
夢想FC周日(15日)於主場不敵陽光元朗後16戰得13分位列「尾二」,與榜尾的標準流浪有8分差距,流浪在聯賽只剩3場下,數字上仍有機會護級,不過總監李輝立於不敵和富大埔後就指:「已經計到自己班次喺邊,今年隊波組織真係好差,外援要自責,因為好多個都達唔到水平,踢得嘅就唔係傷就病,依賴嗰幾位華人又走晒,剩落嚟呢啲都係無咩港超聯經驗,夾硬頂住上都要捱埋去。但佢哋都叫交到功課,唔會放軟手腳,無放棄咁為前途盡力去踢。可惜今季踢親6分波都係輸,優勝劣敗,降班已經早成事實。」
球迷都關注流浪來季組班事宜,Philip透露球隊暫未有打算:「最緊要贊助商肯燒銀紙,我哋青訓過去幾年算成功,出咗唔少新人,有幾多球會肯犧牲成績,年年畀幾百萬,明知自己降班都要組班呢?有贊助商的話就會繼續支持落去,希望盡力搞好隊波,就算唔喺超聯咪喺港甲,最緊要有誘因令贊助商支持。」