以前極度沉迷隻比老母鬧到飛起
去到有少少成癮地步
嚴重到係搬屋專登唔裝寬頻 搞到半年冇得上網
係跑到識左第一班網友
有一排同佢地搞拍片
咁岩撞正第一屆金鞋獎 (好似係咁叫) 就約埋一齊拍左條而家柒到唔敢睇既片
又咁好彩贏左 獎金好少 叫做有個獎杯仔
我個次仲要係星期六自己偷偷地出去拎個獎
完全唔敢比老母知道我仲有玩
老母見到我有個獎仔先令關係冇咁緊張
佢問左句點解唔係送隻足金金鞋比我
不過個陣跑送左第一隻金鞋獎杯比我放落個農場到
Right click落去係入左我個陣拍條片個名同game名個隻
自己同朋友威威左一陣
第二年同其他friend拍都贏左
所以我個陣有兩隻金鞋
但好似之後幾屆係連第一名以外既人都有
點知戲谷佢年年都出一次搞到濫哂
最特別係我諗我老母估唔到
個陣係跑學既拍片剪片整photoshop banner知識 啟蒙左我
去到我之後讀書做野係有巨大幫助